ÂTHAONA 7:11 - Mara Bible RV (BSI)

¹¹ Nôah hrona kô 600 a tloh kô, thla nona, noh hrawh hleisari noh, cha noh ta, Ti a thu ngaitapa hnawh zydua kaw pali ta, Avâ opy zydua â pahy khai haw.

ÂTHAONA 7:11 ပူးပေါင်းရင်းမြစ်များ

ÂTHAONA 1:7

Khazohpa ta aruapa cha tao ta, aruapa ry lâta ti a ypazy nata aruapa chô lâta ti a ypazy cha pachhaih ta, cha hawhna chata vaw châ ha ta.

ÂTHAONA 6:17

“Avâ ry liata hrona a hneipa zydua nata husona a hneipa to pahleipadia khai awpa ta, keima tlai ta alei chô liata tipaua patlôsa aw na ta, alei chô liata hmo to zydua ama leidia khai aw.

ÂTHAONA 7:6

Alei chô liata tipaua a vaw tlô nota, Nôah cha kô 600 uhtheipa a châ.

ÂTHAONA 8:14

Thla nona, noh kih nata noh sarina noh liata, alei cha hi khai ha ta.

ÂTHAONA 8:2

Ti athupa hnawhzy nata avâ opyzy khawpa châ ta, avâ cha a vaw hia ha ta.

2 ABEIZY 7:19

pheisaih hyutuhpa ta Khazohpa chyhsa cha a chhy ta, “Abeipa ta avâ opyzy a pahypa chhao ta, cha hawpa cha a y thei aw ma?” tah ta. Elaisâh ta, “Na mo tlai ta hmô aw chi ta, châhrasala nie aw va chi,” tah ta.

2 ABEIZY 7:2

Pheisaih hyutuhpa, abei ta a ku liata â pahniehpa ta Khazohpa chyhsa hnohta, “Abeipa ta avâ opyzy a pahypa chhao ta, cha hawhpa hmo cha a y thei aw ma?” tah ta. Khazohpa chyhsa ta, “Na mo tlai ta na hmô aw, châhrasala nie aw va chi,” tah ta.

ZAWBÂ 12:15

Tizy a patu ha khiah ei ta cha, Kua khai ei ta; A pathlie khiah ei ta cha, Leilô ama khu tyh.

ZAWBÂ 28:4

Chyhsa pahrâ leina saikao liata khaohzy chaopa ta, Phei ta a chapia leina su liata y ei ta, Chyhsazy tawhta â hlapi ta ypa ta, A bahai ei ta amâ hiehâ ngâ kaw.

ZAWBÂ 38:16

“Tilaipi hnawhzy liata a ngiapa ta, Ti athupa chhôh liata nâ hlai beih ma?

ZAWBÂ 38:37

Ahy ma meihdo ziepa rei theina taihta sona hnei ta, Ahy ma avâ titheih a patlai thei tly,

HLAZY 33:7

Tilaipi tizy su kha ta pahmaoh ta, Ti athupazy cha hmosopakhyna suzy liata a sohpakhy.

HLAZY 74:15

Tihnawhzy a papuatuhpa nata vahtiezy a palosatuhpa châ chi ta, Vahtly tipi a pakuatuhpa na châ.

BIESOZY 3:20

A pahnona ta ti athupazy pasa ta, Meihdozy ta diati ama patlasa.

ISAI 24:18

Chichhihna pyu tawhta a râpa cha, Khaohtlô liata tla aw ta; Khaohtlô tawhta a puapa cha, Khoheih liata â ao aw. Avâ opyzy pahypa châ ta, Alei abônazy â chalyu.

ISAI 24:19

Alei cha kai ta, Alei cha zao ta, Alei cha thata â chalyu.

ZEREMIAH 5:22

Na chi aw veih ei chi ma? Ei hmiakô liata a chalyu aw vei ei chi ma? Kei he tilaipi râhri châta sadi a sohtuhpa châ na ta, Tilaipi a khô lei nawpa ta, Chhâzaw pakhâna châta sadi a sohtuhpa ei châ. Tichatlaopazy a chatlao ngâ kaw hra ei sala, Râhri khô thei leipa ei ta; A aoh ngâ kaw hra ei sala, Râhri siepakhô thei veih ei,” Abeipa ta a tah.

ZEREMIAH 51:16

A ao a papua nahta, Avâ liata ti pyuzy paro ta, Khizaw kaokih tawhta ameihzy a pathyu tyh. Vâsua châta dôhla pathliesa ta, A ryubyh tawhta thlih a pathlisa tyh.

EZEKIA 26:19

“Abeipa Zehôvâh ta hetana heta a tah: Khih rypa ta cha taopa ta, chyhsa pahrâ leina khihpizy hawhta ei cha tao tita, ti a thu ngaitapa liata cha pamôhpa ta, ti lai ngiatapazy ta ei cha pavaosa tita,

MALAKHAI 3:10

Ei o liata nie awpa a y thei nawpa ta, su hrawh su kha zydua cha thyupakhyna o liata vaw cheih teh u. Cha hawhta nama tao khiahta cha, nama châta vârâh opyzy pahypa ta, nama so nawpa a y khao leina taihta byhnâzy ei cha vaohei ei ma, vaohei veih ei ma, na pasia teh u,” Pheisaihzy Abeipa ta a tah.

MATHAI 24:38

Cha nohzy liata, tipaua vaw tlô hlâ, Nôah balyh liata â ngiana noh taihta niedopa ta y ei ta, nôpi nôvahzy amâ pakia.

1 THYSALAWNIKA 5:3

Chyhsazy ta, “Thlalôhna nata abohna,” tahpa ta ama rei hai nota, chanô saw zeihpa hawhta eikhapi ta leidiana ama chô liata vaw tlô aw ta, khôkhâh cheita aw veih ei.

2 PITY 3:6

cha tizy ta cha daihti liata khizaw cha vao ta, a pahleipadia hapa kyh chhao pahno lei amâ pachâ raruah.