BIECHHOTUHPA 10:8 - Mara Bible RV (BSI)

⁸ Khaohtlô a chaopa cha a khaohtlô chaopa liata tla aw ta, Dôhna a chatôhpa chhao parih ta a pachu aw.

BIECHHOTUHPA 10:8 ပူးပေါင်းရင်းမြစ်များ

2 SAMUELA 17:23

Ahitôphe cha ano ryhraona hawhta taopa a châ leipa a pahno nahta, alâ ky padia ta, pua ta, ano khih liata a o lâ sie ha ta. A chhôhkha khihsatôhtuna paryh ta, a paaosao ta, thi ta, a paw thlâ liata ama pabu haw.

2 SAMUELA 18:15

Zôabâ chhaichhi a chabatuhpa thyutlia pahrawhzy ta Absalaw cha vaw chadô ei ta, a chô ei ta, ama thie haw.

ESTHERI 7:10

Chatanachata Hâmâ cha Môdekai paaosao nawpa ta a taopa liata paaosao ei ta. Cha khai tawhta abei pathiiana cha dia ha ta.

HLAZY 57:6

Ei sie nawpazy liata sao na parai khâh ei ta, Ei hro ta a ngiaroh ngaita. Ei lâpi liata khaohtlô na chao khâh ei ta, Âmo ta tlao ama tla tyh. Selah

BIESOZY 11:6

Adopazy cha amâ dona ta âmo pachha ta, Piehpiepazy deikua cha âmo aohraohna liata amâ ao tyh.

BIESOZY 26:27

Khaohtlô a chaopa cha a chhôh liata tla aw ta, Alô a pahluahpa chhao ano â vaw hlua thlu heih aw.

BIECHHOTUHPA 10:9

Alô chaotuhpa cha, Alô ta hmah paphao ta; Tho patlawtuhpa chhao, Thozy ta a hrona ama pahlei tyh.

AMÔSÂ 5:19

Chyhsa ta chakeibarôhneipa tawhta a râ ta, Chavyh ta tlao â tyhpa hawhta châ aw ta, O liata a ngiapa ta pâhchhô liata a ku pahnieh ta, Parih ta a pachu pylypa hawhta a châ aw.

AMÔSÂ 9:3

Kâmel tlâh laki liata a nyu hra ei sala, Tluapapuapa ta cha tawhtapa cha la aw ei na ta; Tilaipi ry liata nâ nyusai hra ei sala, Cha liata parih bie pie aw na ta âmo cha a pachu aw ei.

RYUREITUHPAZY 9:5

Ôpharâ khih liata a paw o lâ vawh ta, a unawh sysari, Zerubâlâ sawchapawzy cha lôpanô miakha chô liata thie khai ta. Zerubâlâ sawchapaw seihnai chaipa Zôthâ deikua cha, â nyu hapa vâta pahlôhpa a châ.