BIECHHOTUHPA 12:1 - Mara Bible RV (BSI)

¹ Na thyutliana nohzy liata, châ Taotuhpa a thei thlâh ha mah y. Chhiena nohzy a vaw tlô hlâta nata “Alyna rai hnei va na,” na tahna kôzy â vaw hnia hlâta;

BIECHHOTUHPA 12:1 ပူးပေါင်းရင်းမြစ်များ

ÂTHAONA 39:2

Abeipa cha Zawsi hnohta y ta. Vânoh thata to ta, a zibeipa Izi chyhsa o liata y ta.

ÂTHAONA 39:23

Abeipa cha Zawsi hnohta y ta, a hmotaopa maih liata Abeipa ta hlaotlohna a pie lymâpa vâta, Zawsi ku liata maophaohna piepazy cha, patâhna o vaituhpa ta mokhei khao vei.

2 SAMUELA 19:35

Tanoh he kô sycharie châ ha na ta, hmo chhiepa nata hmo phapa chhao ei pachhaih thai khao ma? Châ chakaotuhpa heta ei niepa nata ei dopazy a pahâh nata pahâh lei zy ei pahno khao ma? Chapaw hlasathaipazy nata chanô hlasathaipazy ao chhao ei thei thei khao ma? Châ chakaotuhpa he khazia ma ei zibeipa abei châta phaori a baichhatuhpa ei châ aw?

2 SAMUELA 19:36

Châ chakaotuhpa he abei Zawdâh chaka khei ta, lâcho rakha taih deita cha vaw pathlie awpa ei chhuah. Khazia abei ta phana ty cha cha hawhta eina thô cheingei aw tly?

1 ABEIZY 14:13

Izarei saw zydua ta ano châta mâchhiesa aw ei ta, ama pabu aw. Zerôbaw pathlazy hry liata, ano lia deita ta Abeipa, Izarei Khazohpa a palysapa hmo phapa hmôpa a châpa vâta, Zerôbaw mo nata sa hry liata ano deita he thlâ liata pabupa a châ aw.

1 ABEIZY 18:12

Ei cha puasaipa nahta, Abeipa Thlahpa ta ei pahno leina lâ châ chhi aw ta, Ahabâ cha kei chho aw na ta, a cha hmô thei tlôh vei khiahta cha, kei châ chakaotuhpa he ei thyutlia no tawhta Abeipa a chipa ei châpa chhao ta, eina thie thlâh ha aw mâh tâh.

NEHEMIAH 4:14

Chatawhcha mohmia pasaih na ta, thyu na ta, nôpawpazy nata ryureituhpazy nata zawpizy hnohta, “Âmo cha chi khuh vy. Abeipa rônahpa nata chichhihpa a thei u la, nama unawhzy, nama sawchapawzy, nama sawchanôzy, nama lapinôzy, nama ozy châta a dyuh muh vy,” tah na ta.

ZAWBÂ 30:2

Chyhsa thachhâ hapazy tlai cha, Ama ku thatlôna tawhta khâpa athôhna ma ei hmô aw tly?

HLAZY 119:55

Hy Abeipa, zâ ta na moh a thei tyh na ta, Na pachuna bie ei zyh tyh.

HLAZY 34:11

Sawzy saih u, a vy u la, na nathlie teh u, Abeipa china kyh ei cha pachu aw ei.

HLAZY 63:6

Ei rakhô chô liata châ thei na ta, Zâ vaina daihtizy liata na thâtih ei pachâ tyh.

HLAZY 90:10

Eima hro chhôh kôzy cha kô sysari châ ta, Thatlôna vâta kô sycharie chhao a châ thei; Châhrasala hro pasina cha hriapasana nata pachârôhna dei châ ta, Thlai lei ei ta, keimo chhao eimâ zaw syulyu tyh.

BIESOZY 22:6

Hawtipa cha a sie nawpa lâpi pachu la, A pitloh tita chhao siesai aw vei.

BIESOZY 8:17

Kyh nâ pachâtuhpazy cha ama kyh pachâ na ta, Palôh hmeiseihpa ta nâ tluapazy ta eina hmô ei.

