ÂTHAONA 6:7 - Mara Bible RV (BSI)

⁷ Chavâta Abeipa ta, “Chyhsapa ei taopa he alei tawhta ei pahleipadia aw. Chyhsapazy, sazy, âlyhpasazy nata avâ pavawzy ei vaw taopa he ei ngiapachhi na,” tah ta.

ÂTHAONA 6:7 ပူးပေါင်းရင်းမြစ်များ

ÂTHAONA 6:6

Alei chô liata chyhsapa a vaw taopa vâta Abeipa cha a ngiapachhi ta, a palôh pasa ngaita ta.

ÂTHAONA 7:21

Alei chô liata husona a hneipa to zydua thi khai ei ta, pavawzy, sahrohzy, râhsazy, alei chô liata hmotaopa to nata chyhsa zydua chhao ama thi khai haw.

ÂTHAONA 7:4

Noh sari khai tawhta alei chô liata noh sypalih nata zâ sypalih chhôh avâ pasuasa aw na ta, chatanachata hmohrohneipa ei taopa zydua alei chô tawhta ei pahleipadia khai ha aw,” tah ta.

ÂTHAONA 8:21

Abeipa ta ropahâhpa cha a thei nahta, Abeipa ta a palôh ta, “Alei he chyhsapa vâta chhiesa heih khao aw va na, chyhsapa palôrupa phaozie cha a hawti no tawhta moleipa châ tlôh ta. Tahmâ ta ei hriepa hawhna heta, hmohrohneipa to hrie heih khao aw va na.

HLAZY 37:20

Moleipazy deikua cha leidia aw ei ta, Abeipa chariahpazy chhao sibiepa hawh dei ama châ aw; Leidia aw ei ta, Meikhuh hawhta ama pai aw.

BIESOZY 10:27

Abeipa china cha hro pareihna châ ta, Moleipa kôzy deikua cha pachhohsapa a châ aw.

BIESOZY 16:4

Abeipa ta hmo to a chhâpa hneipa ta tao ta, Moleipa chhao he chhiena noh châta a taopa a châ.

ISAI 27:11

A chiahzy cha ama uah tita tlie ei ta, Chanôzy a vy ei ta tho châta ama pakhy tyh. Pahnona a hnei leipa phopi châ ei ta, Chavâta âmo a taotuhpa ta zawh a ngiah leipa aw ei ta, Âmo a paduatuhpa ta khohkhei aw veih ei.

HÔSIA 4:3

Chavâta râh cha mâchhiesa ta, A chhôh liata a pahrâpa to ama leidia; Râh sazy nata avâ pavawzy siekheipa châ ei ta, Tilaipi ngazy taihta ama siekhei.

AMÔSÂ 7:3

Abeipa cha a palôh a panai ta, Abeipa ta, “Kha hmo kha vaw tlô aw vei,” tah ta.

AMÔSÂ 7:6

Abeipa cha a palôh a panai ta, Abeipa Zehôvâh ta, “Kha chhao kha vaw tlô aw vei,” tah ta.

ZEPHANIA 1:18

Abeipa hiehâhna noh liata cha, Ama tâkâ ta âmo pachha thei leipa aw ta, Ama ngôh ta âmo pachha thei aw vei; A hiatliana mei ta râh zydua kâ khai aw ta, Alei liata a pahrâpa zydua chô liata Eikhapi ta chhâna noh a patlôsa aw.

ZEPHANIA 1:2

“Hmo zydua alei chô tawhta Ei pahleipadia khai aw,” Abeipa ta a tah.

ZEPHANIA 1:3

“Chyhsa nata sazy pahleipadia aw na ta, Avâ pavawzy nata tilaipi ngazy ei pahleipadia khai aw. Moleipazy papao aw na ta, Alei chô tawhta chyhsa ei pamua ha aw,” Abeipa ta a tah.

RYHPACHANEINA 28:63

Abeipa ta nama chô liata hmo phapa tao ta, nama maluh cha papôh awpa â lynazie a châpa hawhta, nama leina tao awpa nata cha pahleipadia awpa chhao cha Abeipa alynazie châ aw ta, hnei awpa ta namâ kei ngiapa râh tawhta phia pathlahpa nama châ aw.

RYHPACHANEINA 29:20

Ano cha Abeipa ta a ngiahthai khoh leipa aw ta, Abeipa hiehâhna nata hiatliana ta a khu aw. He châbu liata ropa chhiesana zydua he a chô liata tla thlu aw ta, Abeipa ta avâ ry tawhta a moh a pahlei aw.

1 SAMUELA 15:11

“Sawla bei ei vaw taopa he la, ei ngiapachhi kaw na. Kei na pazi leipa ta, hnôh na chhy ta, ei biepiepazy zyh vei,” tah ta. Samuela cha a hiehâh ngaita ta, azozâkhihdei ta Abeipa pado ta.