BIECHHOTUHPA 1:11 - Mara Bible RV (BSI)

¹¹ Hmo parohpazy a thei ngâ thlâh hapa châ leipa ta, Hmo a vaw y awpazy chhao, Chhâ a vaw y awpazy ta a thei ngâ thlâh ha aw veih ei.

BIECHHOTUHPA 1:11 ပူးပေါင်းရင်းမြစ်များ

HLAZY 9:6

Chariahpa cha a mua ta, Tlyzaw ta a rao haw; Ama khihpizy phia chi ta, Âmo atheithlâhna a lei khai haw.

BIECHHOTUHPA 1:10

“Moh tua u, he he a thiehpa cha a châ,” Tah thei awpa hmo a y rai ma? Eima y hlâ tawhta a vaw y kôzawpa sai a châ.

BIECHHOTUHPA 2:16

Asopa chhao, ahrupa chhao, chhâzaw ta a thei thlâh hapa châ aw veih ei. Nohzy khô laih aw ta, mypa ama châ khai aw. Asopa chhao ahrupa hawhta a thi thlâh ha hrapa a châ.

BIECHHOTUHPA 8:10

Chatawhcha a pha kawpa ta moleipa ama pabupa hmô na ta. He moleipazy he moleina hmo taona chôta su pathaihpa liata a ngia heih pua heih a tahpa nata khihpi liata reithai a hlaopazy ama châ. Cha chhao cha hraoleipa deita a châ.

BIECHHOTUHPA 9:5

Ahrohpazy cha ama thi awpa a pahno ei ta, athipazy deikua cha khâpa hmah pahno khao veih ei. Chavâta lymâ ama dao awpa y khao leipa ta, ama moh chhao mypa ta a y.

ISAI 42:9

Moh teh u, hmo parohpazy lei ei ta, Tahmâ he hmo thiehpazy ei phuah; Ama vaw tlô hlâ chhao ta, Ei cha chho hapa ei kha a châ.”