ÂTHAONA 50:5 - Mara Bible RV (BSI)

⁵ Ei paw ta ei hnohta, ‘Pachâ teh, thi daihmâ ha na ta, Kâna râh liata thlâ ei chao chiehpa liata, cha lia tlai ta na pabu mah y,’ tahpa ta bie na pataihsa ha ta. Chavâta ngiachhiepa ta khy aw sah la, ei paw cha kaw pabu aw na ta, ei zâ lie heih aw,” tah ta.

ÂTHAONA 50:5 ပူးပေါင်းရင်းမြစ်များ

ÂTHAONA 3:19

Chhaohlei ta taopa châ chi ta, Chhaohlei lâ na kua heih hlâlei cha, Na hmia mathlai lohpa ta nie nâ hmô aw. Dohlei châ chi ta, Dohlei lâ na kua heih aw,” tah ta.

ÂTHAONA 48:21

Chatawhcha Izarei ta Zawsi hnohta, “Pachâ teh, kei cha thi daihmâ ha na ta, châhrasala Khazohpa nama hnohta y aw ta, châ pathlatuhpazy râh lâ a châ chhi heih aw ei.

ÂTHAONA 50:24

Zawsi ta a unawhzy hnohta, “Kei cha thi daihmâ ha na ta, châhrasala Khazohpa ta cha vaw tly aw ei ta. Khazohpa ta he râh tawhta châ chhi papua aw ei ta, Abarahâ, Aisika nata Zakaw zy hnohta bie â taihpa râh lâ a châ chhi aw ei,” tah ta.

ÂTHAONA 50:4

Ama mâchhiesana nohzy a chhâ tawhta, Zawsi ta Phiraoh chhôhkha hnohta, “Nama modypa ei châ khiahta cha, ngiachhiepa ta Phiraoh nakhaoh theina liata, hetana heta na chhopa muh vy.

ÂTHAONA 50:6

Phiraoh ta Zawsi hnohta, “Bie a cha pataihsa hapa hawhna chata khy la, na paw cha kaw pabu mah y,” tah ta.

2 THÂTIHZYRONA 16:14

Dâvi khihpi liata ano châta thlâ â taopa liata pabu ei ta. Ropahâhpa taotuhpazy ta ia-ô chi to tawhta ama taopa ropahâhpa to ta a biepa rakhô liata pazia ei ta, ano palyupalihna châta mei thata patih ei ta.

ZAWBÂ 30:23

Thina lâ einâ chhi aw chi tahpa pahno na ta, Ahropa zydua châta raopa o lâ einâ chhi aw chi tahpa ei pahno.

HLAZY 79:3

Zerusale khihpi zydua liata, Ti hawhta ama thisaih patlai ei ta, Âmo a pabu awpa chhao y veih ei.

BIECHHOTUHPA 12:5

su sâhpa chipa ta, lâpi liata chichhih­pazy ypa ta, kuasâh tho a paw pawhpa ta, khawsu dusawta ta siepa ta, a chhâzaw o lâ â di bâ awpa vâta chyhsapa ta khopa hnei khao leipa ta a y hlâta, mâchhiesatuhpazy khiliah liata amâ hlaihlâ hlâta;

BIECHHOTUHPA 12:7

dohlei a yna tyhpa alei lâ a kua heih hlâta nata thlahpa a pietuhpa Khazohpa lâ a kua heih hlâta, châ Taotuhpa cha khâ a thei mah y.

BIECHHOTUHPA 6:3

Chyhsa ta saw za kha hneipa ta kô hluhpi hroh sala, kô khazie leichâ a hro pasipa chhao ta, a hro nohzy cha a khozie hawhta hmâh thei leipa sala, a pha thipa chhao ta pabupa a châ leipa khiahta cha, cha hawhpa chyhsa hlâta cha athipa ta a pihpa a pha via ei tah.

ISAI 22:16

Nâ, su sâhpa liata thlâ khaoh khiepa ta, lôpanô liata na châta yna khaoh a reipa chi cha, khâpa vâta ma he liata na châta thlâ khaoh na khie tly? He liata tao awpa khâpa ma na hnei tly? He liata na chyhsa ahy ma a y tly?

MATHAI 27:60

ano thlâ thiehpa, lôpanô khiepa ta a taopa liata pazia ta, thlâ chhikao cha alô lai ngaitapa ta pamai ta, siesai ha ta.

RYHPACHANEINA 4:22

Kei cha he râh liata thi aw na ta, Zawdâh chaka aw va na. Nâmo deikua chaka aw ei chi ta, râh phapa cha nama kei hnei aw.

1 SAMUELA 14:43

Sawla ta Zawnathâ hnohta, “Khâpa hmo ma na tao haw, na chho teh,” tah ta. Zawnathâ ta a chhy ta, “Ei chôchahrei chabapa pawhmao ta kheihti a chyhta ei padi haw, keima na ei châ, ei thi awpa a châ,” tah ta.