BIECHHOTUHPA 10:19 - Mara Bible RV (BSI)

¹⁹ Pahnei awpa ta kyhchhi taopa châ ta, Kresawhti ta hro palysa ta, Tâkâ cha khopa to hneina a châ.

BIECHHOTUHPA 10:19 ပူးပေါင်းရင်းမြစ်များ

ÂTHAONA 43:34

Ama nie vyuhzy cha Zawsi tlâhkhai tawhta rai ei ta, Benzami vyuh cha mohropazy vyuh hlâta a lie pangawh ta a hluh via. Chatanachata niepa ta doh ei ta, Zawsi hnohta a ly ngaitapa ta y ei ta.

2 SAMUELA 13:28

Absalaw ta a chakaotuhpazy hnohta biepie ta, “Ngia u la, Amanaw palôh cha kresawhti vâta thapha ngaitapa ta a y nahta, nama hnohta, ‘Amnaw kha thie teh u,’ ei cha tah ti ei ta, thie muh vy. Chi khuh vy. Bie ei cha pie ei. Nama riah a papha u la, a pachyu teh u,” tah ta.

1 THÂTIHZYRONA 21:24

Châhrasala Bei Dâvi ta Ôranâ hnohta, “Châ vei, a mâ dopa ei cha pie aw. Na eih cha Abeipa châta a saipa ta la leipa aw na ta, ei hryuhna rai y leipa ta raopa hlânazy hlâ aw va na,” tah ta.

EZRÂ 1:6

Chyhsazy ta lôhthai sôh ama thyupazy hleikhô ta, ama chheipâh liata chyhsa zydua ta tâkâ hmobaoh­zy, ngôhzy, hmozy, sahrohzy nata hmo sôhpazy piepa ta, ama ku tha patlô ei ta.

NEHEMIAH 5:8

ama hnohta, “Keimo ta phopizy lâta zuapa eima unawh Zu chyhsazy eima theina hawhta chatlai pi ta, nâmo deikua cha, nama unawhzy zuah ei chi ta, eima hnoh cheingei ta zuapa ama châ hih!” tah na ta. A thlih thlâh ha ei ta, rei awpa khâpa hmah pahno leipa ei ta.

ESTHERI 1:10

A noh sarina noh ta, abei cha kresawhti vâta a palôh thathyu kaw ta, chatanachata bei chakaotuhpa pasarizy, Mehumâ, Bizathâ, Hôbônâ, Bithâh, Abathâ, Zethâ nata Kâkâ zy cha,

HLAZY 104:15

Chyhsa palôh palysa nawpa ta kresawhti papua chi ta, A hmia patliena châta sathaw papuapa ta, Chyhsa palôh thapatlô nawpa ta viahchhâ na papua.

HLAZY 112:9

A sôh nata piahzy a saipa ta rai ta, Dyhchhiepazy a pie tyh; A siana chhâzaw ta y aw ta, A ki palyupalih ta cheihchalopa a châ aw.

BIECHHOTUHPA 2:3

Chyhsa sawzy he hro chhôh noh chyhta ama hnei chhôh ta, avâ ry liata sona hmotaopa ma a pha via, hruna hmotaopa ma, tahpa ei pahno thei nawpa ta, ei palôh cha sona ta pachhihthasa lymâna chôta, ei pôhpa he kresawhti ta palysapa ta hruna patu a chhuah na ta.

BIECHHOTUHPA 9:7

Khazohpa ta na hmo taopazy a pyh ha ta, chavâta sie la, a lypa ta na viahchhâ nie la, palôh tlâhpa ta na kresawhti doh mah y.

ISAI 23:18

Châhrasala sôhpaliena tawhta â thôhna nata a hlaozy cha Abeipa châta hmo pathaihpa a châ aw. Cha sôhzy cha pachôpa tlyma, pasopa tlyma châ aw vei. A sôhzy cha ABEI­PA hmiakô liata a pahrâpazy ta lôhrâtlôpa ta ama niedo thei nawpa nata chyhsa phapazy amâ tobi thei nawpa châta hmâpa a châ aw.

ISAI 24:11

Kresawhti y leipa vâta lâlaizy liata awhsâh ei ta, Palôh thaphana zydua zoh ta, Lei lyna a lei haw.

MATHAI 17:27

Châhrasala ama palôh pachhie lei nawpa ta, tilaipi lâ vawh la, keipa kei ny la, nga na paao tua chaipa la la, a pakah cha-ia la tâkâ tlaw no hmô aw chi ta, cha cha la la, keima nata nâma chhie châta ama hnohta pie mah y,” tah ta.

MATHAI 19:21

Zisu ta a hnohta, “Phapaki na khoh khiahta la, sie la, na hneipa zydua zuah la, dyhchhiepazy hnohta pie teh, chatanachata vârâh liata ryu na hnei aw. Cha khai tawhta a vy la, na zi mah y,” tah ta.

LUKA 12:19

Chatawhcha ei thlahpa hnohta, “Thlahpa y, kô hluhpi chhôh châta hmo hluhpi nâ pachô haw. A pahâ la, nie la, doh la, thaphapa ta y mah y,” ei tah aw,’ tah ta.

LUKA 16:9

Ei cha chho ei, khizaw sôh ta viasa a tao teh u. Chatanachata sôh a chhâ tita chhâzaw pahrâna suzy liata ama cha paysa aw.

LUKA 8:3

Herawda sôh mokhâhtuhpa Kuza lapinô Zôanâ, Susanâ nata ahropa hluhpizy ama châ. Âmozy chata ama hneina tawhta Zisu cha ama deichhy lymâ.

HMOTAOPAZY 11:29

Chatanachata pachupazy cha, ama tao theipa rakha chyu ta, Zudia râh liata unawh a ypazy lâ baona paphao a chhuah ei ta.

HMOTAOPAZY 2:45

Ama ryuzy, ama sôhzy zuah ei ta, amâ ngiahpa chyu hawhta ama zydua ta a rai tyh ei ta.

1 PITY 4:3

Zenitaizy khopa taopa ta, parâna, aohraohna, paripangana, a hlao ta apatlana, sahma do pahmaohna nata nothlahpa achhyna pasichhihpa zy liata nama vaw tlaih tyhpa kha â daih ha bâ.

RYUREITUHPAZY 14:10

A paw cha chanô lâ zu ta, cha liata Sâsawna ta kyhchhi tao ta, he he satliazy tao tyhzie a châ.

RYUREITUHPAZY 9:13

Kre zôh ta ama hnohta, ‘khazohzy nata chyhsazy a palysatuhpa ei kresawhti he siesaipa ta vawh aw na ta ma, thozy chô liata zua ei kei chaneichanâ aw?’ tah ha ta.

1 SAMUELA 25:36

Chatawhcha Abikai cha Nâbâ lâ vawh ta, moh tua u, Nâbâ cha a o liata kyhchhi vaw tao ta, abei kyhchhipa hawhta kyh vaw chhih ta. Nâbâ cha a pari hapa vâta a ly kawpa ta vaw y ta. Chavâta a mylâ khih pavâ hlâlei cha, Abikai ta khâpa hmah chho leipa ta.