BIECHHOTUHPA 12:11 - Mara Bible RV (BSI)

¹¹ Chyhsa sopa biezy cha chôchahrei pazaopa hawhta châ ta, bieso lapakhypazy cha thuakhai ta â i ngaitapa ta khaipâ hapa hawhta a châ. Chazy cha Mietaku Vaituhpa pakha ta a piepazy a châ khai.

BIECHHOTUHPA 12:11 ပူးပေါင်းရင်းမြစ်များ

ÂTHAONA 49:24

Châhrasala Zakaw Khazohpa Thatlôpa ku ta, Vaituhpa Izarei Lôpanô baona ta, A libaw pachyu ta, A bâh thapatlôpa ta a y.

EZRÂ 9:8

Tahmâ deikua cha, Abeipa eima Khazohpa ta bohpi leipa chhôh khokheina miah patosa ta, laibâhpazy miah pahlôhpa ta, a su pathaihpa liata abohna miah pie ta. Eima mozy pavâ awpa nata seichâna tawhta a chyhta a hua awpa ta, eima Khazohpa ta miah pasaih ta.

HLAZY 23:1

Abeipa cha nâ vaituhpa châ ta, A phahla aw va na.

HLAZY 80:1

Hy Izarei vaituhpa, Na nah vaw pachôh la; Mietaku zaw hawhta Zawsi a chhihthatuhpa y, Na nah vaw pachôh mah y! Cherubizy chô liata bei ta patyupa y, Vaw khaih mah y!

BIESOZY 1:6

Bieso nata pakhona bie liata novâhna hnei awpa ta, Asopazy bie nata ama bie khiakhipazy liata novâhna hnei awpa ta.

BIESOZY 10:21

Mosiapa hmao ta chyhsa hluhpi pasa ta, Ahrupa deikua cha pahnona a phahlapa ta a thi tyh.

BIESOZY 22:17

Na nah pachôhpa ta asopa biezy nathlie la, Ei sona a chuna châta na palôh hmâh mah y.

BIECHHOTUHPA 10:12

Asopa cha a pakah biezy ta ngiachhiena pahlaosa ta, Ahrupa hmao deikua cha ano a palâtuhpa a châ.

BIECHHOTUHPA 7:5

Ahrupazy hla sapa nathliepa hlâta cha, Asopazy chhoreina nathliepa a pha via.

ISAI 22:23

Su a ipa liata khaipa siahkhai hawhta, ano cha pa-i aw na ta, a phopi châta beidyuchhai zachhihpa a châ aw.

ISAI 40:11

Mietaku vaituhpa hawhta, A mietaku zawzy a vaih aw; Mietakutawzy cha a bâh ta chalopa ta, A chachôhna liata a pyh aw ta; A taw a chhipazy cha, Dusawta ta a siekhei aw ei.

ZEREMIAH 23:29

“Ei bie cha mei hawhta châ ta, lôpanô a pakeichheih khai theipa syulô hawhta châ vei ma?” Abeipa ta a tah.

EZEKIA 34:23

Nâ chakaotuhpa Dâvi cha âmo vaituhpa ta soh aw na ta, ano ta âmo cha a pasa aw. Âmo cha pasa aw ta, âmo vaituhpa a châ aw.

MATHAI 3:7

Phârisaih nata Saduasi hluhpi ta bâti châ awpa ta ano lâ amâ vypa a hmô nahta, ama hnohta, “Nâmo, vâzi pathlazy saih u! Hiehâhna vaw tlô awpa a râsai awpa ta ahy ma zikyu châ râ ei?

ZAWHÂNA 10:14

Mietaku vaituh phapa ei châ. Keima eihzy pahno ei na ta, keima eihzy ta eina pahno ei,

ZAWHÂNA 3:10

Zisu ta a chhy ta, “Izarei pachutuhpa châ chi ta, chazy chhao cha pahno thai va chi ma?

HMOTAOPAZY 2:37

Cha biezy cha ama thei nahta, ama palôh chhô ha ta, Pity nata lyuhchâ hropazy hnohta, “Unawh saih u, khâpa eima tao aw,” tah ei ta.

2 KAWRINI 10:4

Eima chariah chhaichhizy cha khizaw chariah chhaichhizy châ leipa ei ta, thokhy a i ngaitapazy parao nawpa ta Khazohpa hmotaotheina a châ.

HEBRAI 13:20

Tahmâ he thlalôhna Khazohpa, eima Beipa Zisu athihpa hry tawhta a pahro heihpa, chhâzaw biehrai thisaih vâta mietaku vaituhpa rônahpa ta

HEBRAI 4:12

Khazohpa bie cha hroh ta, hmo tao thei ta, zaozi hâh nopa hlâta tiah via ta, hrona nata thlahpa, ru nata lathli pachhaih theina taihta chhôpahlie thei ta, palôh pachâna nata achhuahnazy a pahno thei.

1 PITY 5:4

Chatanachata Mietaku Vaituhpa Beichaipa â vaw luah tita, rônahna beilakho rao thei leipa nama hmô aw.