BIECHHOTUHPA 1:6 - Mara Bible RV (BSI)

⁶ Thlih cha chho lâ pathli ta, Maw lâ khy heih ta; Pathli chahlô lymâpa ta, A vaw puana lâ a kua heih tyh.

BIECHHOTUHPA 1:6 ပူးပေါင်းရင်းမြစ်များ

ZAWBÂ 37:17

Nâ, chho thlih vâta alei a chalih nota lalôh chi ta, Na chysia ry liata mathlai a pua khai hapa chi khata,

ZAWBÂ 37:9

Chho lâ tawhta thlihpipa kaw pathli ta, Maw lâ tawhta ziza chakuapa a za pathli.

HLAZY 107:25

Abeipa ta biepie ta thlihpipa pathlisa ta, Tichatlaopazy a pasâhsa tyh.

HLAZY 107:29

Thlihpipa cha chalihsa ta, Tichatlaopazy sidiapa ta ama y.

BIECHHOTUHPA 1:7

Chavah zydua tilaipi liata tla ei ta, Châhrasala tilaipi cha bie beih vei; Chavahzy cha ama lona tyhpa lâta, Ama loh chanei lymâ.

BIECHHOTUHPA 11:5

Ziza lâpi pahno leipa chi ta, nô chhi chhôh liata hawsaih rupa a vaw y laihnazie na pahno leipa hawhta, ato zydua a taotuhpa Khazohpa hmo taozie zy chhao pahno va chi.

ZAWNA 1:4

Châhrasala Abeipa ta thlihpipa ru ngaitapa tilaipi chô liata vaw tuah ta, chatanachata chothyu ru ngaitapa tilaipi liata vaw pathli ta, balyh cha rao daihmâ ta.

MATHAI 7:24

“Ei biezy he thei ta a taopa maih cha, chyhsa sopa, lôpanô chô liata o a sapa hawhta a châ.

MATHAI 7:27

Avâ vaw suah ta, ti vaw lai ta, thlih ta o cha vaw su ta, o cha a cho haw. O chopa cha a rarôh y ngaita,” tah ta.

ZAWHÂNA 3:8

Thlih cha a khona lâ maih a pathli tyh. A pyu thei chi ta, châhrasala khataih tawhta a vypa ma, khataih lâ ma a sie aw tahpa pahno va chi. Ahy rai Thlahpa ta a pihpa cha, cha hawhta ama y,” tah ta.