ÂTHAONA 50:25 - Mara Bible RV (BSI)

²⁵ Chatawhcha Zawsi ta Izarei sawzy bie pataihsa ta, ama hnohta, “Khazohpa ta cha vaw tly tlai aw ei ta, he su tawhna heta ei ruzy phaoh ha muh vy,” tah ta.

ÂTHAONA 50:25 ပူးပေါင်းရင်းမြစ်များ

ÂTHAONA 50:5

Ei paw ta ei hnohta, ‘Pachâ teh, thi daihmâ ha na ta, Kâna râh liata thlâ ei chao chiehpa liata, cha lia tlai ta na pabu mah y,’ tahpa ta bie na pataihsa ha ta. Chavâta ngiachhiepa ta khy aw sah la, ei paw cha kaw pabu aw na ta, ei zâ lie heih aw,” tah ta.

PUASAINA 13:18

Khazohpa ta Izarei sawzy cha râhchawhpa siepahliepa ta Tilaipi Saihpa lâta tlao â chhi ei. Chatanachata Izarei sawzy cha, chariah chhaichhi a tobipa ta, Izi râh tawhta ama pua haw.

PUASAINA 13:19

Zawsi ta Izarei sawzy hnohta, “Khazohpa ta cha za tly thlyu aw ei ta, ei ruzy he, he su tawhta nama phaoh ha awpa a châ,” tahpa ta liahsa bie a pataihsa hapa hawh ei ta, Mawsi ta Zawsi ruzy cha phaoh ta.

PUASAINA 3:17

Chavâta Izi râh pasataona tawhta châ chhi papuapa ta, Kâna mo, Hiti mo, Amawri mo, Perizi mo, Hivi mo nata Zebu mozy râh, sâhpiti nata kheihti lona râh lâ châ chhi awpa ei ta, bie ei châ taih ei,’ tahpa ta.

PUASAINA 3:8

Chavâta Izi mo ku tawhta âmo cha pachhapa ta, cha râh tawhta puakhei ta, râh phapa nata kawhpa, sâhpiti nata kheihti lona râh, Kâna mo, Hiti mo, Amawri mo, Perizi mo, Hivi mo nata Zebu mozy yna su lâ a chhi awpa ei ta ei zu haw.

HMOTAOPAZY 7:16

Sekhe khih lâ ama ri phaoh ei ta, Abarahâ ta Sekhe khih liata Hamô sawchapawzy liata tâkâ ta thlâ su a chaleipa liata ama pabu.

HEBRAI 11:22

Ngiapâna ta Zawsi ta a thi chy ta, Izarei sawzy Izi râh tawhta pua awpa kyh reih ta, a ruzy taotia nawpa kyh a chho ei.

ZAWSUA 24:32

Izarei sawzy ta Izi râh tawhta Zawsi ru ama kaw phaopa kha, Sekhe khihpi liata Zakaw ta Sekhe paw Hamô sawzy liata tâkâ za kha ta a chaleipa su liata pabu ei ta. Cha cha Zawsi pathlazy ryuto râh a châ pâ haw.

RUTHI 1:6

Abeipa ta a chyhsazy za tly ta, niepa a pie ha ei tahpa Naomi ta Môabâ râh tawhta thei ta. Chavâta Môabâ râh tawhta a lie awpa ta a myuhnôzy chhaota a thao ei ta.