ÂTHAONA 50:19 - Mara Bible RV (BSI)

¹⁹ Zawsi ta ama hnohta, “Chi khah u, kei he Khazohpa duahmo liata â duahpa ma ei châ?

ÂTHAONA 50:19 ပူးပေါင်းရင်းမြစ်များ

ÂTHAONA 30:2

Zakaw cha Râkheli chô liata a hiehâh kaw ta, “Kei he chhi thei châ pakhâpatuhpa Khazohpa duahmo liata a duahpa ma ei châ?” tah ta.

ÂTHAONA 45:5

He râh lâ eina zuapa vâ ei chi ta nama pachârôh leipa sala, nâmosasyh â hao hra khuh vy. Hrona pabohsa awpa ta, Khazohpa ta nama hmia lâta eina vaw tuapa a châ.

ÂTHAONA 50:18

A unawhzy cha vawh ei ta, a hmiakô liata a bôh ei ta, “Moh teh, châ chakaotuhpazy eima châ,” tah ei ta.

ÂTHAONA 50:20

Nâmo ta la ei chô liata hmo pha leipa tao a chhuah ei chi ta, châhrasala Khazohpa ta kha hmo kha hmo phapa châta tlao â chhuahpa a châ. Tanoh ta hmo a ypa hawhna heta, chyhsa hrona hluhpi pachhapa a châ thei nawpa ta, Khazoh hmochhuahpa a châ.

2 ABEIZY 5:7

Châ cha a rei khai nahta, Izarei bei cha a chysia hrie ta, “Kei he chyhsazy thie thei ta, a pahro theituhpa Khazohpa ma ei châ? Khazia he chyhsa heta phawhpa chyhsa patlâh awpa ta kei lâ a vaw tuah tly? Chavâta pachâ u la pahno teh u, einâ hryuh thei nawpa lâpi a tluapa a châ hih,” tah ta.

MATHAI 14:27

Zisu ta âmo cha thlai bie a vaw chho ta, ama hnohta, “Thlalôhpa ta y teh u, keima na ei châ, chi khah u,” tah ta.

RAWMA 12:19

Kho ngaitapa saih u, nama phuh a la leipa u la, Khazohpa pathiiana tlei hri teh u. “Phuh cha keima la awpa châ ta, kei ta viari ei thô aw, Abeipa ta a tah,” tahpa ta ropa a châ.

RYHPACHANEINA 32:35

Phuh cha keima la awpa châ ta, Kei ta viari ei thô aw; Ama phei a chakhao patoh aw ta, Ama chhiena noh â hnia haw; Ama raona noh a vaw tlô patoh aw.

HEBRAI 10:30

“Phuh cha keima la awpa châ ta, kei ta viari ei thô aw,” a tahtuhpa eima pahno. “Abeipa ta a phopi a pachia aw,” a tahtuhpa chhao eima pahno.