ÂTHAONA 7:21 - Mara Bible RV (BSI)

²¹ Alei chô liata husona a hneipa to zydua thi khai ei ta, pavawzy, sahrohzy, râhsazy, alei chô liata hmotaopa to nata chyhsa zydua chhao ama thi khai haw.

ÂTHAONA 7:21 ပူးပေါင်းရင်းမြစ်များ

ÂTHAONA 1:25

Khazohpa ta râhsazy, osazy nata âlyhpasazy cha âmo chi yzie lymâ hawhta a tao ei. Khazohpa ta cha cha moh ta a pha tah kaw ta.

ÂTHAONA 6:13

Chavâta Khazohpa ta Nôah hnohta, “Hmohrohneipa zydua chhâna ei hmiakô liata a vaw tlô. Âmo vâta alei he thachahra hmâna ta bie ta, chavâta âmo cha alei duata ei pahleipadia khai aw ei.

ÂTHAONA 6:17

“Avâ ry liata hrona a hneipa zydua nata husona a hneipa to pahleipadia khai awpa ta, keima tlai ta alei chô liata tipaua patlôsa aw na ta, alei chô liata hmo to zydua ama leidia khai aw.

ÂTHAONA 7:4

Noh sari khai tawhta alei chô liata noh sypalih nata zâ sypalih chhôh avâ pasuasa aw na ta, chatanachata hmohrohneipa ei taopa zydua alei chô tawhta ei pahleipadia khai ha aw,” tah ta.

ZAWBÂ 34:15

Sapa zydua â raohpa ta leidia khai aw ei ta, Chyhsapa chhao dohlei lâ a kua heih aw.

ISAI 24:19

Alei cha kai ta, Alei cha zao ta, Alei cha thata â chalyu.

ISAI 24:6

Chavâta alei cha chhiesana ta charua ta, A chô liata a pahrâpazy thailei pachâsapa ama châ. Chavâta lei chyhsazy maluh a sy laih ta, Chyhsa chyhta dei ama y bâ.

HÔSIA 4:3

Chavâta râh cha mâchhiesa ta, A chhôh liata a pahrâpa to ama leidia; Râh sazy nata avâ pavawzy siekheipa châ ei ta, Tilaipi ngazy taihta ama siekhei.

ZÔELA 2:3

Mei ta ama hmia lâta palâ laih ta, Meipaleih ta ama hnôh lâta a kâ laih. Ama hmia lâta râh cha, Idâh sadô lyu ta; Ama hnôh lâta râh deikua cha, Râhchawhpa roryhrapa hawhta a châ; Âmo tawhta a boh theipa y vei.

ZEPHANIA 1:3

“Chyhsa nata sazy pahleipadia aw na ta, Avâ pavawzy nata tilaipi ngazy ei pahleipadia khai aw. Moleipazy papao aw na ta, Alei chô tawhta chyhsa ei pamua ha aw,” Abeipa ta a tah.

MATHAI 24:39

Tipaua vaw tlô ta, ama zydua ta a pahlei khai hlâlei cha, khâpa hmah ama pahno leipa hawhna khata, Chyhsa Sawchapawpa avyheihna cha a châ aw.

LUKA 17:27

Nôah balyh liata â ngiana noh taihta niedopa ta y ei ta, nôpi nôvahzy amâ pakia. Tipaua vaw tlô ta, ama zydua ta a pahleipadia khai ha ei.

RAWMA 8:20

Hmotaopazy cha hraoleipa ta y awpa ta raopa châ ha ta, âmo khopa vâta châ leipa ta, a paysatuhpa vâta tlao a châ. Châhrasala hnabeiseihna a y.

RAWMA 8:22

Hmotaopa zydua cha sawzeih pasa taopa ta, tahmâ taihta amâ rôh ngâ thlâh ha tahpa eima pahno.

2 PITY 2:5

Ano a uasa leipazy yna khizaw liata tipa-ua a patlôsa nona kha, Khazohpa ta hlâno khizaw kha pahlôh leipa ta, siana bie a chhotuhpa Nôah nata mohropa pasari deita a pahlôh ei.