BIECHHOTUHPA 3:11 - Mara Bible RV (BSI)

¹¹ Ato ama daihti chyu liata â ngia ngaitapa ta taopa ta, chyhsapa palôh liata tlyzaw soh ta, châhrasala Khazohpa hmotaopa cha âthaona tawhta achhâna taihta pahno thei hlei vei.

BIECHHOTUHPA 3:11 ပူးပေါင်းရင်းမြစ်များ

ÂTHAONA 1:31

Khazohpa ta a hmotaopa zydua cha moh ta, a pha tah ngaita ta. Chatanachata zâlâ y ta, my y ta, cha cha a noh charuna a châ.

ZAWBÂ 11:7

“Khazohpa bienyupazy na pahno thei ma? Atotaotheipa chhâna na hmô thei ma?

ZAWBÂ 37:23

Atotaotheipa cha hmô thei leipa pi ta, Ano cha hmotaotheina rônahpa a hneipa a châ; Adona nata siana hluhpi chhao hnei ta, Âdoleipa ta hmo tao beih vei.

ZAWBÂ 5:9

Ano cha hmo rônahpa nata pahno pha leipazy taotuhpa châ ta, Hmo noâhchhihpa rei tiah leipazy taotuhpa a châ:

HLAZY 104:24

Hy Abeipa, na hmotaopazy a hluh kaw dia! So kawpa ta na taopa sai châ ei ta, Leilô he na hmotaopazy ta a bie.

BIESOZY 16:4

Abeipa ta hmo to a chhâpa hneipa ta tao ta, Moleipa chhao he chhiena noh châta a taopa a châ.

BIECHHOTUHPA 1:13

Avâ ry liata hmo a ypa zydua sona ta tlua awpa ta ei palôh hmâh na ta. Khazohpa ta chyhsa sawzy tao awpa a vaw piepazy he tymâna dei a vaw châ.

BIECHHOTUHPA 11:5

Ziza lâpi pahno leipa chi ta, nô chhi chhôh liata hawsaih rupa a vaw y laihnazie na pahno leipa hawhta, ato zydua a taotuhpa Khazohpa hmo taozie zy chhao pahno va chi.

BIECHHOTUHPA 7:13

Khazohpa hmotaozie he pachâ tua u, A pako hapa cha ahy ma a patlâsa thei khao aw?

BIECHHOTUHPA 7:23

He hmo zydua he sona ta ei pasia khai haw. “Ei so kaw bâ aw,” tah na ta, châhrasala a hniasia vei.

BIECHHOTUHPA 7:29

He he ei hmô chhôhpa cha a châ: Khazohpa ta chyhsapa he chyhsa dopa châ awpa ta tao ta, châhrasala hmo chhiepa to ama patuapalua tyh.

BIECHHOTUHPA 8:17

Khazohpa raihria zydua moh na ta, noh ry liata hmo a ypa zydua he chyhsapa ta pahno khai thei vei tahpa ei pahno haw. Chyhsapa ta thata hriapasapa ta tlua hra sala, hmô papua khai beih aw vei. Chyhsa sopa chhao ta, a pahnopa hawhta a reih hra sala, hmô papua khai thei beih aw vei.

MATHAI 11:27

Ei Paw ta ato zydua eina hlâ haw. Paw dei leipa ta cha, ahy hmahta Sawchapawpa he pahno leipa ei ta, Sawchapawpa nata ano ta a hnohta a palâhâhpa tah dei leipa ta cha, ahy hmahta Paw pahno veih ei.

MATHAI 13:22

He he ahloh thih liata chi hiepa cha a châ. Bie cha thei ta, châhrasala khizaw hmo pachâna nata hneirôna tlaichhaina ta bie cha disao ta, pathei leipa ta a y tyh.

MÂKA 7:37

Zawpizy cha rei thai leina taihta ama noâh ta, “Hmo to a tao phazie rimâ cha! Nahpâpa taihta patheisa ta, reih pathlie thei leipa taihta a pathliesa haw,” tah ei ta.

RAWMA 1:28

Khazohpa pahnopa cha hmo phahnai leipa hawhta ama pachâpa vâta, palôh doleipa phaoh ta, tao lei awpazy tao awpa ta Khazohpa ta âmo cha â heihsai ha ei.

RAWMA 11:33

Hy â thu kaw dia, Khazohpa hneirôna, Sona nata pahnona zy cha! A ryureinazy pahno thei awpa châ leipa ta, A lâpizy chathô thei awpa châ vei.

RYHPACHANEINA 32:4

“Lôpanô cha a hmotaopazy siapaki ta, A lâpi zydua â do. Ano cha Khazohpa ngâchhihpa châ ta, Paraona hnei leipa ta, Asiapa nata adopa a châ.