BIECHHOTUHPA 1:2 - Mara Bible RV (BSI)

² Biechhotuhpa ta, “Hraoleipa sai, hraoleipa sai, Hraoleipazy hry liata hrao lei chaipa, Ato hraoleipa sai a châ,” tah ta.

BIECHHOTUHPA 1:2 ပူးပေါင်းရင်းမြစ်များ

ZAWBÂ 11:12

Alâ dawpa hrie leipa chyhsapa lâta a pi tita, Chyhsa hrupa cha pahnona a hnei aw.

HLAZY 144:4

Chyhsapa cha hu ei kha sopa hawh dei châ ta, A hro chhôh nohzy cha nohpahli a lei tyhpa hawh dei a châ.

HLAZY 89:47

Ei daihti chyuzie he a thei mah y! Khazia ma chyhsa saw zydua he, Hraolei­pa ta na vaw paysa ei tly?

BIECHHOTUHPA 11:10

Pachârôhna na palôh tawhta pahlei la, hmo chhiepa na pôhpa tawhta hnei ha mah y. Thyutlia daihti nata locho no chhao he hrao­leipa deita a châ.

BIECHHOTUHPA 11:8

Chavâta chyhsa ta kô hluhpi a hro khiahta cha, cha zydua liata a ly mawh sy. Anodeikua cha zohna nohzy chhao a hluh kaw aw tahpa a thei mawh sy. Hmo a vaw tlôpa zydua he hraoleipa sai na a vaw châ.

BIECHHOTUHPA 12:8

Hraoleipazy hraoleipa, ato zydua he hraoleipa sai a vaw châ, Biechhotuhpa ta a tah.

BIECHHOTUHPA 2:11

Ei hriapasa­na zydua nata ei ku ta ei hriapa zydua pachâ na ta, moh teh u, cha zydua cha hraoleipa châ ei ta, thlih a chadaipa deita a châ; noh ry liana heta hmo phahnaipa khâpa hmah y vei.

BIECHHOTUHPA 2:15

Chatawhcha ei palôh ta, “Ahrupa chô liata hmo a tlôpa cha keima chô liata chhao tlô hra tlôh aw ta, cha hawhpa khiahta cha, ei sona heta khâpa phahnaina ma a hnei tly?” tah na ta. Ei palôh liata, cha chhao cha hraoleipa a châ ei tah tyh.

BIECHHOTUHPA 2:17

Chavâta hro he ei hao. Noh ry liata hmotaopa zydua he, ei pachâ nâ parôhtuhpa dei châ ei ta, ato zydua hraoleipa châ ei ta, thlih a chadaipa deita a châ.

BIECHHOTUHPA 2:19

Cha chyhsa cha asopa ma a châ aw, ahrupa ma tahpa ahy a pahno aw tly? Chatanachôta ei sona hmâpa ta noh ry liata ei hriapasana zydua chô liata biehneituhpa a châ pyly aw. Cha chhao cha hraoleipa deita a châ.

BIECHHOTUHPA 2:21

Chyhsa ta sona nata novâhna nata zôthaina zy hmâpa ta hriapasa ta, a châh ta cha, a hriapasa leipa to awpa ta siesai awpa a châ thlâh ha tyh. Cha chhao cha hraoleipa nata paraona lai ngaitapa a châ.

BIECHHOTUHPA 2:23

A hro chhôh noh zydua cha vâsâhna sai ta bie ta, a raihria chhao ruchhôna dei a châ. Zâ ta chhao a palôh a pahâ vei. Cha chhao cha hraoleipa deita a châ.

BIECHHOTUHPA 2:26

Ano a palysatuhpa cha, Khazohpa ta sona nata novâhna nata alyna pie ta, moleipa deikua cha, Khazohpa palôh a patlâhpa hnohta pie awpa lapakhyna nata pahmaohpakhyna rai a pahriasa tyh. Cha chhao cha hraoleipa châ ta, thlih a chadaipa deita a châ.

BIECHHOTUHPA 2:8

Tâkâ nata ngôh nata abeizy nata râhzy ryusôhpazy pakhy na ta, chapaw nata chanô hlasathaipazy hnei na ta, chyhsa sawchapawzy alyna nôtho hluhpi chhao ei hnei.

BIECHHOTUHPA 3:19

Chyhsa sawzy chô liata a tlô awpa nata sahrohzy chô liata a tlô awpa cha miakhapa châ ta, pakha thi ta, ahropa chhao a thi hra. Husona miakha a hneipa châ ei ta, chyhsapa cha sahroh hlâta a duahmo pha via hlei vei. Ato zydua hraoleipa a châ khai.

BIECHHOTUHPA 4:16

Bei thyutliapa ta a chhihthapa zawpi zydua cha chhâ tiah veih ei. Chatahrasala ano hnôhlâ ta a vaw y awpazy ta a chô liata a ly hlei aw veih ei. Cha chhao cha hraoleipa châ ta, thlih a chadaipa deita a châ.

BIECHHOTUHPA 4:4

Hriapasana nata raihria liata zôthaina zydua chhao he, vaihzy uahvana vâta a vaw ypa a châ tahpa hmô na ta. Cha chhao cha hraoleipa châ ta, thlih a chadaipa deita a châ.

BIECHHOTUHPA 4:8

Chyhsa matlupa pakha y ta, sawchapaw tlyma, unawh tlyma hnei leipa ta, ano dei ta a o liata pahrâ ta. Châhrasala a hriapasana chhâ thai khao leipa ta, hneirôna liata a mo lôhrâtlô beih leipa ta, “Ahy châta ma he tlupo ta hriapasa na ta, hro pahâh leina taihta ei hria tly?” tahpa ta anosasyh ta a hiahri beih hra vei. Cha chhao cha hraoleipa deita châ ta, thapawh a chhih leipa raihria a châ.

BIECHHOTUHPA 5:10

Tâkâ a tlaichhaipa cha tâkâ liata a lôhrâ patlô beih leipa aw ta, hneirôna a tlaichhaipa chhao a sôh hmôpa ta a lôhrâ patlô beih aw vei. Cha chhao cha hraoleipa deita a châ.

BIECHHOTUHPA 6:11

Bie a hluh via nahta, hraoleipa hluh via ta, chyhsapa châta khâpa athôhna ma a hnei?

RAWMA 8:20

Hmotaopazy cha hraoleipa ta y awpa ta raopa châ ha ta, âmo khopa vâta châ leipa ta, a paysatuhpa vâta tlao a châ. Châhrasala hnabeiseihna a y.