ÂTHAONA 9:26 - Mara Bible RV (BSI)

²⁶ “Zehôvâh, Semâ Khazohpa cha reithaipa ta y sala, Kâna cha ama sei ta y mawh sy!

ÂTHAONA 9:26 ပူးပေါင်းရင်းမြစ်များ

ÂTHAONA 14:20

Na chariahpa na ku liata châ pietuhpa Khazohpa Chônôchaipa cha, Reithaipa ta y mawh sy,” tah ta. Abarâ ta Melkizade cha ato tawhta su hrawh su kha pie ta.

ÂTHAONA 24:27

“Ei zibeipa chô liata ngiachhiena nata biedopa a thlyu beih leipa Abeipa, ei zibeipa Abarahâ Khazohpa cha reithaipa ta y mawh sy! Kei chhao he Abeipa ta ei zibeipa heinawhzy o lâta eina vaw chhihtha ha hih,” tah ta.

ÂTHAONA 27:29

Phopizy ta cha chakao ei sala, Râhzy ta châ naoh mawh ei sy! Na unawhzy chô liata bei ta y la, Na nô sawzy ta châ naoh mawh ei sy! Chhie châ sapatuhpa maih, Chhiesapa ta y ei sala; Byhnâ châ awpatuhpa maih, Byhnâ topa ta y mawh ei sy!” tah ta.

ÂTHAONA 27:37

Aisika ta a hnohta, “Ano cha na bei ta ei tao haw. A unawhpa zydua ano chakaotuhpa ta pie na ta, sâh nata kresawhti ta ei pasa haw. Ei sawchapawpa y, na châta khâpa ei tao thei khao aw?” tah ta.

ÂTHAONA 27:40

Na zaozi ta hroh aw chi ta, Na unawhpa na chakao aw; Na pua tita deikua cha, A raopaky na rao tawhta na pahluh aw,” tah ta.

1 ABEIZY 9:21

cha liata ama pathla laibâhpa a ypa, Izarei sawzy ta ama pahleipadia khai thei leipazy cha, Sawlawmaw ta seizy ta tao ta, cha hawhna chata tanoh taihta ama y.

HLAZY 144:15

Cha hawhpa byhnâ ta vaoheipazy cha ama hu â hieh na! Abeipa ama Khazohpa ta a hneipazy cha ama hu â hieh na!

RAWMA 9:5

Pathlatuhzy kha ama mapawzy châ ei ta, sapa kyh lâta cha Krista tlai chhao cha, âmo chi tawhta a vaw puapa a châ. Ano cha ato zydua chô liata Khazohpa châ ta, chhâzaw ta reithaipa ta y mawh sy. Amen.

RYHPACHANEINA 33:26

“Hy Zesuruh, Khazohpa hawhpa he ahy hmah y veih ei; Ano cha cha bao awpa ta avâzy chô liata kiah ta, A rônahpa ta avâpi chô a kiahpa a châ.

HEBRAI 11:16

Châhrasala tahmâ cha, râh pha viapa a saduthliepa châ ei ta, cha cha vârâh liata a ypa a châ. Chavâta Khazohpa ta ama Khazohpa châ awpa a noza vei, ama châta khihpi taih a chhuahdy ha tlôh ta.

ZAWSUA 9:23

Chavâta chhiesapa nama châ haw. Sei châ kôzaw aw ei chi ta, ei Khazohpa o châta tho pakhytuhpa nata ti thaihtuhpa ta nama y lymâ aw,” tah ta.

RYUREITUHPAZY 1:28

Izarei sawzy ama tha a vaw tlô via nahta, Kâna mo cha raihriatuhpa ta tao ei ta, chavâta papua khai khao veih ei.