ÂTHAONA 7:14 - Mara Bible RV (BSI)

¹⁴ Ama hnohta râhsa chi to, osa chi to, alei liata alyhpasa chi to, pavaw chi to, mathlaw hneipa chi to balyh lâ a ngia hra ei ta.

ÂTHAONA 7:14 ပူးပေါင်းရင်းမြစ်များ

ÂTHAONA 1:21

Khazohpa ta tilaipi liata a pahrâpa hmohrohneipa lai ngaitapazy nata ti liata a pahrâpa hmohrohneipa chi to, âmo chi yzie lymâ hawhta tao ta. Mathlaw hneipa pavaw chi to chhao âmo chi yzie lymâ hawhta a tao hra. Khazohpa ta cha cha moh ta a pha tah kaw ta.

ÂTHAONA 1:24

Khazohpa ta, “Alei ta sa chi to papua sala, osa chi to, alyhpasa chi to nata râhsa chi to papua mawh sy,” tah ta. Cha hawhna chata vaw châ ta.

ÂTHAONA 6:19

Hmohrohneipa to tawhta a chapawpa nata a chanôpa bao no chyu a ngiakhei aw chi ta, na hnohta na pahro aw ei.

ÂTHAONA 7:13

Cha noh lia tlai ta Nôah nata a lapinô, a sawchapaw pathôh Semâ, Hamâ nata Zaphethâ nata ama lapinôzy cha balyh chhôh lâ a ngia ei ta.

ÂTHAONA 7:15

Hrona hu a hneipa hmohrohneipa maihta a bao bao ta Nôah lâ a vy ei ta balyh lâ amâ ngia lymâ.