ÂTHAONA 8:21 - Mara Bible RV (BSI)

²¹ Abeipa ta ropahâhpa cha a thei nahta, Abeipa ta a palôh ta, “Alei he chyhsapa vâta chhiesa heih khao aw va na, chyhsapa palôrupa phaozie cha a hawti no tawhta moleipa châ tlôh ta. Tahmâ ta ei hriepa hawhna heta, hmohrohneipa to hrie heih khao aw va na.

ÂTHAONA 8:21 ပူးပေါင်းရင်းမြစ်များ

ÂTHAONA 3:17

Âdâh hnohta, “Na lapinô bie nathlie chi ta, ‘Na nie awpa châ vei,’ tahpa ta bie ei cha piepa tho thei na niepa vâta, “Nâma vâta chhaohlei he chhiesapa ta y ha ta, Na hro chhôh zydua ta riethei taopa ta, Chhaohlei thei na nie aw.

ÂTHAONA 4:12

Lei na palie tita, alei ta kôvei cha pie khao aw vei. Alei chô liana heta leilôpa nata viavipa deita na châ aw,” tah ta.

ÂTHAONA 5:29

“Abeipa ta chhie a sa hapa chhaohlei liata eima hriapasana nata rietheinazy tawhta phao miah pahua awpa,” tah ta a moh Nôah a bi.

ÂTHAONA 6:13

Chavâta Khazohpa ta Nôah hnohta, “Hmohrohneipa zydua chhâna ei hmiakô liata a vaw tlô. Âmo vâta alei he thachahra hmâna ta bie ta, chavâta âmo cha alei duata ei pahleipadia khai aw ei.

ÂTHAONA 6:17

“Avâ ry liata hrona a hneipa zydua nata husona a hneipa to pahleipadia khai awpa ta, keima tlai ta alei chô liata tipaua patlôsa aw na ta, alei chô liata hmo to zydua ama leidia khai aw.

ÂTHAONA 6:5

Alei chô liata chyhsapa cha thata vaw molei ta, a palôh phaozie chhao, khatino rai ta moleina lâ a heihpa a châzie Abeipa ta hmô ta.

ÂTHAONA 6:7

Chavâta Abeipa ta, “Chyhsapa ei taopa he alei tawhta ei pahleipadia aw. Chyhsapazy, sazy, âlyhpasazy nata avâ pavawzy ei vaw taopa he ei ngiapachhi na,” tah ta.

ZAWBÂ 14:4

Ahy ma hmo pathaih leipa tawhta hmo pathaihpa a papua thei aw? Pakha hmah y veih ei.

HLAZY 51:5

Pachâ teh, paraona liata taopa châ na ta, Ei nô ta moleina liata a phaopa ei châ.

HLAZY 58:3

Moleipazy cha chhi tawhta nomâpa châ ei ta, Ama pipa nahta lâpi paviapa ta, Haipa biezy ama reih lymâ.

HLAZY 58:4

Parih châmaih hawhpa châmaih hnei ei ta, Vâzi nahpâpa, nah a chahu tyhpa hawhta ama châ.

PUASAINA 29:18

Mietaku tôhpa cha a zydua ta maisâh liata rao aw chi ta, cha cha Abeipa châta raopa hlâna châ ta, Abeipa lâta mei ta hmohlâpa ropahâhpa a châ.

PUASAINA 29:25

Cha khai tawhta ama ku tawhta la aw chi ta, maisâh liata raopa hlâna chô liata na rao aw. Cha cha Abeipa hmiakô liata ropahâhpa châ ta, Abeipa lâta mei ta hmohlâpa a châ.

BIESOZY 20:9

“Ei palôh pathaihsa ha na ta, Ei moleina tawhta ei pathaih haw,” Ahy ma a tah thei tly?

BIECHHOTUHPA 7:20

Alei chô liana heta chyhsa siapa, A molei beih leipa pakha hmah y veih ei.

ISAI 47:12

Na hawtita tawhta na hriapasa tyhpa, Na pachaonazy liana cha a duah la, Na dyu hluhpi liana cha a duah tua rai; Na hlao a tloh thlâh ha thei ngyu aw mâh tâh, Chichhihpa hmo na paysa thei thlâh ha ngyu aw mâh tâh.

ISAI 47:15

Na rie nâ vaw pathei tyhna hmozy cha, Cha hawhna chata na châta châ aw ei ta, Na hawtita tawhta sôh na palie lâhpazy chhao, Cha hawhna chata na châta ama châ hra aw. Âmo lâpi chyu liata viavi ei ta, Châ pachha thei awpa ahy hmahta y veih ei.

ISAI 48:8

Thei beih leipa ei chi ta, Pahno beih hra leipa ei chi ta, Hlâno tawhta nama nah pachôh beih veih ei chi. Haiphiahpa ta hmo nama tao aw tahpa pahno na ta, Nô chhi tawhta chakhiatuhpa ama cha tahpa na châ.

ISAI 53:6

Eima zydua ta mietaku hawhta pavia pi ta, Eima lâpi chyu lâta eima tlei; Eima zydua paraona cha, Abeipa ta ano chô liata a pahnieh haw.

ISAI 65:6

Moh teh u, he bie he ei hmiakô liata ropa ta a y: “A chalih thlâh ha leipa aw na ta, Viari thô aw na ta, Ama kalachhôh lia tlai ta viari ei thô aw.

ZEREMIAH 17:9

Palôh he hmo zydua hlâta dôvei a thai chaipa châ ta, Pasichhih ngaitapa a châ; Ahy ma chyhsapa palôh a pahno thei aw?

