BIECHHOTUHPA 2:21 - Mara Bible RV (BSI)

²¹ Chyhsa ta sona nata novâhna nata zôthaina zy hmâpa ta hriapasa ta, a châh ta cha, a hriapasa leipa to awpa ta siesai awpa a châ thlâh ha tyh. Cha chhao cha hraoleipa nata paraona lai ngaitapa a châ.

BIECHHOTUHPA 2:21 ပူးပေါင်းရင်းမြစ်များ

2 THÂTIHZYRONA 34:2

A pathlatuhpa Dâvi lâpizy a chhihpa ta, Abeipa mohmô liata hmo dopa tao tyh ta, chachâh lâ tlyma, chavei lâ tlyma tlei beih vei.

2 THÂTIHZYRONA 35:18

Hrohsopa Samuela daihti tawhna khata, cha hawhpa Zawpakhô kyhchhi cha Izarei râh liata hmâpa châ beih vei. Izarei bei ahy hmahta Bei Zôsia, theihthaipazy, Livai sahlao, cha liata a ypa Zudâh nata Izarei zydua nata Zerusale khihsawzy ta ama hmâpa Zawpakhô kyhchhi hawhpa cha hmâh beih hra veih ei.

HLAZY 39:7

“Hy Abeipa, tahmâ he khâpa ma ei hâ chy tly? Ei hnabeiseihna cha nâ liata y tlôh ta.

HLAZY 49:10

He he chyhsa to pahnopa a châ: Chyhsa sopazy chhao thi ei ta, Ahrupa nata angâpa leidia raihrie ei ta, Ama sôh mohropazy châta ama siesai tyh.

HLAZY 49:11

Ama moh ta râh mohzy bi hra ei sala, Ama chhâzaw o cha ama thlâzy châ ta, Chhâ zydua ta ama pahrâ nawpa su a châ.

BIECHHOTUHPA 2:20

Chavâta a heihhâ na ta, noh ry liata rai ei hriapasana zydua liata ei hnabei a dy haw.

BIECHHOTUHPA 4:4

Hriapasana nata raihria liata zôthaina zydua chhao he, vaihzy uahvana vâta a vaw ypa a châ tahpa hmô na ta. Cha chhao cha hraoleipa châ ta, thlih a chadaipa deita a châ.

BIECHHOTUHPA 4:8

Chyhsa matlupa pakha y ta, sawchapaw tlyma, unawh tlyma hnei leipa ta, ano dei ta a o liata pahrâ ta. Châhrasala a hriapasana chhâ thai khao leipa ta, hneirôna liata a mo lôhrâtlô beih leipa ta, “Ahy châta ma he tlupo ta hriapasa na ta, hro pahâh leina taihta ei hria tly?” tahpa ta anosasyh ta a hiahri beih hra vei. Cha chhao cha hraoleipa deita châ ta, thapawh a chhih leipa raihria a châ.

BIECHHOTUHPA 9:18

Sona cha adyuhna chariah chhaichhizy hlâta pha via ta, châhrasala moleipa pakha ta hmo phapa hluhpi a parao tyh.

ZEREMIAH 22:15

Sidy tho ta nâ zaoh nâ tiahpa vâta, Abei via pachaipa hawhta ma nâ pachâ? Na paw kha niepa ta doh ta, Adona nata siana ta ryu a reih tyh. Cha cha ano châta phana a châ.

ZEREMIAH 22:17

Châhrasala nâ cha athôhna doleipa châ deita ta Mokhaoh nata palôh hnei chi ta; Thaileina a hnei leipa thisaih palo ta, Tlybaina nata thachahra hmâna châ deita ta Mokhaoh nata palôh na hnei.”