ÂTHAONA 50:24 - Mara Bible RV (BSI)

²⁴ Zawsi ta a unawhzy hnohta, “Kei cha thi daihmâ ha na ta, châhrasala Khazohpa ta cha vaw tly aw ei ta. Khazohpa ta he râh tawhta châ chhi papua aw ei ta, Abarahâ, Aisika nata Zakaw zy hnohta bie â taihpa râh lâ a châ chhi aw ei,” tah ta.

ÂTHAONA 50:24 ပူးပေါင်းရင်းမြစ်များ

ÂTHAONA 12:7

Abarâ hnohta Abeipa a vaw luah ta, “He râh he na chipathla hnohta ei pie aw,” tah ta. Chavâta a hnohta a vaw luahpa Abeipa châta, cha su liata maisâh padua ta.

ÂTHAONA 13:15

Râh na hmôpa zydua nâma nata na pathlazy hnohta chhâzaw châta ei cha pie aw ei.

ÂTHAONA 13:17

Râh he ei cha pie awpa vâta, thyu la, a doh lâ nata a hâ lâ chahry khai mah y,” tah ta.

ÂTHAONA 15:18

Cha noh liata Abeipa ta, “Izi chavah tawhta chavah laipa Ufrâti taihta, he râh he na pathlazy hnohta ei pie ei.

ÂTHAONA 15:7

Chatawhcha a hnohta, “Kei he, nama pahrâ nawpa ta, he râh he cha pie awpa ta Kaldia râh Ur khihpi tawhta châ chhi papuatuhpa Abeipa kha ei châ,” tah ta.

ÂTHAONA 15:8

Abarâ ta, “Hy Abeipa Zehôvâh, he râh he ei hnei aw tahpa kheihta ei pahno thei aw?” tah ta.

ÂTHAONA 17:8

Tahmâ ta khichhai na châna râh, Kâna râh zydua he, nâ nata na hnôhlâ ta na pathla hnohta chhâzaw ryuto châta cha pie aw ei na ta, kei he ama Khazohpa ei châ aw,” tah ta.

ÂTHAONA 21:1

A vaw rei hapa hawhta, Abeipa ta Sârâ cha za tly ta. Abeipa ta a bietai hawhta Sârâ chô liata tao ta.

ÂTHAONA 26:3

He râh liata y chy la, na hnohta y aw na ta, byhnâ ei cha pie aw. He râh zydua he nâma nata na pathlazy ei cha pie aw ei. Na paw Abarahâ hnohta bie ei taihpa kha ei pa-i aw.

ÂTHAONA 28:13

Abeipa cha hleidy chô lâta a duah ta, “Kei he Abeipa, na paw Abarahâ Khazohpa nata Aisika Khazohpa ei châ. Nâ ziana râh kha, nâ nata na pathlazy ei cha pie aw ei.

ÂTHAONA 3:19

Chhaohlei ta taopa châ chi ta, Chhaohlei lâ na kua heih hlâlei cha, Na hmia mathlai lohpa ta nie nâ hmô aw. Dohlei châ chi ta, Dohlei lâ na kua heih aw,” tah ta.

ÂTHAONA 35:12

Abarahâ nata Aisika hnohta râh ei piepa kha, Nâ cha pie na ta; Na pathla a vaw y lymâ awpazy hnohta chhao, Râh cha ei pie aw ei,” tah ta.

ÂTHAONA 46:4

Na hnohta Izi râh lâ a zu aw na ta, ei châ kaw chhi pakhua heih aw. Na thi tita Zawsi ta a ku ta na mokhaoh a cha pabiehpa aw,” tah ta.

ÂTHAONA 47:29

Izarei cha a thi nawpa daihti â hnia nahta, a sawchapawpa Zawsi aw ta, a hnohta, “Na modypa ei châ khiahta cha, ngiachhiepa ta na ku kha ei byhpi ry liata vaw chahraoh la, ei chô liata nôphapa nata âdopa ta tao awpa ta bie nâ taih mah y. Izi râh liana he rie na pabu cheita khah y.

ÂTHAONA 48:21

Chatawhcha Izarei ta Zawsi hnohta, “Pachâ teh, kei cha thi daihmâ ha na ta, châhrasala Khazohpa nama hnohta y aw ta, châ pathlatuhpazy râh lâ a châ chhi heih aw ei.

ÂTHAONA 50:5

Ei paw ta ei hnohta, ‘Pachâ teh, thi daihmâ ha na ta, Kâna râh liata thlâ ei chao chiehpa liata, cha lia tlai ta na pabu mah y,’ tahpa ta bie na pataihsa ha ta. Chavâta ngiachhiepa ta khy aw sah la, ei paw cha kaw pabu aw na ta, ei zâ lie heih aw,” tah ta.

