ÂTHAONA 8:22 - Mara Bible RV (BSI)

²² “Alei y chhôh zydua cha, Tu daihti nata hria daihti zy, Chasipaw nata nopi zy, Sao nata chhiah zy, Chhô nata zâ zy, Lei aw vei,” tah ta.

ÂTHAONA 8:22 ပူးပေါင်းရင်းမြစ်များ

ÂTHAONA 45:6

Kô no râh liata chakâhna tlô ha ta, kô pangawh a y thlâh ha chy. Cha daihti chhôh ta lei paliena nata sâh hriana rai y aw vei.

PUASAINA 34:21

“Noh charu chhôh rai hria aw chi ta, a noh sarina noh deikua cha nâ pahâ aw. Leipalie daihti nata sâh hria daihti hmahta châ hra sala, nâ pahâ awpa a châ.

ZEREMIAH 31:35

Nohchhô khaihna châta noh a pietuhpa, Zâ khaihna châta thlâpâ nata awhsizy yzie awpa a raotuhpa, Tilaipi chatlaosa ta, Tichatlaopazy a paaohsatuhpa, A moh Pheisaihzy Abeipa ta hetana heta a tah:

ZEREMIAH 5:24

‘A daihti ta avâ pasuasa ta, Chasipaw avâ nata châhvâ avâzy pasuasapa ta, Sâh hria daihti liata avâ a pahiasatuhpa, Abeipa eima Khazohpa cha chi ei suh u,’ Tahna châh ama palôh ta pahno vei.

ZÂMIE 5:7

Chavâta unawh saih u, Abeipa a vy hlâlei palôh pasipa ta y teh u. Pachâ tua u, lyuhneituhpa cha vâsua hmiatuapa nata vâsua hnôh viapa a hmô hlâlei alei thei sôhpa a hâ hualua tyh.