ÂTHAONA 8:12 - Mara Bible RV (BSI)

¹² Noh sari hropa hâ via heih ta, vachhuh cha pazawsa heih ta, ano lâ vaw kua khao vei.

ÂTHAONA 8:12 ပူးပေါင်းရင်းမြစ်များ

ÂTHAONA 8:10

Noh sari chhôh hâ via heih ta, vachhuh cha balyh tawhta pazawsa heih ta.

ÂTHAONA 8:11

Vachhuh cha zâlâ ta Nôah lâ a vaw di ta, ôli hna lyu thiehpa a hmao ta a vaw pu ta. Chatanachata Nôah cha alei chô tawhta tizy â sy haw tahpa pahno ta.

HLAZY 27:14

Abeipa cha hâ la, Thatlôpa ta y mah y! Abeipa cha hâ la, Riahphapa ta y mah y!

ISAI 25:9

Cha noh liata hetana heta ama tah aw: “Moh teh u, he he eima Khazohpa cha châ ta, Miah pachha awpa ta eima hâpa Khazohpa cha a châ hih. He he Abeipa cha châ ta, Ano tlai he eima hâpa a châ hih. A pachhana liata a ly ei sih la, Thaphapa ta y ei suh u.”

ISAI 26:8

Hy Abeipa, na lâpi dopa liata cha hâ pi ta, Na moh nata na mohphana zy he, Eima hro ta a tlaichhaipazy cha a châ.

ISAI 30:18

Chatahrasala Abeipa cha, Cha ngiachhie awpa ei ta cha hâ thlâh ha ei ta; Nama chô liata zawngiahna palâsa awpa ta, Anosasyh ta â cheihchalo aw. Abeipa cha adona Khazohpa châ ta, Ano a hâtuhpazy cha vânoh ama to aw.

ISAI 8:17

Chavâta Zakaw pathlazy tawhta a hmia a nyu hapa Abeipa cha hâ aw na ta, ei mokhâh aw.

ZEREMIAH 48:28

“Hy Môabâ râhsawzy saih u, Khihpizy puasaipa ta, Lôkâhpa liata pahrâ u la, Khaohtlô pâhchhô liata a bu a tuhpa Vachhuh hawhta y teh u.

HABAKU 2:3

Aluahna cha a daihti raopa hâ chy ta, Chhâna kyh reih ta, Rei chhei aw vei. Vaw tlô mâh vei hra sala, Hâ hualua mah y; A vaw tlô thlyu aw, Hawh aw vei.