BIECHHOTUHPA 1:13 - Mara Bible RV (BSI)

¹³ Avâ ry liata hmo a ypa zydua sona ta tlua awpa ta ei palôh hmâh na ta. Khazohpa ta chyhsa sawzy tao awpa a vaw piepazy he tymâna dei a vaw châ.

BIECHHOTUHPA 1:13 ပူးပေါင်းရင်းမြစ်များ

ÂTHAONA 3:19

Chhaohlei ta taopa châ chi ta, Chhaohlei lâ na kua heih hlâlei cha, Na hmia mathlai lohpa ta nie nâ hmô aw. Dohlei châ chi ta, Dohlei lâ na kua heih aw,” tah ta.

ZAWBÂ 28:3

Chyhsapa ta zohna chatôhpa ta, Â thu chaina taihta a ngia ta, Zoh kaluhna nata thina nohpahli liata a ypa alôzy a tlua laih.

HLAZY 111:2

Abeipa hmotaopazy cha rônah ta, A hmotaopazy chô liata a lypazy ta, A hmotaopazy kyh amâ chu tyh.

BIESOZY 18:1

Ano dei ta a y nanopa cha ano khopa sai a tluapa châ ta, Sona dopa zydua a dyuhpa a châ.

BIESOZY 18:15

Palôh sopa cha pahnona hmô ta, Asopa nakhaoh chhao pahnona a tlua tyh.

BIESOZY 23:26

Ei sawchapawpa y, na palôh na pie la, Na mozy ta ei lâpizy moh mawh sy.

BIESOZY 25:2

Bie nyupa cha Khazohpa rônahna châ ta, Abei rônahna deikua cha bie tluapapuapa a châ.

BIESOZY 4:7

Sona thabypa cha he he a châ: Sona cha tlua la, Khâpa zydua hlâta novâhna tlua chai mah y.

BIECHHOTUHPA 1:17

Chatanachata sona kyh pahnopa ta, hruna nata ngâna kyh chhao pahno awpa ta ei palôh hmâh na ta. Cha chhao cha thlih a chadaipa deita a châ tahpa ei pahno haw.

BIECHHOTUHPA 11:5

Ziza lâpi pahno leipa chi ta, nô chhi chhôh liata hawsaih rupa a vaw y laihnazie na pahno leipa hawhta, ato zydua a taotuhpa Khazohpa hmo taozie zy chhao pahno va chi.

BIECHHOTUHPA 12:12

Ei sawchapawpa y, hezy dei châ leipa ta, hezy khô lâta hmozy liata chhao a chado mah y. Châbu hluhpi taopa ta chhâna hnei leipa ta, a chu hluhpa chhao sapa rietheina a lapa tlâ a châ.

BIECHHOTUHPA 2:23

A hro chhôh noh zydua cha vâsâhna sai ta bie ta, a raihria chhao ruchhôna dei a châ. Zâ ta chhao a palôh a pahâ vei. Cha chhao cha hraoleipa deita a châ.

BIECHHOTUHPA 2:26

Ano a palysatuhpa cha, Khazohpa ta sona nata novâhna nata alyna pie ta, moleipa deikua cha, Khazohpa palôh a patlâhpa hnohta pie awpa lapakhyna nata pahmaohpakhyna rai a pahriasa tyh. Cha chhao cha hraoleipa châ ta, thlih a chadaipa deita a châ.

BIECHHOTUHPA 3:10

Khazohpa ta chyhsa sawzy hnohta a tymâkhei awpa ta rai a vaw piepa cha ei pahno haw.

BIECHHOTUHPA 3:11

Ato ama daihti chyu liata â ngia ngaitapa ta taopa ta, chyhsapa palôh liata tlyzaw soh ta, châhrasala Khazohpa hmotaopa cha âthaona tawhta achhâna taihta pahno thei hlei vei.

BIECHHOTUHPA 4:4

Hriapasana nata raihria liata zôthaina zydua chhao he, vaihzy uahvana vâta a vaw ypa a châ tahpa hmô na ta. Cha chhao cha hraoleipa châ ta, thlih a chadaipa deita a châ.

BIECHHOTUHPA 4:8

Chyhsa matlupa pakha y ta, sawchapaw tlyma, unawh tlyma hnei leipa ta, ano dei ta a o liata pahrâ ta. Châhrasala a hriapasana chhâ thai khao leipa ta, hneirôna liata a mo lôhrâtlô beih leipa ta, “Ahy châta ma he tlupo ta hriapasa na ta, hro pahâh leina taihta ei hria tly?” tahpa ta anosasyh ta a hiahri beih hra vei. Cha chhao cha hraoleipa deita châ ta, thapawh a chhih leipa raihria a châ.

BIECHHOTUHPA 7:25

Sona patuapalua ta, tlua ta, hmo yziezy pahno awpa ta ei palôh pahei na ta, moleina he hruna a châzie nata hrungâ kathluhna kyhzy pahno awpa ta ei palôh pahei hra na ta.

BIECHHOTUHPA 8:9

Noh ry liata hmo taopa zydua saipa ta ei palôh hmâh na ta, he he ei hmôpa cha a châ: chyhsapa ta chyhsa hropa chô liata biehneina hmâh ta, châhrasala cha cha ano pasa nawpa tlao a châ tyh.

1 TIMAWTHY 4:15

Chyhsa zydua ta na hmasiena ama hmô thei nawpa ta, hmopiepazy cha hmâh la, cha chakaona liata a hmâh khai mah y.