BIECHHOTUHPA 3:14 - Mara Bible RV (BSI)

¹⁴ Khazohpa ta a taopa maih cha a y kôzaw aw tahpa ei pahno. Khâpa hmahta baichha theipa châ leipa aw ta, la bâ theipa cha aw vei. Chyhsazy ta a hmiakô liata chizapa ta ama y thei nawpa ta, Khazohpa ta a taopa a châ.

BIECHHOTUHPA 3:14 ပူးပေါင်းရင်းမြစ်များ

2 SAMUELA 22:31

“He Khazohpa lâpi cha phapaki ta, Abeipa bie cha â dozie pasia hapa châ ta, Ano a chhaituhpa zydua châta vyhphao a châ.

HLAZY 33:11

Abeipa ryhraona deikua cha chhâzaw ta a duah ta, A palôh achhuahnazy chhao chhâ zydua ta â duah aw.

HLAZY 64:9

Chatanachata chyhsa zydua ta chipa ta, Khazohpa raihria phuah aw ei ta, A hmotaopazy ama pachâ aw.

HLAZY 76:10

Hmeiseihta ta, chyhsapa chô liata na pathiiana cha, Nâma reithaina châ aw ta; Na pathiiana tawhta a bohpazy cha, Chaisaih ta nâ saih aw ei.

BIESOZY 19:21

Chyhsapa palôh liata achhuahna hluhpi y ta, Châhrasala a duah awpa cha Abeipa ryhraopa a châ tyh.

BIESOZY 21:30

Kheihawhpa sona, novâhna nata ryhraothaina hmahta Abeipa cha pahnie aw vei.

BIESOZY 30:6

A biezy baichha khah y, Chataleipatala cha ra aw ta, Haihthaipa ta hmôpa na châ pathlei aw na.

BIECHHOTUHPA 12:13

Bie zydua reipa nata theipa a châ khai tawhta, cha bie zydua sypahmaohna cha he he a châ: Khazohpa chi la, a biepiepazy a pyh mah y. Cha cha chyhsa to tao awpa ama maophaohna a châ.

BIECHHOTUHPA 5:6

Na pakah ta cha pamoleisa leipa sala, vâlyuhchâpa hmiakô liata, taopasipa a châ tah hra khah y. Khazia Khazohpa cha na bie vâta a hiehâhpa ta, na ku raihriazy a parao aw?

BIECHHOTUHPA 5:7

Mâsana a hluhna liata bie ruapa hluh ta, hraoleipa chhao a hluh tyh. Khazohpa deita na chi awpa a châ.

BIECHHOTUHPA 7:18

He he nâ patu awpa a pha, pathlie cheita khah y. Khazohpa a chituhpa cha, cha hawhta tah tu pâpa hnei lei awpa ta â vaih aw.

ISAI 46:10

Âthaona tawhta chhâna kyh reih ha na ta, Hmo tao mâh leipazy chhao, Hlâno tawhta hetana heta ei reih haw: ‘Ei ryhraopa a duah aw ta, Ei chhuahpa zydua ei tao khai aw.’

DÂNIAH 8:8

Mie tôhpa cha thata vaw lai ta, châhrasala a thatlô lichih ta, a ki laipa cha thliepa châ ta, a su liata ki a lâluah kawpa ki palih, avâ thlih miapalihpazy lâ a heipa ta kaw thao ei ta.

HMOTAOPAZY 2:23

Kha Zisu kha Khazohpa pachhuahpanohpa nata pahno chhieliepa hawhta, nâmo ta patusa ei chi ta, moleipazy ku ta khaipâ ei chi ta, nama thie hapa a châ.

HMOTAOPAZY 4:28

Na ku nata nâ chhuahna ta hmo a vaw tlô awpa na rao chhieliepazy tao awpa ta amâ hmaohpakhypa a châ.

HMOTAOPAZY 5:39

Khazohpa tawhta a châ khiahta deikua cha, âmo he pahleipadia thei aw veih ei chi. Khazohpa a dyuhpa tlao nama châ aw!” tah ta.

RAWMA 11:36

Ano tawhta, Ano vâta, Ano châta, Hmo to a ypa a châ. A hnohta chhâzaw ta rônahna y mawh sy! Amen.

EPHESI 3:11

Cha cha Khazohpa chhâzaw hmochhuahpa châ ta, eima Beipa Krista Zisu liata a vaw patlôsa.

RYHPACHANEINA 32:4

“Lôpanô cha a hmotaopazy siapaki ta, A lâpi zydua â do. Ano cha Khazohpa ngâchhihpa châ ta, Paraona hnei leipa ta, Asiapa nata adopa a châ.

TITU 1:2

Haipa bie a reih beih leipa nata khizaw y hlâ tawhta chhâzaw hrona bie a vaw taih hapa Khazohpa a ngiapâtuhpa ei châ.

ZÂMIE 1:17

Hmosaipiepa phapa nata hmosaipiepa pakipa zydua cha chô lâ tawhta a zupa châ ta, khaihpazy Paw tawhta a zupa a châ. Ano liata ananona nata nohpahlipa y vei.

BIEPHUAH 15:4

Hy Abeipa, ahy ma cha chi leipa ta y aw ta, Na moh palyupalih leipa ta a y aw? Pathaihpa cha nâ dei na châ. Na pachiana siaziezy palâhâhpa a châ hapa vâta, Phopi zydua a vy aw ei ta, Ama châ vaw chhy aw.”