ÂTHAONA 9:15 - Mara Bible RV (BSI)

¹⁵ kei nata nâmo likah ta ei biehrai nata hmohrohneipa chi to hnohta ei biehrai cha ei thei tyh aw. Hmohrohneipa zydua pahlei khai awpa ta, tizy cha tipaua lâta a lie beih khao aw vei.

ÂTHAONA 9:15 ပူးပေါင်းရင်းမြစ်များ

ÂTHAONA 8:21

Abeipa ta ropahâhpa cha a thei nahta, Abeipa ta a palôh ta, “Alei he chyhsapa vâta chhiesa heih khao aw va na, chyhsapa palôrupa phaozie cha a hawti no tawhta moleipa châ tlôh ta. Tahmâ ta ei hriepa hawhna heta, hmohrohneipa to hrie heih khao aw va na.

ÂTHAONA 9:10

Nama hnohta a ypa hmohrohneipa zydua, pavawzy, sahrohzy nata nama hnohta a ypa râhsa balyh tawhta a vaw puapa zydua hnohta chhao biehrai tao na ta, alei liata sa to hnohta biehrai ei tao.

ÂTHAONA 9:11

Ei biehrai nama hnohta tao ha na ta, chavâta tipaua ta hrona a hneipa zydua pamua heih khao leipa aw ta, alei parao awpa ta tipaua vaw tlô heih khao aw vei,” tah ta.

ÂTHAONA 9:14

Alei chô liata meihdo paysa aw na ta, meihdo liata meisaku â vaw zawhna maihta,

1 ABEIZY 8:23

hetana heta thlahchhâ ta: “Hy Abeipa, Izarei Khazohpa y, nâ hawhpa Khazohpa he, chô lâ avâ liata nata ry lâ alei liata y tlâ veih ei. Nâma cha biehrai patlô chi ta, pathipalôh tlokhuh ta na bie a zyhpa châ chakaotuhpazy chô liata ngiachhiena a palâsa tyhpa na châ.

NEHEMIAH 9:32

“Chavâta eima Khazohpa, Khazohpa rônahpa nata thatlôpa nata chichhihpa, a biehrai patlôpa ta ngâchhihna a palâsa tyhpa Khazohpa y, keimo nata eima beizy, eima beimachâzy, eima theihthaipazy, eima hrohsopazy, miah pathlatuhpazy nata na phopi pôhpalôhpa chô liata, Asuria beizy daihti tawhta tanoh taihta rietheina vaw tlôpa zydua he, hmo chyhpa ta rie pachâ khah y.

HLAZY 106:45

Ama hnohta a biehrai a thei heih tyh ta, A kyhpachâna tleih beih leipa rônah ngaitapa vâta, A palôh a panano heih tyh.

PUASAINA 28:12

Alô mianozy cha ephaw ngiatlâh rizy liata bai aw chi ta, cha cha Izarei sawzy atheithlâhna alôzy châ aw ei ta, chatanachata Abeipa hmiakô liata atheithlâhna châta Arawna ta Izarei saw pahrawh hleino mohzy cha a ngiatlâh kârano ta a phaoh tyh aw.

ZEREMIAH 14:21

Na moh vâta rie miah dytha leipa la, Na rônahna beidyuchhai moh pachhie khah y; Eima hnohta na biehrai kha a thei la, Rie parao khah y.

EZEKIA 16:60

Chatahrasala na thyutlia daihti liata na hnohta biehrai ei taopa kha a thei aw na ta, na hnohta chhâzaw biehrai ei tao aw.

LUKA 1:72

Miah pathlatuhpazy hnohta Zawngiahna bietai palâsa ta, A biehrai pathaihpa â thei thlâh haw.

RYHPACHANEINA 7:9

Chavâta Abeipa nama Khazohpa cha Khazohpa a châ tahpa pahno teh u. Ano cha Khazohpa ngâchhihpa châ ta, ano kyhpachâ ta a biepiepa a zyhtuhpazy chô liata a biehrai nata a zawngiahna chhâ sâh kha taihta a paysapa a châ.