BIECHHOTUHPA 11:8 - Mara Bible RV (BSI)

⁸ Chavâta chyhsa ta kô hluhpi a hro khiahta cha, cha zydua liata a ly mawh sy. Anodeikua cha zohna nohzy chhao a hluh kaw aw tahpa a thei mawh sy. Hmo a vaw tlôpa zydua he hraoleipa sai na a vaw châ.

BIECHHOTUHPA 11:8 ပူးပေါင်းရင်းမြစ်များ

ZAWBÂ 10:21

Zohna nata thina nohpahli râh, Heih lei râh lâ ei sie hlâta,

ZAWBÂ 10:22

Zâ zoh chaina râh, A thlâzi thai leina thina nohpahli râh, Khaihna chhao zohna hawh a châna râh lâ ei sie hlâta,” tah ta.

ZAWBÂ 14:10

Chyhsapa deikua cha thi ta, zaotla ta; A hu chhâ ta, y khao vei.

ZAWBÂ 14:12

Chyhsapa cha a zia ta thyu khao vei; Avâzy a lei hlâlei cha a hra khao leipa aw ta, Â môpa pathyupa châ aw vei.

ZAWBÂ 15:23

Viahchhâ vâta viavipa ta, ‘Khataih lia a y,’ tah ta. Zohna noh ta â vaw hnia haw tahpa pahno ta,

ZAWBÂ 18:18

Khaihna tawhta zohna lâ topa châ aw ta, Khizaw tawhta a chadaipa a châ aw.

HLAZY 49:20

Chyhsapa cha hneirôh kaw hra sala, Novâhna a hnei vei khiahta cha, Sazy thipa hawhta a thi tyh.

BIECHHOTUHPA 11:2

Alei chô liata chhiena a vaw tlô thei awpa na pahno leipa vâta, Chyhsa pasari hnohta tovyuh pie la, Pacharie hnohta chhao pie mah y.

BIECHHOTUHPA 2:15

Chatawhcha ei palôh ta, “Ahrupa chô liata hmo a tlôpa cha keima chô liata chhao tlô hra tlôh aw ta, cha hawhpa khiahta cha, ei sona heta khâpa phahnaina ma a hnei tly?” tah na ta. Ei palôh liata, cha chhao cha hraoleipa a châ ei tah tyh.

BIECHHOTUHPA 2:17

Chavâta hro he ei hao. Noh ry liata hmotaopa zydua he, ei pachâ nâ parôhtuhpa dei châ ei ta, ato zydua hraoleipa châ ei ta, thlih a chadaipa deita a châ.

BIECHHOTUHPA 2:19

Cha chyhsa cha asopa ma a châ aw, ahrupa ma tahpa ahy a pahno aw tly? Chatanachôta ei sona hmâpa ta noh ry liata ei hriapasana zydua chô liata biehneituhpa a châ pyly aw. Cha chhao cha hraoleipa deita a châ.

BIECHHOTUHPA 2:26

Ano a palysatuhpa cha, Khazohpa ta sona nata novâhna nata alyna pie ta, moleipa deikua cha, Khazohpa palôh a patlâhpa hnohta pie awpa lapakhyna nata pahmaohpakhyna rai a pahriasa tyh. Cha chhao cha hraoleipa châ ta, thlih a chadaipa deita a châ.

BIECHHOTUHPA 4:16

Bei thyutliapa ta a chhihthapa zawpi zydua cha chhâ tiah veih ei. Chatahrasala ano hnôhlâ ta a vaw y awpazy ta a chô liata a ly hlei aw veih ei. Cha chhao cha hraoleipa châ ta, thlih a chadaipa deita a châ.

BIECHHOTUHPA 4:8

Chyhsa matlupa pakha y ta, sawchapaw tlyma, unawh tlyma hnei leipa ta, ano dei ta a o liata pahrâ ta. Châhrasala a hriapasana chhâ thai khao leipa ta, hneirôna liata a mo lôhrâtlô beih leipa ta, “Ahy châta ma he tlupo ta hriapasa na ta, hro pahâh leina taihta ei hria tly?” tahpa ta anosasyh ta a hiahri beih hra vei. Cha chhao cha hraoleipa deita châ ta, thapawh a chhih leipa raihria a châ.

BIECHHOTUHPA 6:11

Bie a hluh via nahta, hraoleipa hluh via ta, chyhsapa châta khâpa athôhna ma a hnei?

BIECHHOTUHPA 6:6

Kô sâh lie no hmah hroh hra sala, hmo phapa a hmô tlôh vei khiahta cha, athipa ta a pihpa hlâta a pha viana y vei. Ama pano ta su miakha a pangaipa ama châ.

BIECHHOTUHPA 7:14

Phana noh liata a ly la, chhiena no liata he he pachâ mah y: Phana chhao, chhiena chhao, Khazohpa taopa a châpa vâta, chyhsapa ta a hmialâ daihti liata hmo a vaw y awpa khâpa hmah pahno vei.

BIECHHOTUHPA 8:12

Chyhsa moleipa cha ei za kha a molei hapa chhao ta, hroh thlâh ha chy hra sala, Khazohpa a chituhpazy ta Khazohpa ama chipa cha a pha pyly tahpa ei pahno.

BIECHHOTUHPA 8:15

Chavâta chyhsapa châta hro lyna hnei awpa ei khokhei. Noh ry liana heta niepa ta doh ta, a lypa ta y awpa hlâta a pha viapa chyhsapa châta y vei. Chatanachata noh ry liata Khazohpa ta a piepa a hro chhôh noh zydua liata, alyna chôta a hriapasa lymâ thei aw.

BIECHHOTUHPA 9:7

Khazohpa ta na hmo taopazy a pyh ha ta, chavâta sie la, a lypa ta na viahchhâ nie la, palôh tlâhpa ta na kresawhti doh mah y.

ZEREMIAH 13:16

Abeipa ta zohna vaw patlôsapa ta, Tlâhpizy chô liata a zoh chy ta nama phei â chapia hlâta, Khaihna na hnabeiseihpa cha zohmyhna lâta pachâsapa ta, Zoh kaluhna lâta a pachâsa hlâta, Abeipa nama Khazohpa cha palyupalih teh u.

ZÔELA 2:2

Zohna nata zoh myhna noh châ ta, Meihdo a chhohpa nata zoh kaluhna noh a châ. Avyhpa ta khupa hawhta, Phopi thatlôpa nata maluh hluh ngaitapa ta Tlâhpizy cha a khu khai haw. Cha hawhpa cha y beih leipa ta, Chhâ vaw y awpa zydua liata chhao y heih khao aw vei.

MATHAI 22:13

Abei ta a chakaotuhpazy hnohta, ‘A ku nata phei chahry u la, khôtho lâ zohna liata thy teh u. Cha liata chana nata hâh chariehna a y aw,’ tah ta.

ZAWHÂNA 12:35

Zisu ta ama hnohta, “Khaihpa cha buakhata nama hry liata a y chy. Khaihpa nama hnei chhôh heta charei teh u, chataleipatala zohna ta a cha pachhai pathlei aw ei. Zohna liata a chareipa cha a sie nawpa pahno vei.

RYHPACHANEINA 32:29

Ama so mawh sala, Cha kyh cha ama novâh aw ta, Ama chhâ nawpa ama pahno awpa tlai!

ZUDÂH 1:18

Lyuhchâpazy ta, “Daihti hnôhchaipa liata cha, pasipasawh a hmâhpa, Khazohpa uasa leipa ta ama aohraohnazy a chadaipa ama y aw,” tahpa ta ama cha vaw chho haw.