ÂTHAONA 49:8 - Mara Bible RV (BSI)

⁸ “Zudâh, nâ cha na unawhzy ta cha reithai aw ei ta, Na ku ta na chariahzy rao patu aw ta, Na paw sawchapawzy na hmiakô liata amâ bôh aw.

ÂTHAONA 49:8 ပူးပေါင်းရင်းမြစ်များ

ÂTHAONA 27:29

Phopizy ta cha chakao ei sala, Râhzy ta châ naoh mawh ei sy! Na unawhzy chô liata bei ta y la, Na nô sawzy ta châ naoh mawh ei sy! Chhie châ sapatuhpa maih, Chhiesapa ta y ei sala; Byhnâ châ awpatuhpa maih, Byhnâ topa ta y mawh ei sy!” tah ta.

ÂTHAONA 29:35

Saw phaoh heih ta, sawchapaw sa ta, “Tahmâ cha Abeipa ei reithai aw,” tah ta, a moh Zudâh a bi. Cha khai tawhta Liah cha saw sa khao vei.

ÂTHAONA 42:6

Zawsi cha Izi râh ryureituhpa châ ta, cha râh liata chyhsa zydua hnohta sâh a zuahtuhpa a châ. Zawsi unawhzy cha za tlô ei ta, ama hmia alei lâ a bôhpa ta ano cha a naoh ei ta.

ÂTHAONA 46:12

Zudâh sawchapawzy cha Erâ, Ônâ, Selah, Pereza nata Zerâ zy ama châ. Erâ nata Ônâ deikua cha Kâna râh liata ama thi haw. Pereza sawchapawzy cha Hezrô nata Hâmu ama châ.

2 SAMUELA 22:41

Ei chariahpazy kei tawhta parâpaisa chi ta, Nâ haotuhpazy ei pahleipadia ha ei.

2 SAMUELA 24:9

Zôabâ ta Izarei phopi maluh pahlyhpakhypa cha abei chho ta. Izarei liata zaozi a chaba theipa pasaipha 800,000 y ei ta, Zudâh mo cha 500,000 ama châ.

2 SAMUELA 5:3

Chatanachata Izarei machâ zydua cha Hebraw liata abei lâ a vy ei ta. Bei Dâvi ta Hebraw liana chata Abeipa hmiakô liata ama hnohta bie hraih ta. Dâvi cha Izarei chô liata bei châ awpa ta sathawthu ei ta.

1 THÂTIHZYRONA 28:4

Chatahrasala Abeipa Izarei Khazohpa ta, kei he Izarei bei ta chhâzaw ta y awpa ta, ei paw chhôhkha zydua hry tawhta nâ tlyh ta. Zudâh cha chhituhpa châta a tlyh ta, Zudâh chi tawhta ei paw chhôhkha a tlyh ta, ei paw sawchapawzy hry tawhta kei cha Izarei zydua chô liata bei châ awpa ta a ly kawpa ta nâ tlyh ta.

1 THÂTIHZYRONA 5:2

Zudâh cha a unawhzy hry liata thatlô chaipa châ ta, ryureituhpa chhao ano tawhta pua ta, châhrasala sawchapaw uhtheipa tovyuh deikua cha Zawsi eih a châ.

2 THÂTIHZYRONA 14:8

Âsâ cha vyhphao laipa nata asei a chabapa Zudâh pheisaih 300,000 hnei ta, vyhphao chabapa ta libaw a hmâhpa Benzami pheisaih 280,000 hnei hra ta, ama zydua ta pasaipha thatlôpa sai ama châ.

2 THÂTIHZYRONA 15:9

Zudâh nata Benzami pathla zydua nata ama hnohta khih a sa hrapa Epharai nata Manase nata Simeôna pathlazy awpakhy ta. Zehôvâh Khazohpa a hnohta a y tahpa ama hmô nahta, Izarei maw lâ râh tawhta chyhsa hluhpi ano lâ a bai ei ta.

2 THÂTIHZYRONA 17:2

Zudâh râh liata thokhy hneipa khihpi zydua liata pheisaihzy soh ta, Zudâh râh nata a paw Âsâ ta a vaw lapa Epharai râh khihpizy liata pheisaih yna suzy padua ta.

