ÂTHAONA 9:25 - Mara Bible RV (BSI)

²⁵ Nôah ta, “Kâna cha chhiesapa ta y sala, A unawhzy châta seizy sei châ mawh sy!” tah ta.

ÂTHAONA 9:25 ပူးပေါင်းရင်းမြစ်များ

ÂTHAONA 3:14

Zehôvâh Khazohpa ta parih hnohta, “He hmo na taopa vâta, Osa nata râhsa zydua hlâta, Chhiesa pachaipa na châ aw; Na py ta a lyh aw chi ta, Na hro chhôh zydua ta dohlei na nie aw.

ÂTHAONA 4:11

Chavâta na unawhpa na thie nota, a thisaih palâ awpa ta a pakah a kaw âpa chhaohlei tawhta chhiesapa na châ haw.

ÂTHAONA 49:7

Ama pathichhiena cha chhiesapa ta y mawh sy, A tah tu pâ haw; Ama hiehâhna chhao chhiesapa ta y mawh sy, A ru tu pâ haw. Zakaw liata pachhaihpazaoh aw ei na ta, Izarei liata ei hiepatla aw ei.

ÂTHAONA 9:18

Nôah sawchapawpa balyh tawhta a puapazy cha Semâ, Hamâ nata Zaphethâ zy ama châ. Hamâ cha Kâna paw a châ.

ÂTHAONA 9:22

Kâna paw Hamâ ta a paw a zia pahrupa cha hmô ta, khôtho lâ pua ta, a unawhpa panozy chho ta.

ÂTHAONA 9:24

Nôah cha kresawhti a paripa tawhta a kaw thei ta, a sawchapaw seihnai viapa ta a chô liata a taozie cha pahno ta.

MATHAI 25:41

“Cha khai tawhta a chavei lâta a ypazy hnohta, ‘Chhiesapa ta a ypa saih u, ahripa nata a lyuhchâpazy châta a chhuahdypa chhâzaw mei lâ na siesai teh u.

ZAWHÂNA 8:34

Zisu ta ama hnohta, “Hmeiseihta ta, hmeiseihta ta ei cha chho ei, ahy rai hmo moleipa a taopa maih cha moleina sei a châ.

RYHPACHANEINA 27:16

“A nô tlyma, a paw tlyma a za leipa cha chhiesapa ta y mawh sy,” tah aw ei ta, zawpi ta, “Amen” ama tah aw.

RYHPACHANEINA 28:18

“Nama chhi theizy, nama chhaohlei theizy, nama sahrohzy, nama viahchaotaw nata nama mietakutawzy chhiesapa ta y aw ei ta, pôh aw veih ei.

ZAWSUA 9:23

Chavâta chhiesapa nama châ haw. Sei châ kôzaw aw ei chi ta, ei Khazohpa o châta tho pakhytuhpa nata ti thaihtuhpa ta nama y lymâ aw,” tah ta.

ZAWSUA 9:27

Cha noh ta Zawsua ta Kibiô mo cha zawpi châta nata Abeipa ta a maisâh y nawpa ta a raopa su châta tho pakhy awpa nata ti thaih awpa ta rao ta, cha hawhna chata tanoh taihta ama y.