BIECHHOTUHPA 2:17 - Mara Bible RV (BSI)

¹⁷ Chavâta hro he ei hao. Noh ry liata hmotaopa zydua he, ei pachâ nâ parôhtuhpa dei châ ei ta, ato zydua hraoleipa châ ei ta, thlih a chadaipa deita a châ.

BIECHHOTUHPA 2:17 ပူးပေါင်းရင်းမြစ်များ

1 ABEIZY 19:4

Elaizâh cha râhchawhpa lâ noh kha sie via ta, ophi buh ry liata a tyuh ta, thi awpa ta hiah ta, “Â daih ha na, Hy Abeipa y, ei hrona he tahmâ la thlâh ha bâ mah y. Nâ pathlatuhpazy hlâta pha via hlei va na,” tah ta.

ZAWBÂ 14:13

Athihkhih liata na nyu la, Na hiehâhna a pai hlâlei na nyu la, Kei châta daihti na raopa la, Cha daihti liata nâ thei la ei tah kaw dia!

HLAZY 89:47

Ei daihti chyuzie he a thei mah y! Khazia ma chyhsa saw zydua he, Hraolei­pa ta na vaw paysa ei tly?

BIECHHOTUHPA 1:14

Noh ry liata hmotaopa zydua hmô khai na ta, moh tua u, ato hraoleipa sai châ ei ta, thlih a chadaipa deita a châ:

BIECHHOTUHPA 1:17

Chatanachata sona kyh pahnopa ta, hruna nata ngâna kyh chhao pahno awpa ta ei palôh hmâh na ta. Cha chhao cha thlih a chadaipa deita a châ tahpa ei pahno haw.

BIECHHOTUHPA 2:11

Ei hriapasa­na zydua nata ei ku ta ei hriapa zydua pachâ na ta, moh teh u, cha zydua cha hraoleipa châ ei ta, thlih a chadaipa deita a châ; noh ry liana heta hmo phahnaipa khâpa hmah y vei.

BIECHHOTUHPA 2:22

Chyhsa ta tiamapa nata palôh rietheipa ta noh ry liata a hriapasana tawhta khâpa ma a hmô?

BIECHHOTUHPA 3:16

Cha dei châ vei, adona yna su liata paraona y hra ta, siana yna su liata chhao paraona a yzie noh ry liata ei hmô.

BIECHHOTUHPA 4:2

Chatawhcha athipazy kyh patuapalua na ta, a thi hapazy kha a hroh chypazy hlâta vâpha viapa ama châzie ei palôh liata â vaw lâ.

BIECHHOTUHPA 4:3

Athipa nata ahrohpa hlâ chhao ta, a pih leipa, noh ry liata moleina hmotaopa rai a hmô leipa châ awpa a pha via syulyu.

BIECHHOTUHPA 6:9

Hnei thei leipa hmo khopa vâta palôh a zawvaw ngâpa hlâta cha, mo ta hmôpa hneipa rakha liata palôhtlâh a paopa a pha via. Cha chhao cha hraoleipa châ ta, thlih a chadaipa dei a châ.

EZEKIA 3:14

Thlahpa ta na chalo ta, na siekhei ha ta. Abeipa ku thatlôpa ei chô liata a y thlâh hana chôta, palôh pasa ngaitapa nata hiehâh ngaitapa ta sie na ta.

ZAWNA 4:3

Chavâta Hy Abeipa y, ngiachhiepa ta ei hrona he tahmâ keima tawhta la ha mah y, kei châta la hropa hlâta thipa tlao a pha via,” tah ta.

ZAWNA 4:8

Noh a vaw chhi nahta, Khazohpa ta nochhi thlih lalôhpa vaw tuah ta, Zawna cha nohsa ta a luh vawh ta, panao ha ta. Chavâta thi awpa ta hiah ta, “Kei châta la hropa hlâta thipa a pha via,” tah ta.

HABAKU 1:3

Khazia moleina na pahmôsa chi ta, Paraona eina pamosa chi? Raona nata atudainazy ei mohmô ta y ta, Ahryuchhiana pôh ta, A-iekhyhnazy a pôh lymâ.

MALUHREINA 11:15

He hawhta eina tao awpa chi khiahta cha, na ngiachhie la, â ryh na tah khiahta cha, na thie lâlao thlâh ha la, nôpo pachârôhna a tyh awpa na pakhôkhâhsa mah y,” tah ta.