BIECHHOTUHPA 11:2 - Mara Bible RV (BSI)

² Alei chô liata chhiena a vaw tlô thei awpa na pahno leipa vâta, Chyhsa pasari hnohta tovyuh pie la, Pacharie hnohta chhao pie mah y.

BIECHHOTUHPA 11:2 ပူးပေါင်းရင်းမြစ်များ

NEHEMIAH 8:10

Nehemiah ta ama hnohta, “Nama o lâ chyu a di u la, sa thawhpa kei nie u la, kresawhti thlôhpa doh u la, a chhuanoh hmâ leipazy hnohta niedozy paphao teh u. Tanoh he eima Beipa châta noh pathaihpa a châ hih. Pachârôhpa ta y khah u. Abeipa alyna cha nama thatlôna châ tlôh ta,” tah ta.

ESTHERI 9:19

Chavâta thokhy a hnei leipa khitawzy liata a pahrâpa Zuzy cha, Adar thla, noh hrawh hleipalihna noh cha thaphana nata kyhchhina noh ta hmâh ei ta, noh phapa, niedo kuhriazy amâ paphao raihriena noh ta ama hmâh tyh.

ESTHERI 9:22

Cha nohzy cha Zuzy ta ama chariahzy tawhta amâ bohna noh, pachârôhna alyna lâta â liena noh nata mâchhiesana noh phapa lâta â liena noh ta ama chay tyh awpa a châ. Kyhchhina nata thaphana nohzy ta hmâh aw ei ta, niedo kuhriazy a paphao raihriena nohzy ta hmâh hra aw ei ta, dyhchhiepazy hmosaipa piena noh ta ama hmâh awpa a châ.

ZAWBÂ 5:19

Tymâna miacharu tawhta cha pachha aw ta, Miasarina liata chhiena ta cha hria aw vei.

HLAZY 112:9

A sôh nata piahzy a saipa ta rai ta, Dyhchhiepazy a pie tyh; A siana chhâzaw ta y aw ta, A ki palyupalih ta cheihchalopa a châ aw.

BIESOZY 19:17

Dyhchhiepa chô liata a ria a phapa cha, A sôh Abeipa dyu a pacheisapa châ ta; Abeipa ta a dyuchei cha a thô aw.

BIESOZY 6:16

Abeipa â haopa hmo miacharu y ta, A châta pasichhihpa miasari a y.

BIECHHOTUHPA 11:3

Meihdo cha vâsua ta a bie khiahta cha, Alei chô liata a za patlai tyh. Tho cha chho lâ tlyma, maw lâ tlyma a pao khiahta cha, A paona su liata â zawh tyh.

BIECHHOTUHPA 11:8

Chavâta chyhsa ta kô hluhpi a hro khiahta cha, cha zydua liata a ly mawh sy. Anodeikua cha zohna nohzy chhao a hluh kaw aw tahpa a thei mawh sy. Hmo a vaw tlôpa zydua he hraoleipa sai na a vaw châ.

BIECHHOTUHPA 12:1

Na thyutliana nohzy liata, châ Taotuhpa a thei thlâh ha mah y. Chhiena nohzy a vaw tlô hlâta nata “Alyna rai hnei va na,” na tahna kôzy â vaw hnia hlâta;

DÂNIAH 4:27

Chavâta Hy abei y, pachâna ei cha piepa he a py tlâhpa ta rao mah y: na moleinazy siesaipa ta siana hrokhei la, na paraonazy siesaipa ta sipasapazy chô liata zawngiahna palâsa mah y. Cha hawhta na tao khiahta cha byhnâ na to heih aw,” tah ta.

MIKÂ 5:5

Ano cha ama thlalôhna a châ aw. Asuria ta eima râh lâ a vypa ta, Eima abei ozy a tlypâ khiahta cha, Ano a dyuh awpa ta, Mietaku vaituhpa pasari pathyu aw pi ta, Beimachâ pacharie eima pathyu aw;

MATHAI 18:22

Zisu ta a hnohta, “Ei sari taih cha tah va na, ei sari su sysari taih tlao ei cha tah.

MATHAI 5:42

Châ hiahpa maih pie la, dyu châ cheipa thlyu khah y.

LUKA 17:4

Na chô liata noh kha ta ei sari hmo a paraopa chhao ta, ‘Ei ro ha na,’ tahpa ta, nâ lâ ei sari â vaw lie khiahta cha, nâ ngiahthai awpa a châ,” tah ta.

KALATIA 6:1

Unawh saih u, chyhsa ta moleina a tao hai nota pachhaipa a châ khiahta cha, nâmo, thlahpa chyhsazy ta nônai kawpa ta paduapathi heih teh u. A vaih teh u, chataleipatala nâmo chhao reipasaopa ta nama y pathlei aw.

EPHESI 5:16

Nohzy he a pha leipa vâta, daihti rypaohpa patu thai teh u.

HEBRAI 13:3

Patâhna o liata atâhpazy cha, ama hnohta patâhna o liata y hrapa hawhta a pachâ u la, a thei thlâh ha muh vy. Riethei pataosapazy chhao, sapa ta a ypa nama châ hrapa vâta, a thei thlâh ha teh u.

1 SAMUELA 25:8

Na satliazy hiahri la, ama cha chho aw. Chavâta satliazy he vaw ngiachhie mah y. Kyhchhi daihti liata nâ lâ a vypa eima châ hih. Ngiachhiepa ta, châ chakaotuhpazy nata na sawchapawpa Dâvi he, na hnei rypaohpa maih vaw pie mah y,’ tahpa ta nama kaw chho aw,” tah ta.