BIECHHOTUHPA 10:20 - Mara Bible RV (BSI)

²⁰ Abei cha chhiesapa leipa la, Na palôhrupa liata chhao chhiesapa leipa la, Na rakhô liata hneirôhpa chhiesapa hra khah y. Vâ pavawzy ta na ao a zawkhei aw ei ta, Mathlaw a hneipa hmohrohneipazy ta ama chho pathlei aw na.

BIECHHOTUHPA 10:20 ပူးပေါင်းရင်းမြစ်များ

2 ABEIZY 6:12

A chakaotuhpazy hry liata pakha ta, “Ahy hmah châ ma pi, Hy ei zibeipa abei y. Izarei liata a ypa hrohsopa Elaisâh ta na chhôhpadâhpa chhôh liata na reipazy Izarei bei a chho tyhpa tlao a châ,” tah ta.

ESTHERI 2:22

Cha thâtih cha Môdekai ta pahno ta, Beinô Estheri chho ta. Estheri ta Môdekai moh ta abei chho pachhuah ta.

PUASAINA 22:27

A chhâpa cha, cha poh cha a bu awpa a hnei chhôhpa, a pôhpa liata â bu awpa poh châ ta, khâpa a bupa ta ma â mô aw? Kei cha ngiachhiena a hneipa châ tlôh na ta, chavâta eina awsao tita ei thei aw.

PUASAINA 22:28

“Khazohpa na rei pachhie awpa châ leipa ta, na phopi ryureituhpa chô liata bie pha leipa na reih awpa châ vei.

PUASAINA 8:3

Nile chavah cha uphawh ta bie aw ta, uphawhzy cha kaw pua aw ei ta, na o chhôh liata zy, nâ ziana chhôhpadâhpa liata zy, na rakhô chô liata zy, châ chakaotuhpazy nata na zawpi o chhôh liata zy, na lômathu nata na viahchhâ neihna beikoh chhôh liata zy amâ ngia khai aw.

ISAI 8:21

Nôpopa nata nodipa ta râh ama chahryh aw. Ama no a di tita, ama bei nata ama Khazohpa reipachhie aw ei ta, ruchhôpa ta avâ lâ ama ua aw.

LUKA 10:40

Marthâ deikua cha a chakaona raihria vâta, tymâ kawpa ta y ta. Zisu lâ vawh ta, a hnohta, “Abeipa, ei narônô ta kei dei ta eina chakaosapa he pha na tah thlâh ha ma? Na bao awpa ta chho teh,” tah ta.

LUKA 19:40

Zisu ta a chhy ta, “Ei cha chho ei, hezy heta amâ thlih thlâh ha khiahta la, alôzy chhâ heta ama awh aw,” tah ta.

HMOTAOPAZY 23:5

Pawla ta, “Unawh saih u, theihthai beichaipa a châ tahpa na ei pahno vei, ‘Na phopi ryureituhpa chô liata bie pha leipa rei kha,’ tahpa ropa a châ,” tah ta.