BIECHHOTUHPA 2:23 - Mara Bible RV (BSI)

²³ A hro chhôh noh zydua cha vâsâhna sai ta bie ta, a raihria chhao ruchhôna dei a châ. Zâ ta chhao a palôh a pahâ vei. Cha chhao cha hraoleipa deita a châ.

BIECHHOTUHPA 2:23 ပူးပေါင်းရင်းမြစ်များ

ÂTHAONA 3:17

Âdâh hnohta, “Na lapinô bie nathlie chi ta, ‘Na nie awpa châ vei,’ tahpa ta bie ei cha piepa tho thei na niepa vâta, “Nâma vâta chhaohlei he chhiesapa ta y ha ta, Na hro chhôh zydua ta riethei taopa ta, Chhaohlei thei na nie aw.

ÂTHAONA 47:9

Zakaw ta Phiraoh hnohta, “Ei khitlyna kôzy cha kô 130 a châ. Ei hro chhôh kôzy cha chyhta ta, riethei â chhih kaw. Nâ pathlatuhpazy khitlyna nohzy liata ama hro chhôh kôzy a kho vei,” tah ta.

ESTHERI 6:1

Cha zâ liata abei cha a mô thei leipa ta. Hmo ngia tlâhpazy rona, thâtihzy rona châbu vaw cheih awpa ta biepie ta. Châbu cha abei hmiakô liata reih ei ta.

ZAWBÂ 14:1

“Chanô sapa chyhsa châta la, Noh chyhta dei hnei ta, Cha chhao cha ngiarohna ta a bie.

ZAWBÂ 5:7

Chyhsapa cha a tymâ awpa ta vaw pih ta, Meihlih hawhta chô lâ â zaw syulyu tyh.

HLAZY 127:2

Mydi ta thyupa ta a pahâ hawh ei chi ta, Hriapasa palôh rietheipa ta pati nama nie tyhpa he, Hraoleipa a châ. Abeipa ta a kyhpachâpazy cha, Mokuh pahâpa ta a pamôsa tyh ei.

HLAZY 32:4

Chhô nah zâ ta na ku ta na vi ta, Châhvâ nokâh ta ti a pakuapa hawhta, Ei thatlôna a kua haw. Selah

HLAZY 90:15

Pasa miah na pataosana noh zie ta, Thaphana miah pie heih la; Chhiena eimâ tyhna kô zie ta, Thaphana miah pie heih mah y.

BIECHHOTUHPA 1:13

Avâ ry liata hmo a ypa zydua sona ta tlua awpa ta ei palôh hmâh na ta. Khazohpa ta chyhsa sawzy tao awpa a vaw piepazy he tymâna dei a vaw châ.

BIECHHOTUHPA 1:18

Sona hluhna liata tymâna chhao hluh ta, Pahnona a papôhsatuhpa cha pachârôhna a papôhsatuhpa a châ.

BIECHHOTUHPA 2:11

Ei hriapasa­na zydua nata ei ku ta ei hriapa zydua pachâ na ta, moh teh u, cha zydua cha hraoleipa châ ei ta, thlih a chadaipa deita a châ; noh ry liana heta hmo phahnaipa khâpa hmah y vei.

BIECHHOTUHPA 5:12

Raihriatuhpa cha a nie hluh tlyma, a nie chyh tlyma, a mokuh pahâh kaw ta; hneirôhpa deikua cha, rih biena taihta a niepa chhao ta a mô thei vei.

BIECHHOTUHPA 5:17

Cha dei châ vei, a hro chhôh noh zydua ta ruchhôpa nata pasapa nata hiehâhpa ta zohna liata pati a nie tyh.

BIECHHOTUHPA 8:16

Sona kyh pahno awpa nata alei chô liata chyhsazy hmotaopa pahno awpa ta, chhô nah zâ ta mokuh saihpa ta ei pachâna hmâh na ta.

DÂNIAH 6:18

Chatawhcha abei cha abei o lâ a di ta, kâhvileipa ta azozâkhihdei y ta; â palypauasa nawpa khâpa hmah a châta taopa châ leipa ta, mokuh ta puasai ha ta.

HMOTAOPAZY 14:22

Riethei hluhpi taopa ta Khazohpa khinarâh eimâ ngia awpa a châ, tahpa ta pachupazy palôh pa-ipa ta, ngiapâna liata y thlâh ha awpa ta thapatlô ei ta.