BIECHHOTUHPA 1:3 - Mara Bible RV (BSI)

³ Chyhsapa he noh ry liata a hriapasana tawhta Khâpa athôhna ma a hmô tly?

BIECHHOTUHPA 1:3 ပူးပေါင်းရင်းမြစ်များ

BIECHHOTUHPA 2:11

Ei hriapasa­na zydua nata ei ku ta ei hriapa zydua pachâ na ta, moh teh u, cha zydua cha hraoleipa châ ei ta, thlih a chadaipa deita a châ; noh ry liana heta hmo phahnaipa khâpa hmah y vei.

BIECHHOTUHPA 2:18

Ei hriapasana zydua he ei hnôhlâ ta a vaw y awpa châta ei râsai awpa deita a châpa ei pahnopa vâta, noh ry liata ei hriapasana zydua he ei hao.

BIECHHOTUHPA 2:19

Cha chyhsa cha asopa ma a châ aw, ahrupa ma tahpa ahy a pahno aw tly? Chatanachôta ei sona hmâpa ta noh ry liata ei hriapasana zydua chô liata biehneituhpa a châ pyly aw. Cha chhao cha hraoleipa deita a châ.

BIECHHOTUHPA 2:22

Chyhsa ta tiamapa nata palôh rietheipa ta noh ry liata a hriapasana tawhta khâpa ma a hmô?

BIECHHOTUHPA 3:9

Raihriatuhpa ta a hriapasana tawhta khâpa athôhna ma a hmo?

BIECHHOTUHPA 4:3

Athipa nata ahrohpa hlâ chhao ta, a pih leipa, noh ry liata moleina hmotaopa rai a hmô leipa châ awpa a pha via syulyu.

BIECHHOTUHPA 4:7

Sai heih na ta, noh ry liata hraoleipa ei hmô via heih.

BIECHHOTUHPA 5:16

He chhao he hmo pha lei ngaitapa a châ: a vaw tlô no hawhna khata a sie heih aw. Thlih châta hriapasapa dei châ ta, a châta khâpa athôhna ma a hnei?

BIECHHOTUHPA 5:18

Moh teh u, hmo phapa nata a hmiepa ta ei hmôpa cha, chyhsa ta niepa ta doh ta, Khazohpa ta a piepa noh chyhta a hnei chhôh ta, noh ry liata a hriapasana zydua liata alyna a hnei awpa he a châ. Cha cha a tovyuh a châ.

BIECHHOTUHPA 6:12

Tihu buakha a vaw luah ta a lei heihpa hawhta, hro chhôh noh chyhta hnei ta, nohpahlipa hawhta a khôpa chyhsapa châta a pha chai awpa ahy ma a pahno tly? Ahy ma chyhsapa hnohta a thi tawhta noh ry liata hmo a vaw y awpa a chho thei aw tly?

BIECHHOTUHPA 7:11

Ryu cha sona nata â pakaoh khiahta cha, Hmo phapa châ ta; Noh a hmôtuhpazy châta chhao, Athôhna a châ.

BIECHHOTUHPA 9:13

Sona pakhopâna chhao noh ry liata hmô na ta, rônah ngaitapa ei palyusa.

BIECHHOTUHPA 9:3

Noh ry liata hmo taopa to liata hmo chhiepa a ypa cha he he a cha: chyhsa zydua ama tovyuh awpa â lyu khaipa hih. Chyhsa sawzy cha ama hro chhôh ta ama palôh liata moleina nata hruna ta bie ta, cha hnôhlâ ta athipazy yna lâ ama sie tyh.

BIECHHOTUHPA 9:6

Ama kyhpachâna, amâ haona nata ama hiatliana zy lei khai ha ta, noh ry liata hmo taopazy liata tovyuh rai hnei khao veih ei.

ISAI 55:2

Khazia viahchhâ châta a châ leipa liata Nama sôh pahryuh ei chi ta, Rih bie nawpa a châ leipa liata Nama tha namâ pahryuh? Pakhâta ta na nathlie teh u; Hmo phapa nie u la, Nie pahâhpazy ta nama hro lôhrâ a patlô teh u.

HABAKU 2:13

Moh tua u, phopizy ta mei ta a kâ thlâh ha awpa châta hriapasa ei ta, Râhzy ta hraoleipa liata âmosasyh ama rie amâ pathei; Cha cha Pheisaihzy Abeipa taopa châ vei ma?

HABAKU 2:18

“Chyhsapa tao chhyhpa nothlahpa cha, Khâpa phahnaina ma a hnei? Nothlahpa deita châ ta, Haipa bie pachutuhpa a châ. A taotuhpa ta ano kuzô ta tao ta, Bie a reih thai leipa nothlahpazy cha, A ngâ kaw cha!

MATHAI 16:26

Chyhsa ta khizaw he a pôhpalôhpa ta hnei sala, a thlahpa a pahlei tlôh khiahta cha, a châta khâpa a phahnai aw? Cha leipa chhao ta, chyhsa ta a thlahpa vyuhpa ta khâpa a pie aw?

ZAWHÂNA 6:27

Pati a leilô theipa châta hria leipa u la, chhâzaw hrona taihta a y awpa pati, Chyhsa Sawchapawpa ta a cha pie awpa ei châta tlao hria teh u. Paw Khazohpa ta ano cha chahnao pa-i ha tlôh ta,” tah ta.

1 KAWRINI 16:16

Cha hawhpa chyhsazy liata a ngiarih awpa ta châ haw ei na ta, eima hrialâhpa zydua nata a hriapasapa zydua liata chhao a ngiarih awpa ta ei châ haw ei.