ÂTHAONA 49:9 - Mara Bible RV (BSI)

⁹ Zudâh cha chakeibarôhneipa taw châ ta, Hy ei sawchapawpa, Sa taipa tawhta a laiseihpa na châ. Zudâh cha a bôh ta, Chakeibarôhneipa hawhta a byu ta, Chakeibarôhneipa panô hawhta â byu tyh; Ahy a pathyu ngâh aw?

ÂTHAONA 49:9 ပူးပေါင်းရင်းမြစ်များ

1 ABEIZY 10:20

Beidyuchhai kahmi chhâh charuzy liata a kâ chavei chachâh ta chakeibarôhneipa nothlahpa pô hrawh hleino, chhâh kha liata pô no lymâ ta a duah ta. Cha hawhpa beidyuchhai cha kheihawhpa khinarâh châta hmah tao beih veih ei.

2 THÂTIHZYRONA 9:18

Beidyuchhai cha ngôh ta taopa kahmi nata pheitlyna zy hnei ta, beidyuchhai nata pazaopa ta taopa châ ta, kahmi cha chhâh charupa a châ. Atyuna chavei chachâh ta a kuzy y ta, beidyuchhai kuzy kiah liata chakeibarôhneipa nothlahpa pô no a duah ta.

EZEKIA 19:5

Hraoleipa ta a mokhâhpa a hmô nahta, A hnabeidy ta; A taw hropa la heih ta, Chakeibarôhneipa lochopa ta a tao heih.

HÔSIA 5:14

Epharai châta chakeibarôhneipa hawhta châ aw na ta, Zudâh châta chakeibarôhneipa lochopa hawhta ei châ aw. Kei, keima tlai ta hriechheih aw ei na ta, Ei sie ha aw; Siekhei aw ei na ta, A pachha awpa y aw veih ei.

HÔSIA 5:4

Ama hmotaopazy ta Ama Khazohpa lâ kua heih awpa pakhâ ha ta, Sihryh khona ta ama palôh bie ta, Abeipa pahno veih ei.

MIKÂ 5:8

Zakaw laibâhpazy cha, Râhsazy hry liata chakeibarôhneipa hawhta Râhzy hry liata y aw ei ta, Mietaku zaw hry liata chakeibarôhneipa lochopa hawhta Phopizy hry liata ama y aw. A chapia ti ei ta, Âmo cha alei liata a tlypabai aw ei; Âmo cha hriechheih khai aw ta, A pachha thei awpa y veih ei.

MALUHREINA 23:24

Moh tua, hao phopi huh! Chakeibarôhneipa panô hawhta thyu ta, Chakeibarôhneipa tôhpa hawhta â pathlua huh. A sa taipa a nie hlâlei a byu leipa aw ta, A thiepa thisaih a doh hlâlei a byu aw vei,” tah ta.

MALUHREINA 24:9

Chakeibarôhneipa tôhpa hawhta a byu ta, Chakeibarôhneipa panô hawhta â zia; Ahy a pathyu ngâh aw? Byhnâ châ awpatuhpa cha byhnâ to sala, Chhie châ sapatuhpa cha chhiesapa châ mawh sy,” tah ta.

1 KAWRINI 15:24

Cha khai tawhta chhâna a vaw tlô aw. Cha tita Krista ta ryureina, biehneina nata hmotaotheina zydua pahnie khai aw ta, Paw Khazohpa hnohta khinarâh a hlâ aw.

RYHPACHANEINA 33:20

Kâdâ châta byhnâ awna: “Kâdâ râh a pakawhtuhpa cha, Reithaipa ta y mawh sy! Kâdâ cha chakeibarôhneipa hawhta a byu ta, Bâh nata luhzy a hriechheihpa a châ.

BIEPHUAH 5:5

Chatawhcha machâ pakha ta ei hnohta, “Cha khao khah y, moh teh, Zudâh chi chakeibarôhneipa, Dâvi Thari ta, châbu chatypa pahy awpa nata a chahnaona miasari pathlâ awpa ta a pahnie haw,” tah ta.