BIECHHOTUHPA 11:5 - Mara Bible RV (BSI)

⁵ Ziza lâpi pahno leipa chi ta, nô chhi chhôh liata hawsaih rupa a vaw y laihnazie na pahno leipa hawhta, ato zydua a taotuhpa Khazohpa hmo taozie zy chhao pahno va chi.

BIECHHOTUHPA 11:5 ပူးပေါင်းရင်းမြစ်များ

ZAWBÂ 37:23

Atotaotheipa cha hmô thei leipa pi ta, Ano cha hmotaotheina rônahpa a hneipa a châ; Adona nata siana hluhpi chhao hnei ta, Âdoleipa ta hmo tao beih vei.

ZAWBÂ 38:4

“Leilô abôna ei bô no kha khataih liata na y? Na no â vâh khiahta la na chho tua.

ZAWBÂ 5:9

Ano cha hmo rônahpa nata pahno pha leipazy taotuhpa châ ta, Hmo noâhchhihpa rei tiah leipazy taotuhpa a châ:

HLAZY 104:24

Hy Abeipa, na hmotaopazy a hluh kaw dia! So kawpa ta na taopa sai châ ei ta, Leilô he na hmotaopazy ta a bie.

HLAZY 40:5

Hy Abeipa, ei Khazohpa, Na hmotao noâhpazy he thata châ ta, Miah na pachânazy he thata a châ kaw dia! Nâma nata pakho tlâh y tlâ veih ei. Chazy cha phuahpa ta ei chhopa chhao ta, Chho khai tiah awpa châ vei.

HLAZY 92:5

Hy Abeipa, na hmotaopazy cha rônah ta, Na pachânazy â thu kaw dia!

BIECHHOTUHPA 1:13

Avâ ry liata hmo a ypa zydua sona ta tlua awpa ta ei palôh hmâh na ta. Khazohpa ta chyhsa sawzy tao awpa a vaw piepazy he tymâna dei a vaw châ.

BIECHHOTUHPA 1:6

Thlih cha chho lâ pathli ta, Maw lâ khy heih ta; Pathli chahlô lymâpa ta, A vaw puana lâ a kua heih tyh.

BIECHHOTUHPA 11:4

Thlih sai a mohpa ta chi cheih leipa aw ta, Meihdo sai a saipa ta sâh hria aw vei.

BIECHHOTUHPA 3:10

Khazohpa ta chyhsa sawzy hnohta a tymâkhei awpa ta rai a vaw piepa cha ei pahno haw.

BIECHHOTUHPA 3:11

Ato ama daihti chyu liata â ngia ngaitapa ta taopa ta, chyhsapa palôh liata tlyzaw soh ta, châhrasala Khazohpa hmotaopa cha âthaona tawhta achhâna taihta pahno thei hlei vei.

BIECHHOTUHPA 7:24

Sona cha lâhlapi liata y ta, â pathu ngaitapa liata a ypa a châ. Ahy ma a hmô thei aw?

BIECHHOTUHPA 8:17

Khazohpa raihria zydua moh na ta, noh ry liata hmo a ypa zydua he chyhsapa ta pahno khai thei vei tahpa ei pahno haw. Chyhsapa ta thata hriapasapa ta tlua hra sala, hmô papua khai beih aw vei. Chyhsa sopa chhao ta, a pahnopa hawhta a reih hra sala, hmô papua khai thei beih aw vei.

ISAI 40:28

Pahno beih va chi ma? Thei beih va chi ma? Abeipa cha tlyzaw Khazohpa châ ta, Khizaw kaokih a Taotuhpa mah a châ tâh. Panao beih leipa ta, A thachhâ beih vei; A novâhzie chhao, A laichadai thei awpa rimâ châ vei.

ZAWHÂNA 3:8

Thlih cha a khona lâ maih a pathli tyh. A pyu thei chi ta, châhrasala khataih tawhta a vypa ma, khataih lâ ma a sie aw tahpa pahno va chi. Ahy rai Thlahpa ta a pihpa cha, cha hawhta ama y,” tah ta.

RAWMA 11:33

Hy â thu kaw dia, Khazohpa hneirôna, Sona nata pahnona zy cha! A ryureinazy pahno thei awpa châ leipa ta, A lâpizy chathô thei awpa châ vei.