ÂTHAONA 8:20 - Mara Bible RV (BSI)

²⁰ Nôah ta Abeipa lâta maisâh tao ta, sa pathaihpa nata pavaw pathaihpa chi to hry tawhta sa nata pavawzy la ta, maisâh liata raopa hlânazy hlâ ta.

ÂTHAONA 8:20 ပူးပေါင်းရင်းမြစ်များ

ÂTHAONA 13:18

Chatanachata Abarâ cha a poh o pasie ta, Hebraw liata Mâmre tho thih liata yna su paryh ta, cha liata Abeipa châta maisâh tao ta.

ÂTHAONA 13:4

maisâh a tao tuana su kha a châ. Cha liata Abarâ ta Abeipa moh pado ta.

ÂTHAONA 22:2

Khazohpa ta, “Na sawchapawpa, na sawchapaw matlupa, a kyh na pachâpa Aisika kha a chhi la, Môria râh lâ sie la, cha liata ei cha chho awpa tlâh miakha liata ano cha raopa hlâna ta hlâ mah y,” tah ta.

ÂTHAONA 22:9

Khazohpa ta a chhopa su ama tlô nahta, cha liata Abarahâ ta maisâh tao ta, a chô liata tho pacho ta. A sawchapawpa Aisika cha chahry ta, maisâh liata tho chô liata pazia ta.

ÂTHAONA 26:25

Chatanachata Aisika cha, cha liata maisâh tao ta, Abeipa moh pado ta. Aisika cha, cha liata poh o rai ta, a chakaotuhpazy ta tikhaoh chao ei ta.

ÂTHAONA 33:20

Cha liata maisâh padua ta, a moh El-Elôhe-Izarei a bi.

ÂTHAONA 35:1

Khazohpa ta Zakaw hnohta, “Thyu la, Bethel lâ khy la, cha liata pahrâ la, na unawhpa Esaw tawhta nâ râ nota na hnohta a vaw luahpa Khazohpa châta, cha liata maisâh tao mah y,” tah ta.

ÂTHAONA 35:7

Cha liata maisâh tao ta, a unawhpa tawhta â râ nota Khazohpa a hnohta â luahna su a châpa vâta, a moh ta Elbethel a bi.

ÂTHAONA 4:4

Abela chhao ta a sahroh a pataw tua chaipazy nata a thawzy hlâ hra ta. Abeipa cha Abela nata a hmohlâpa liata a ly ngaita ta,

ÂTHAONA 7:2

Alei chô liata ama chi â zao thei nawpa ta, sa pathaihpa chi to hry tawhta a chapawpa nata a chanôpa bao sari chyu a ngiakhei la, sa pathaih leipa hry tawhta a chapawpa nata a chanôpa bao kha chyu a ngiakhei hra la,

ÂTHAONA 7:3

avâ liata pavaw chi to hry tawhta a chapawpa nata a chanôpa bao sari chyu a ngiakhei mah y.

ÂTHAONA 8:19

Sa to, alyhpasa to, pavaw chi to nata alei chô liata â pielyu theipa maih, a chi chi ta balyh tawhta pua lymâ ei ta.

ZAWBÂ 1:5

Ama kyhchhina nohzy a pai nahta, Zawbâ cha a sawzy lâta chyhsa tuah ta, a pathaisa awpa ta a chho tyh ei. Ano chhao ta, “Ei sawzy ta moleina hmo taopa ta, ama palôh ta Khazohpa chô liata chhie ama vaw sa tlamaw thei,” tah ta, mydi kari ta thyu ta, a sawzy maluh kipa ta raopa hlânazy a hlâpa tyh ei. Cha hawhna chata Zawbâ cha tao tyh ta.

PUASAINA 10:25

Mawsi ta, “Abeipa eima Khazohpa lâ eimâ theih nawpa ta, atheihna awpazy nata raopa hlâna awpazy eima ku liata miah na pie awpa a châ.

PUASAINA 29:18

Mietaku tôhpa cha a zydua ta maisâh liata rao aw chi ta, cha cha Abeipa châta raopa hlâna châ ta, Abeipa lâta mei ta hmohlâpa ropahâhpa a châ.

PUASAINA 29:25

Cha khai tawhta ama ku tawhta la aw chi ta, maisâh liata raopa hlâna chô liata na rao aw. Cha cha Abeipa hmiakô liata ropahâhpa châ ta, Abeipa lâta mei ta hmohlâpa a châ.

MALUHREINA 7:21

raopa hlâna châta viahchao tôh dawpa pô kha, mietaku tôhpa pô kha, mietakutaw chapawpa kô khapa pô kha;

RAWMA 12:1

Chavâta unawh saih u, Khazohpa ngiachhiena vâta, atheihna hrohpa nata pathaihpa nata a pyh tlâh châ awpa ta, nama pôhpa cha Khazohpa lâ hlâ awpa ta ei châ haw ei. Cha cha thlahpa ta Khazohpa namâ chhynazie awpa a châ.

HEBRAI 13:10

Keimo cha maisâh hnei pi ta, keimo maisâh liata deikua cha, achhyna byureih chakaotuhpazy nie thei veih ei.

1 PITY 2:5

Zisu Krista zawhzi ta Khazohpa a pyh tlâhpa thlahpa atheihna hlâtuhpa theihthai pathaihpazy châ awpa ta, alô hrohpa hawhta paduapa thlahpa o nama châ.

1 PITY 2:9

Nâmo deikua la, zohna tawhta puapa ta khaihna noâhpa liata a ngia awpa ta châ awtuhpa ei phana cha nama phuah thei nawpa ta, phopi atlyhpa, abei chi theihthaipa, phopi pathaihpa, Khazohpa ryuto phopi nama châ.