BIECHHOTUHPA 3:3 - Mara Bible RV (BSI)

³ Thie daihti y ta, patlâh daihti a y; Phie daihti y ta, sa daihti a y;

BIECHHOTUHPA 3:3 ပူးပေါင်းရင်းမြစ်များ

ÂTHAONA 9:6

“Khazohpa ta chyhsapa cha, Ano kakuapa ta a taopa vâta, Chyhsapa thisaih a palopa maih cha, Chyhsapa lilaw ta ano thisaih a palo hra aw.

ISAI 44:26

Nâ chakaotuhpazy bie pa-i na ta, Ei lyuhchâpazy ryhraopa a patlôsatuhpa ei châ. Zerusale kyh liata, ‘Cha liata chyhsa ama pahrâ heih aw,’ tah na ta, Zudâh khihpizy kyh liata, ‘Paduapathipa châ aw ei ta, Roryhrapa khihpizy ei paduapathi aw ei,’ A tahtuhpa ei châ.

ISAI 6:10

Cha phopi palôh cha a kuhchha ha ta, Ama nah ta bie thei thai khao leipa ta, Ama mo ama paso haw. Chata châ vei sala cha, Ama mo ta hmôpa ta, Ama nah ta thei aw ei ta, Ama palôh ta pahnopa ta, Kei lâ a vaw heih aw ei ta, Ei patlâh ha awpa ei tlai,’ Kei tah mah y,” tah ta.

ZEREMIAH 1:10

Tanoh he phopizy nata khinarâhzy chô liata cha soh na ta, Phia awpa nata phie awpa ta ei cha soh; Pahleipadia awpa nata thy awpa ta cha soh na ta, Sa awpa nata lo awpa ta ei cha soh,” tah ta.

ZEREMIAH 31:28

“Chatawhcha hetana heta a vaw châ aw. Izarei sawzy nata Zudâh sawzy phiapa ta y ei ta, paraopa nata thypa ta ama ypa mokhâh na ta, pahleipadiapa nata pasasapa ta ama ypa ei mokhâhpa hawhna ei khata, âmo cha paduapathipa ta ama ypa nata lopa ta ama y awpa chhao ei mokhâh aw ei,” Abeipa ta a tah.

ZEREMIAH 33:6

Chatahrasala hnatlâna nata patlâhna vaw tlôkhei aw na ta, patlâh aw ei na ta, thlalôhna kipa nata abohna ei pahmôsa aw ei.

ZEREMIAH 45:4

Châhrasala Abeipa ta na hnohta reih awpa ta hetana heta eina chho: Abeipa ta hetana heta a tah: Pachâ teh, ei padua hapa cha phie heih aw na ta, ei bô hapa chhao ei phia heih awh.

EZEKIA 13:14

Chatanachata hlyu râhpa nama hniapa thokhy cha pacho aw na ta, a lei taihta cho aw ta, â bôna chhao taih â lâ khai aw. Thokhy a cho tita, nâmo chhao khihpi chhôh liata pahleipadiapa châ aw ei chi ta, Abeipa ei châ tahpa nama pahno aw.

HÂKAI 1:2

Pheisaihzy Abeipa ta hetana heta a tah: “He chyhsazy heta, ‘A daihti tlô mâh vei, Abeipa o sa pathi nawpa daihti châ mâh vei’ tah ei ta.”

HÂKAI 1:4

“He o a rao khai ha nota, nâmo deikua nama o pha ngaitapazy liata nama pahrâpa cha a daihti a châ ma?

ZEKARIA 1:12

Abeipa vâlyuhchâpa ta, ‘Hy Pheisaihzy Abeipa, kô sysari chhôh zydua na palôh châ pachhie hapa Zerusale nata Zudâh khihpizy he, khachâ taih ma thapasa khao leipa ta na y aw tly?’ tah ta.

RYHPACHANEINA 32:39

“‘Tahmâ he pachâ teh u, Kei, kei deita he Ano cha châ na ta, Keima leipa ta Khazoh hropa rai y veih ei. Thie thei na ta, Ei pahro thei; Hmah paphao thei na ta, Ei patlâh thei; Ei ku tawhta a pachha theipa y veih ei.

1 SAMUELA 2:25

Chyhsa ta chyhsa chô liata a molei khiahta cha, Khazohpa ta paryhkhei aw ta, chyhsa ta Abeipa chô liata a molei khiahta cha, ahy ma a paryhkhei khao aw?” tah ta. Châhrasala Abeipa ta âmo cha thie â chhuah hapa vâta, ama paw bie cha nathlie khoh pyly veih ei.

1 SAMUELA 2:6

Abeipa ta thie ta, A pahro heih tyh. Athihkhih lâ pangiasa ta, A pathyu heih tyh.