BIECHHOTUHPA 2:8 - Mara Bible RV (BSI)

⁸ Tâkâ nata ngôh nata abeizy nata râhzy ryusôhpazy pakhy na ta, chapaw nata chanô hlasathaipazy hnei na ta, chyhsa sawchapawzy alyna nôtho hluhpi chhao ei hnei.

BIECHHOTUHPA 2:8 ပူးပေါင်းရင်းမြစ်များ

2 SAMUELA 19:35

Tanoh he kô sycharie châ ha na ta, hmo chhiepa nata hmo phapa chhao ei pachhaih thai khao ma? Châ chakaotuhpa heta ei niepa nata ei dopazy a pahâh nata pahâh lei zy ei pahno khao ma? Chapaw hlasathaipazy nata chanô hlasathaipazy ao chhao ei thei thei khao ma? Châ chakaotuhpa he khazia ma ei zibeipa abei châta phaori a baichhatuhpa ei châ aw?

1 ABEIZY 10:10

Chatanachata Sebâ Beinô ta Bei Sawlawmaw cha ngôh talent 120 nata ia-ô hluhpi nata lôsôhpazy pie ta. Sebâ Beinô ta Sawlawmaw a piepa ia-ô tlu ta a hluhpa a ngia beih khao vei.

1 ABEIZY 10:14

Sawlawmaw liata kô kha chhôh ta ngôh a ngiapa cha talent 666 a châ.

1 ABEIZY 10:21

Bei Sawlawmaw nyu zydua cha ngôh nyu sai châ ta, Lebanaw Râhmâhpa O liata hmobaoh zydua chhao ngôh suapa ta taopa sai a châ. Tâkâ ta taopa y tlâ vei. Sawlawmaw daihti liata la, tâkâ cha khâpa saw ta reih veih ei.

1 ABEIZY 11:3

Abei sawchanô sai ta nôbei 700 hnei ta, nôtho 300 a hnei. A lapinôzy heta a palôh ama patleisa hapa a châ.

1 ABEIZY 14:27

Bei Rehôbaw ta ngôh vyhphaozy vyuhpa ta dawh vyhphaozy tao ta, chazy cha abei o ochhi vaituhpa pheisaih hyutuhpazy pavaosa ta.

1 ABEIZY 9:14

Hirâ ta abei hnohta ngôh talent 120 a vaw paphao hapa kha châ ta.

1 ABEIZY 9:28

Balyh chyhsazy cha Ôphi lâ sie ei ta, cha tawhna chata ngôh talent 420 vaw phaoh ei ta, Bei Sawlawmaw lâta ama vaw tlôkhei.

1 THÂTIHZYRONA 25:1

Dâvi nata pheisaih hyutuhpazy ta Asâpha, Hemâ nata Zeduthu pathlazy cha totâzy, tlaipihzy, paotlâzy tô ta, hrohsona hlazy sa awpa ta panano ei ta. Hezy he pyungiapa chakaona rai a hriapazy ama châ:

1 THÂTIHZYRONA 25:6

Ama zydua ta Khazohpa o liata chakaona rai châta paotlâzy, tlaipihzy totâzy tôpa ta, ama paw chhihthana ry liata Abeipa o liata pyungiapa lâchhâh chakaona rai hriatuhpazy ama châ. Asâpha, Zeduthu nata Hemâ zy cha abei biepiepa ry liata a ypa ama châ.

2 THÂTIHZYRONA 9:11

Abei ta alku tho cha hmâpa ta Abeipa o nata abei o kahmizy tao ta, cha tho hmâpa chata hlasatuhpazy châta totâ nata tlaipih zy tao hra ta. Cha hawhpa cha Zudâh râh liata hmô awpa y beih vei.

EZRÂ 2:65

Chazy thota ama seichapaw nata seichanô 7,337 a hlao ei ta, hlasathaipa chanô nata chapaw 200 amâ hlao.

BIECHHOTUHPA 1:2

Biechhotuhpa ta, “Hraoleipa sai, hraoleipa sai, Hraoleipazy hry liata hrao lei chaipa, Ato hraoleipa sai a châ,” tah ta.

DÂNIAH 3:15

Tahmâ chiahmie zy, ramo zy, totâ zy, tlaipih zy, totâ laipa zy, bâzâ nata paropasyu theipa chi to pyu nama theipa nahta, âkhu lâta paopa ta nothlahpa ei taopa namâ chhy khiahta cha a pha. Namâ chhy leipa khiahta deikua cha, patina meihô ru ngaitapa liata thlai thypa nama châ aw. Keima ku tawhta châ pachha thei awpa khazoh ahy ma a y?” tah ta.

DÂNIAH 3:5

chiahmie zy, ramo zy, totâ zy, tlaipih zy, totâ laipa zy, bâzâ zy nata paropasyupa chi to pyu nama theipa nahta, âkhu lâta pao aw ei chi ta, Bei Nebukaneza paduapa ngôh nothlahpa he a chhy awpa ta biepiepa nama châ.

DÂNIAH 3:7

Chatanachata phopi zydua ta chiahmie zy, ramo zy, totâ zy, tlaipih zy, totâ laipazy nata paropasyu theipa pyu to ama theipa nahta, phopi zydua, râh zydua nata reih zydua ta âkhu lâta paopa ta, Bei Nebukaneza paduapa ngôh nothlahpa a chhy ei ta.

AMÔSÂ 6:5

Totâ patlapa ta thathina hlazy sa ei ta, Dâvi hawhta pyungiapa tô thaipa ta â pachâpazy;