ZEREMIAH 18:12

“Châhrasala âmo ta, ‘Cha cha phahnaina hnei vei! Keimo pachâpa hawhta y aw pi ta, chyhsa to keimo palôh chhorupa moleina hawhta eima tao aw,’ ama tah haw.

ZEREMIAH 8:6

A phapa ta nathlie na ta, Ama biereipa ei thei; Biedopa reih leipa ei ta, Ahy hmahta, ‘Khâpa ma ei vaw tao ha tly?’ Tahpa ta ama paraona ro a chhuah veih ei. Chyhsa to ta âmo lâpi lâ sai a heih ei ta, Adyuhna su liata arâ a thluah ngâpa ama lyu.

EZEKIA 20:41

Phopizy hry tawhta châ chhi papuapa ta, hiepatlapa ta nama yna râhzy tawhta ei cha pakhy ti ei ta, ropahâhpa châta châ pyh aw ei na ta, ei pathaihna cha phopizy mohmô liata nama hry liata ei palâsa aw, Abeipa Zehôvâh ta a tah.

THEIHTHAINA 1:13

A chhôrihzy nata a pheizy deikua cha, ti ta a pasi tua awpa a châ. Theihthaipa ta a zydua ta hlâ aw ta, maisâh liata a rao aw. Cha cha ropahâhpa châta Abeipa lâta raopa hlâna, mei ta hmohlâpa a châ.

THEIHTHAINA 1:17

A mathlawzy chamieh pachhô aw ta, a pachhaih deikua pachhaih pathlah awpa châ vei. Hmohlâpa cha theihthaipa ta maisâh mei tho chô liata a rao aw. Cha cha ropahâhpa châta Abeipa lâta raopa hlâna, mei ta hmohlâpa a châ.

THEIHTHAINA 1:9

A chhôrihzy nata a pheizy deikua cha, ti ta a pasi tua awpa a châ. Theihthaipa ta sa cha a zydua ta maisâh liata a rao aw. Cha cha ropahâhpa châta Abeipa lâta raopa hlâna, mei ta hmohlâpa a châ.

THEIHTHAINA 26:31

Nama khihpizy cha khirypa ta tao aw na ta, nama supathaihpazy roryhrapa ta ei tao aw. Nama ropahâhpazy pahnâ khao aw va na.

THEIHTHAINA 4:31

A thaw zydua cha, aryhna hlâna châta atheihna thaw lapa hawhta la khai aw ta, theihthaipa ta Abeipa châta ropahâhpa châta maisâh liata a rao aw. Theihthaipa ta chatlaina taopa aw ta, chatanachata a ngiahthaipa a châ aw.

THEIHTHAINA 8:28

Cha khai tawhta Mawsi ta ama ku tawhta la ta, maisâh liata raopa hlâna chô liata rao ta. Cha cha ropahâhpa châta chahnaona hlâna, Abeipa lâta mei ta hmohlâpa a châ.

MALUHREINA 15:3

Abeipa châta ropahâhpa tao nawpa ta, Abeipa lâta mei ta hmohlâpa raopa hlâna tlyma, bietai patlô nawpa ta atheihna tlyma, lôhthai hmohlâpa tlyma, nama châta kyhchhi raopazy liata hmohlâpa tlyma nama hlâ tita, viahchao hri tawhta tlyma, mietaku zaw tawhta tlyma nama hlâ awpa a châ.

MATHAI 15:19

Moleina pachâna, lianycheina, apheina, apatlana, paruna, haipa bie reipa nata reipachhiena zy he palôh tawhta a kaw puapa a châ.

ZAWHÂNA 3:6

Sapa ta a pihpa cha sapa châ ta, Thlahpa ta a pihpa cha thlahpa a châ.

RAWMA 1:21

Khazohpa cha pahno taraw ei ta, châhrasala Khazohpa hawhta palyupalih leipa ei ta, alyna bie hlâ hra veih ei. Hmo hraoleipa tlao pachâ via ei ta, ama pathipalôh hruna cha a vaw zoh haw.

RAWMA 3:23

Chyhsa zydua ta molei khai ha ei ta, Khazohpa rônahna to thei khao veih ei.

2 KAWRINI 2:15

Pachha haipazy nata leidia haipazy hry liata Khazohpa châta Krista ropahâhpa châ pi ta,

EPHESI 5:2

Krista ta kyh miah pachâ ta, ropahâhpa châta Khazohpa lâta hmohlâpa ta nata atheihna ta keimo châta â piepa hawhna khata, kyhpachâna hro ta nâmo chhao hroh teh u.

PHILIPI 4:18

Châhrasala ato hnei na ta, ei hnei hluh ngaita. Epâpharôditâ ku liata hmosaipiepazy eina vaw paphaopa ei chi kha vaw hmô na ta, ei dôkhâ haw. Nama hmosaipiepazy kha atheihna a pyh tlâhpa nata Khazohpa a palysapa, ropahâhpa hmohlâpa a châ.

1 ZAWHÂNA 5:19

Keimo cha Khazohpa tawhtapa châ pi ta, khizaw pôhpalôhpa he Sâtâ rei sai ta a y tahpa eima pahno.

1 SAMUELA 26:19

Chavâta ei zibeipa abei y, châ chakaotuhpa biezy he tahmâ vaw nathlie tua mah y. Keima nâ dyuh awpa palôh châ pahneisapa he, Abeipa a châ khiahta cha, hmohlâpa a pyh sala, chyhsazy ama châ khiahta deikua cha, Abeipa hmiakô liata chhiesapa ta y mawh sy. ‘Sie la khazoh hropazy kei chakao teh,’ na tah ei ta, Abeipa ryu liata tovyuh ei hnei thei lei nawpa ta, tanoh eina papua ha ei hih.