2 THÂTIHZYRONA 30:11

Asera chi, Manase chi nata Zebulaw­na chi thokhazy deikua cha, a panawhpa ta Zerusale lâ cha a vy ei ta.

HLAZY 76:1

Zudâh liata Khazohpa pahno ei ta, Izarei liata a moh parônahsapa ta a y.

ISAI 9:7

Dâvi beidyuchhai nata a khinarâh chô liata A ryureina laiseih lymâpa cha chhâna hnei leipa aw ta, Adyhna a tao awpa ta chhâna hnei aw vei. A ryureina nata adyhna cha, Adona nata siana ta paduapa ta pa-i aw ta, Tahmâ tawhta tlyzaw taihta a y thlâh ha aw. Pheisaihzy Abeipa phahnai ngiahna ta Chazy cha a tao aw.

EZEKIA 21:29

Nâma kyh liata aluahna doleipa hmô ei ta, haipa ta ama pachao. Thie awpa ta raopa molei puapazy rao tlao na chhawh aw. Ama noh vaw tlô ha ta, âmo hrie pachie nawpa daihti a vaw tlô haw.

MALUHREINA 1:27

Zudâh pathla tawhta 74,600 ama châ.

MALUHREINA 10:14

A hmiatua chaipa ta Zudâh py liata a ypazy a py py ta pua ei ta, ama hyutuhpa cha Aminadâ sawchapawpa Nasô a châ.

MALUHREINA 26:20

A pho pho ta reipa ta, Zudâh pathlazy cha, Selâh tawhta Selâh phozy; Phare tawhta Phare phozy nata Zerâ tawhta Zerâ phozy ama châ.

MALUHREINA 26:22

Âmo cha Zudâh pathla phozy châ ei ta, ama maluh rei theipa zydua cha 76,500 ama châ.

RYHPACHANEINA 33:7

Zudâh châta byhnâ awna: “Hy Abeipa, Zudâh ao nathlie la, A phopi lâ a chhi mah y. Nâma ku ta a chariahzy a dyuhpa la, Ano baotuhpa châ mah y.”

HEBRAI 10:13

a khakhaipazy a phei tlyna ta taopa ama châ khai hlâlei a hâ thlâh chy.

HEBRAI 7:14

Eima Beipa cha Zudâh chi tawhta a vaw puapa a châzie pahnopasiapa châ ta, cha chi nata a zaopa ta Mawsi ta theihthaipazy kyh khâpa hmah reih vei.

ZAWSUA 10:24

Beizy cha Zawsua kô ama vaw tlôkhei nahta, Zawsua ta Izarei chapaw zydua awpakhy ta, a hnohta a sie hrapa pheisaih hyutuhpazy hnohta, “A vaw hnia u la, he beizy rao he vaw tly teh u,” tah ta. A vaw hnia ei ta, beizy rao cha tly ei ta.

ZAWSUA 15:20

Hezy he Zudâh chi ta a pho pho ta ama to awpa ryuto râh a châ:

BIEPHUAH 11:15

Chatawhcha vâlyuhchâpa pasarina ta a chiahmie tô ta, “Khizaw khinarâh cha eima Beipa nata a Krista khinarâh a vaw châ haw. Ano ta chhâzaw nata tlyzaw ta ryu a reih aw,” tahpa ta ao paro ngaitapazy avâ liata vaw y ta.

BIEPHUAH 5:5

Chatawhcha machâ pakha ta ei hnohta, “Cha khao khah y, moh teh, Zudâh chi chakeibarôhneipa, Dâvi Thari ta, châbu chatypa pahy awpa nata a chahnaona miasari pathlâ awpa ta a pahnie haw,” tah ta.

RYUREITUHPAZY 20:18

Izarei sawzy cha thyu ei ta, Bethel lâ khy ei ta, Khazohpa a saohiah ei ta, “Benzami sawzy a dyuh awpa ta ahy ma a khy tuachai aw?” tah ei ta. Abeipa ta, “Zudâh ta a khy tuachai aw,” tah ta.