BIECHHOTUHPA 11:6 - Mara Bible RV (BSI)

⁶ My ta chi tu la, zâlâ chhao na ku pako thlâh ha khah y. Kheihawhpa ma a pyuh aw, he he ma, hao hao ma, a miano ta ama pha aw ma, tahpa zy pahno va chi.

BIECHHOTUHPA 11:6 ပူးပေါင်းရင်းမြစ်များ

BIECHHOTUHPA 11:7

Khaihna cha pha ta, noh hmôpa cha mokhaoh châta mo a pahâh ngaita.

BIECHHOTUHPA 9:1

He kyh zydua he a chu pasiapa ta thata pachâ na ta. Mosiapa nata asopa hmotaopazy cha Khazohpa ku liata a ypa a châ tahpa ei pahno haw. Kyhpachâna kyh tlyma, ahaona kyh tlyma, chyhsapa ta pahno chhielie vei. A hmialâ daihti liata hmo a vaw y awpa sai a châ.

BIECHHOTUHPA 9:10

Na ku ta hria awpa a hmôpa maih cha, na theina zydua papuapa ta hria mah y. Na pangai haipa Athihkhih liata cha, rai tlyma, pachâna tlyma, pahnona tlyma, sona tlyma y khao aw vei.

ISAI 55:10

“Vâsua nata dâhaw zy cha, Avâ tawhta za tla ei ta, Avâ lâ kua heih leipa ta, Alei tlao ama padâ tyh. Alei tawhta chi papyusa ei ta, A chhyh ama pakasa tyh; Chi tutuhpa hnohta sâh chi pie ta, A nietuhpa hnohta viahchhâ a pie tyh.

HÔSIA 10:12

Na châta siana chi tu la, Kyhpachâna tleih beih leipa thei hria mah y; Na râhmâhpa palie bâ teh. Tahmâ he Abeipa tlua daihti cha a châ hih, Chatanachata a vy aw ta, Na chô liata siana avâ a pasuasa aw.

2 KAWRINI 9:6

He he pahno teh u: A chyhta a tupa ta a chyhta hria aw ta, a hluhpi a tupa ta a hluhpi a hria aw.

2 TIMAWTHY 4:2

Bie cha chho teh. A daihti nata a daihti leipa liata chhao chho teh. Dao thei ngaitana chôta nata pachuna chôta ama thaileizie pahnosa la, chhorei la, pasyu teh.