ÂTHAONA 49:29 - Mara Bible RV (BSI)

²⁹ Zakaw ta âmo cha ryu a hi ta, ama hnohta, “Ei chiheihzy hnohta pahlyhpa ta ei y daihmâ haw. Hiti chyhsa Epharaw lyu liata a ypa lôpu liata na pabu muh vy.

ÂTHAONA 49:29 ပူးပေါင်းရင်းမြစ်များ

ÂTHAONA 15:15

“Nâ deikua cha, Châ pathlatuhpazy hnohta thlalôhpa ta a di aw chi ta, Pawpipa ta pabupa na châ aw.

ÂTHAONA 23:16

Abarahâ ta Epharaw reipa cha a pyh ta, cha daihti liata sôdaohpazy khopathliahna hmâpa ta, tâkâ sekel 400 Epharaw hnohta pie ta.

ÂTHAONA 23:17

Chatanachata Mamre nochhi lâta a ypa Mâkâpelâ liata Epharaw lyu cha, lyu chhôh liata lôpu a ypa nata lyu liata tho a ypa zydua nata lyuri chheipâh zydua liata tho a ypazy chhaota,

ÂTHAONA 23:20

Lyu nata a chhôh liata lôpu a ypa cha Hiti mo ta Abarahâ hnohta thlâ su nata ryuto châta hnei awpa ta ama pie haw.

ÂTHAONA 23:9

Zôharâ sawchapawpa Epharaw hnohta, a lyu chao liata Mâkâpelâ lôpu a hneipa khu, nama mohmô lia tlai ta thlâ su châta a mâ dopa ta chalei awpa ta na hiapa teh u” tah ta.

ÂTHAONA 35:27

Zakaw cha Kiriathâbâ kiapâh Mamre khih liata a ypa a paw Aisika kô kei tlô ta. Cha khih cha Hebraw tahpa châ hra ta, Abarahâ nata Aisika zy pahrâna khih a châ.

ÂTHAONA 35:29

Aisika cha a thlahpa pathlie ta, machâpa a chhâ palopa ta thi ta, a chiheihzy hnohta pahlyhpa ta y ta. A sawchapawpa Esaw nata Zakaw ta ama pabu.

ÂTHAONA 47:30

Nâ pathlatuhpazy hnohta ei mô tita, Izi râh tawhna heta na phaoh la, nâ pathlatuhpazy pabuna su liata na pabu mah y,” tah ta. Zawsi ta, “Na reipa hawhta ei tao aw,” tah ta.

ÂTHAONA 49:28

Cha zydua cha Izarei pho hrawh hleinozy châ ei ta, chazy cha byhnâ a awpa no ei ta ama paw biereipazy a châ. Byhnâ ama to awpa lymâ hawhta byhnâ a awpa ei.

ÂTHAONA 49:33

Zakaw cha a sawchapawzy ryu â hi khai nahta, rakhô lâ a phei khaih ta, a thlahpa pathlie ta, a chiheihzy hnohta pahlyhpa ta y ha ta.

ÂTHAONA 50:12

A sawchapawzy ta a bie ryuhipa hawhta taopa ei ta.

ÂTHAONA 50:13

Kâna râh lâ phaoh ei ta, Abarahâ ta thlâ su châta hnei awpa ta, Hiti chyhsa Epharaw liata a lyu chhaota a chaleipa, Kâna râh Mamre kiapâh ta a ypa Mâkâpelâ lyu lôpu liata pabu ei ta.

2 SAMUELA 19:37

Ei khih bôpi, ei nô nata ei paw thlâ kiapâh liata ei thi thei nawpa ta, ngiachhiepa ta châ chakaotuhpa he na pakuasa ha mah y. Anodeikuacha, moh tua, châ chakaotuhpa Kihâ hih, ano he ei zibeipa abei hnohta vaw sie sala, pha na tahpa hawhta ano châta tao hri mah y,” tah ta.

HEBRAI 12:23

Vârâh liata moh ropa sawchapaw uhtheipazy yna Awnanopa lâ a vy ei chi ta, mo to pachiatuhpa Khazohpa nata phapakipa ta taopa mosiapa sahlao thlahpazy lâ namâ vy.