ÂTHAONA 9:23 - Mara Bible RV (BSI)

²³ Semâ nata Zaphethâ ta poh la ei ta, ama ngiatlâh liata paraipa ta ama hnôh lâta a sypa ta, ama paw thluahruana cha khu ei ta. Hnôh lâ a heina chôta amâ sypa vâta, ama paw thluahruana cha hmô veih ei.

ÂTHAONA 9:23 ပူးပေါင်းရင်းမြစ်များ

ÂTHAONA 9:22

Kâna paw Hamâ ta a paw a zia pahrupa cha hmô ta, khôtho lâ pua ta, a unawhpa panozy chho ta.

ÂTHAONA 9:24

Nôah cha kresawhti a paripa tawhta a kaw thei ta, a sawchapaw seihnai viapa ta a chô liata a taozie cha pahno ta.

PUASAINA 20:12

“Na nô nata na paw palyupalih teh. Chatanachata Abeipa na Khazohpa ta râh a cha piepa liata na hro a pareih aw.

THEIHTHAINA 19:32

“Luh pawhpa hmiakô liata nâ duah tyh awpa châ ta, machâpa hmia za aw chi ta, Khazohpa na chi awpa a châ. Kei he Abeipa ei châ.

RAWMA 13:7

Chyhsa zydua lâta pie awpa maih pie lymâ teh u. Chhie pie awpa lâta chhie pie u la, leimâ chei awpa lâta leimâ cheih u la, za awpa cha za u la, palyupalih awpa cha palyupalih teh u.

KALATIA 6:1

Unawh saih u, chyhsa ta moleina a tao hai nota pachhaipa a châ khiahta cha, nâmo, thlahpa chyhsazy ta nônai kawpa ta paduapathi heih teh u. A vaih teh u, chataleipatala nâmo chhao reipasaopa ta nama y pathlei aw.

1 TIMAWTHY 5:1

Pawhrâhpa cha ra leipa la, paw hawhta pasyu la, chapaw thyutliazy cha unawhzy hawhta moh mah y.

1 TIMAWTHY 5:17

Awnanopa chhituh phapa, a eih pachaipa ta biechhona nata pachuna liata hriapasapazy cha, a lie no ta palyupalih tlâh ama châ.

1 TIMAWTHY 5:19

Awnanopa chhituhpa leihna cha, pahnotuhpa pano tlyma, pathôh tlyma ama y leipa khiahta cha, nâ pyh awpa châ vei.

1 PITY 2:17

Chyhsa zydua za u la, unawhzy kyhpachâ u la, Khazohpa chi u la, abei cha za teh u.

1 PITY 4:8

Kyhpachâna ta moleina hluhpi khu ta, chavâta ato zydua hlâta kyhpachâna pachâ peimawh viapa ta, palôh hmeiseihpa ta kyh khâ a pachâ teh u.