ZAWBÂ 30:23

Thina lâ einâ chhi aw chi tahpa pahno na ta, Ahropa zydua châta raopa o lâ einâ chhi aw chi tahpa ei pahno.

PUASAINA 12:41

Kô 430 chhâna liata, cha noh lia tlai ta, Abeipa pheisaih zydua cha Izi râh tawhta ama pua khai haw.

PUASAINA 12:51

Chatanachata cha noh lia tlai chata, Abeipa ta Izarei sawzy cha, a py py ta Izi râh tawhta â chhi papua ha ei.

PUASAINA 13:19

Zawsi ta Izarei sawzy hnohta, “Khazohpa ta cha za tly thlyu aw ei ta, ei ruzy he, he su tawhta nama phaoh ha awpa a châ,” tahpa ta liahsa bie a pataihsa hapa hawh ei ta, Mawsi ta Zawsi ruzy cha phaoh ta.

PUASAINA 3:8

Chavâta Izi mo ku tawhta âmo cha pachhapa ta, cha râh tawhta puakhei ta, râh phapa nata kawhpa, sâhpiti nata kheihti lona râh, Kâna mo, Hiti mo, Amawri mo, Perizi mo, Hivi mo nata Zebu mozy yna su lâ a chhi awpa ei ta ei zu haw.

PUASAINA 33:1

Abeipa ta Mawsi hnohta, “Izi râh tawhta nâ kaw chhi papuapazy chhao khata, he su tawhta pua u la, Abarahâ, Aisika nata Zakaw hnohta, ‘Na pathlazy hnohta ei pie aw,’ tahpa ta bie ei vaw taihpa râh lâ khy teh u.

PUASAINA 4:31

Izarei phopi ta ama biereipa cha zo ei ta, Abeipa ta Izarei sawzy za tly ta, ama pasataonazy a za hmô haw tahpa ama thei nahta, ama luh a bôhpa ta Abeipa cha a chhy ei ta.

BIECHHOTUHPA 12:5

su sâhpa chipa ta, lâpi liata chichhih­pazy ypa ta, kuasâh tho a paw pawhpa ta, khawsu dusawta ta siepa ta, a chhâzaw o lâ â di bâ awpa vâta chyhsapa ta khopa hnei khao leipa ta a y hlâta, mâchhiesatuhpazy khiliah liata amâ hlaihlâ hlâta;

BIECHHOTUHPA 12:7

dohlei a yna tyhpa alei lâ a kua heih hlâta nata thlahpa a pietuhpa Khazohpa lâ a kua heih hlâta, châ Taotuhpa cha khâ a thei mah y.

MALUHREINA 32:11

‘Izi râh tawhta a kaw puapa, kô kih tawhta chô lâ chyhsazy cha, palôh tlokhuh ta eina zi leipa vâ ei ta, ahy hmah Abarahâ, Aisika nata Zakaw zy hnohta pie awpa ta bie ei taihpa râh hmô aw veih ei.

RAWMA 5:12

Chyhsa pakha vâta moleina khizaw liata a ngia ta, moleina vâta thina a ngia ta, cha hawhna chata, chyhsa zydua ta hmo ama paraopa vâta, thina ta chyhsa zydua cha a chahryh haw.

RYHPACHANEINA 1:8

Moh teh u, nama hmiakô liata râh ei cha sopa ei hih. Sie u la, châ pathlatuhpa Abarahâ, Aisika nata Zakaw nata ama pathla vaw y lymâ awpazy hnohta pie awpa ta Abeipa ta bie â taihpa râh cha kei pahrâ teh u,’ miah tah ta.

RYHPACHANEINA 6:10

“Abeipa nama Khazohpa ta châ pathlatuhpa Abarahâ, Aisika nata Zakaw hnohta pie awpa ta bie â vaw taihpa râh, nama padua leipa khihpi rônahpa nata phapazy,

HEBRAI 11:22

Ngiapâna ta Zawsi ta a thi chy ta, Izarei sawzy Izi râh tawhta pua awpa kyh reih ta, a ruzy taotia nawpa kyh a chho ei.

HEBRAI 9:27

Chyhsapa châta ei kha thi raopa châ ta, cha hnôhlâ ta pachiana a y aw.

ZAWSUA 24:32

Izarei sawzy ta Izi râh tawhta Zawsi ru ama kaw phaopa kha, Sekhe khihpi liata Zakaw ta Sekhe paw Hamô sawzy liata tâkâ za kha ta a chaleipa su liata pabu ei ta. Cha cha Zawsi pathlazy ryuto râh a châ pâ haw.