ÂTHAONA 8:17 - Mara Bible RV (BSI)

¹⁷ Na hnohta a ypa hmohrohneipa zydua, hrona a hneipa maih, pavawzy, sazy nata alyhpasa chi to alei chô liata bie ei sala, chi pathlapa ta, alei chô liata ama pôh thei nawpa ta, na hnohta puakhei khai mah y,” tah ta.

ÂTHAONA 8:17 ပူးပေါင်းရင်းမြစ်များ

ÂTHAONA 1:22

Khazohpa ta âmo cha, “Chi hluhpi pathlapa ta pôh u la, tilaipi pabie muh vy. Pavawzy chhao alei liata pôh mawh ei sy,” tahpa ta byhnâ awpa ta.

ÂTHAONA 1:28

Khazohpa ta âmo cha byhnâ awpa ta, ama hnohta, “Chi hluhpi pathlapa ta pôh u la, alei he biepa ta, nama rei sai ta paysa u la, tilaipi ngazy chô liata nata avâ pavawzy chô liata nata alei chô liata a pie thaipa hmohrohneipa to chô liata biehnei muh vy,” tah ta.

ÂTHAONA 8:16

“Balyh tawhta pua la, na lapinô, na sawchapawzy nata na sawchapaw lapinôzy chhao na hnohta pua mawh ei sy.

ÂTHAONA 8:18

Chatanachata Nôah cha pua ta, a sawchapawzy nata a lapinô nata a sawchapaw lapinôzy chhao a hnohta pua hra ei ta.

ÂTHAONA 9:1

Khazohpa ta Nôah nata a sawchapawzy cha byhnâ awpa ta, ama hnohta, “Chi pathlapa ta pôh u la, alei he bie teh u.

ÂTHAONA 9:7

“Nâmo deikua cha, chi pathlapa ta pôh u la, alei chô liata thata pôh u la, pôh lymâ muh vy,” tah ta.

HLAZY 107:38

Abeipa byhnâ vâta thata pôh ei ta, Ama sahrohzy a chokua awpa pasaih vei.