ÂTHAONA 50:20 - Mara Bible RV (BSI)

²⁰ Nâmo ta la ei chô liata hmo pha leipa tao a chhuah ei chi ta, châhrasala Khazohpa ta kha hmo kha hmo phapa châta tlao â chhuahpa a châ. Tanoh ta hmo a ypa hawhna heta, chyhsa hrona hluhpi pachhapa a châ thei nawpa ta, Khazoh hmochhuahpa a châ.

ÂTHAONA 50:20 ပူးပေါင်းရင်းမြစ်များ

ÂTHAONA 37:26

Zudâh ta a unawhzy hnohta, “Eima unawhpa he thie sih la, a thisaih eima nyupa chata khâpa athôhna ma eima hmô aw?

ÂTHAONA 37:27

A vy teh u, Ismela mo hnoh hao ta tlao zuah ei suh u. Ano cha eima unawhpa, eima sapa nata thisaih châ tlôh ta, chavâta a chô liata eima ku pathla khah ei suh u,” tah ta. A unawhzy ta a biereipa cha pha tah ei ta.

ÂTHAONA 37:4

Ama paw ta ano cha a unawh zydua hlâta kyh a pachâ via tahpa a unawhzy ta ama pahno nahta, ano cha a hao kaw ei ta, reikah phapa rai hlâ khoh leipa ei ta.

ÂTHAONA 50:19

Zawsi ta ama hnohta, “Chi khah u, kei he Khazohpa duahmo liata â duahpa ma ei châ?

HLAZY 119:71

Na bieraopazy ei chu thei nawpa ta, Riepatheipa ta ei vaw ypa kha kei châta a pha na.

HLAZY 56:5

Noh y ta ei biezy pachiahpaliahsa ei ta, Ama pachâna zydua cha ei chhie nawpa sai a châ.

HLAZY 76:10

Hmeiseihta ta, chyhsapa chô liata na pathiiana cha, Nâma reithaina châ aw ta; Na pathiiana tawhta a bohpazy cha, Chaisaih ta nâ saih aw ei.

ISAI 10:7

Châhrasala Asuria ta, Cha hawhta tao a chhuah leipa ta; A palôh ta pachâ hra vei. Pahleipadia khai awpa palôh tlao hnei ta, Phopi chyhta dei châ leipa ta, Phopi hluhpi pahleipadia awpa palôh a hnei.

HMOTAOPAZY 2:23

Kha Zisu kha Khazohpa pachhuahpanohpa nata pahno chhieliepa hawhta, nâmo ta patusa ei chi ta, moleipazy ku ta khaipâ ei chi ta, nama thie hapa a châ.

HMOTAOPAZY 3:26

Khazohpa ta a chakaotuhpa cha pathyu ta, nama moleinazy tawhta cha paheisaisa ta, byhnâ cha pie awpa ta, nâmo lâta a vaw tuah tuachaipa a châ,” tah ta.

RAWMA 8:28

Khazohpa kyh a pachâtuhpa, ano achhuahna hawhta a awpazy châta, Khazohpa ta ato liata ama pha nawpa ta a hriapa tyh ei tahpa eima pahno.