BIECHHOTUHPA 11:10

Pachârôhna na palôh tawhta pahlei la, hmo chhiepa na pôhpa tawhta hnei ha mah y. Thyutlia daihti nata locho no chhao he hrao­leipa deita a châ.

BIECHHOTUHPA 11:2

Alei chô liata chhiena a vaw tlô thei awpa na pahno leipa vâta, Chyhsa pasari hnohta tovyuh pie la, Pacharie hnohta chhao pie mah y.

BIECHHOTUHPA 11:8

Chavâta chyhsa ta kô hluhpi a hro khiahta cha, cha zydua liata a ly mawh sy. Anodeikua cha zohna nohzy chhao a hluh kaw aw tahpa a thei mawh sy. Hmo a vaw tlôpa zydua he hraoleipa sai na a vaw châ.

ISAI 26:8

Hy Abeipa, na lâpi dopa liata cha hâ pi ta, Na moh nata na mohphana zy he, Eima hro ta a tlaichhaipazy cha a châ.

CHAPHÔHTUNA 3:27

A thyutlia daihti liata raopaky a kypa chyhsa cha, Ano châta hmopha a taopa a châ.

DÂNIAH 1:17

He satlia papalihpazy he achuna nata thaina kyh to liata Khazohpa ta sona nata novâhna pie ta. Dâniah chhochhi cha aluahna nata mâ zydua taih chhao chhopasia thei ta.

HÔSIA 7:9

Chihropazy ta a thatlôna nie khai ei ta, Châhrasala a pahno vei; Sâ pawhpa thiapa châ ta, Châhrasala pahno vei.

LUKA 1:15

Abeipa hmiakô liata chyhsa rônahpa a châ aw. Kresawhti nata sahma a do awpa châ leipa ta, a nô chhi chhôh tawh tlai ta, Thlahpa Pathaihpa ta a bie aw.

LUKA 18:16

Châhrasala Zisu ta âmo cha ano lâ aw ta, “Hawtizy kei lâ pavysa u la, dytha khah u, Khazohpa khinarâh cha he hawhpa chyhsazy eih châ tlôh ta.

EPHESI 6:4

Nâmo, pawzy saih u, nama sawzy ru pachhô leipa u la, Abeipa chhoreina nata pachuna liata tlao mohôh teh u.

RYHPACHANEINA 8:18

Abeipa nama Khazohpa cha namâ thei thlâh ha awpa a châ. Ano tlai cha nama hneirôh nawpa ta hmotaotheina châ pietuhpa ei châ ta, tanoh ta namâ tyhpa hawhna heta, châ pathlatuhpazy hnohta bie â taihpa a biehrai a pa-ituhpa a châ.

2 TIMAWTHY 3:15

Na hawti no tawhta na pahno chiehpa Biehrai pathaihpazy kha zyh lymâ mah y. Cha Biehrai pathaihpazy cha Krista Zisu ngiapâna vâta pachha châ thei nawpa ta, chyhsa sopa châ pachâsa theipa a châ.

1 SAMUELA 1:28

Chavâta kei chhao ta hawtipa he Abeipa lâ ei hlâ lilaw haw. A hro chhôh zydua châta Abeipa lâ hlâ hapa a châ,” tah ta. Chatanachata hawtipa cha, cha liata Abeipa a chhypa ta y ha ta.

1 SAMUELA 16:7

Châhrasala Abeipa ta Samuela hnohta, “A hmisâ tlyma, a pôraoh tlyma moh kha, ano kha khoh va na. Abeipa ta la chyhsapa hmôzie hawhta hmô vei. Chyhsapa ta cha khôtho lâ alânazie moh tyh ta, Abeipa deikua cha palôh tlao a moh tyh,” tah ta.

1 SAMUELA 2:18

Hawtipa Samuela cha lini ephaw a kypa ta, Abeipa hmiakô liata chakao lymâ ta.

1 SAMUELA 2:26

Hawtipa Samuela cha laiseih lymâ ta, Khazohpa nata chyhsapa modypa ta y ta.