ÂTHAONA 49:18 - Mara Bible RV (BSI)

¹⁸ “Hy Abeipa, na pachhana ei hâ thlâh haw!

ÂTHAONA 49:18 ပူးပေါင်းရင်းမြစ်များ

ÂTHAONA 49:17

Dânâ cha lâpi liata parih châ aw ta, Lâthlôh liata vâzi a châ aw; Arâ ngavâhmaothy liata pachu aw ta, Arâ a kiahpa â die lâta a patlasatuhpa a châ aw.

HLAZY 119:166

Hy Abeipa, na pachhana hnabeiseih na ta, Na biepiepazy ei tao lymâ.

HLAZY 119:174

Hy Abeipa, na pachhana vâ ngaita na ta, Na ryhpa cha ei lyna a châ.

HLAZY 119:41

Hy Abeipa, na kyhpachâna tleih beih leipa cha kei lâ a vy sala, Na pachhana cha na bietai hawhta kei lâ a vy mawh sy!

HLAZY 123:2

Chakaotuhpazy mo ta ama zibeipa ku moh ta, Chakaotuhnô mo ta a zibeinô ku a mopa hawhta, Keima mo chhao Abeipa eima Khazohpa lâ moh ta, Zawh miah â ngiah hlâlei a moh tyh.

HLAZY 130:5

Abeipa cha hâ na ta, Ei thlahpa ta hâ thlâh ha ta, A bie liata hnabeiseihna ei hnei.

HLAZY 14:7

Hy, Zaio tawhta Izarei pachhana vaw pua bâ sala ei tah kaw dia! Abeipa ta a phopi vânoh a patosa heih tita, Zakaw a ly sala, Izarei thaphapa ta y mawh sy.

HLAZY 40:1

Abeipa cha hâ hualua na ta, Kei lâta a nah pachôh ta ei awna a thei.

HLAZY 62:1

Ei hro he Khazohpa lia dei ta apahâna hmô ta, Ano tawhta ei pachhana a vaw tlô.

HLAZY 62:5

Ei hro ta Khazohpa deita hâ ta, Ano tawhta ei hnabeiseihna a vaw tlô.

HLAZY 85:7

Hy Abeipa, na ngâchhihna miah pahmôsa la, Na pachhana miah pie mah y.

PUASAINA 15:2

Abeipa cha ei thatlôna nata ei hla châ ta, Ano cha ei pachhana a vaw châ haw; Ei Khazohpa châ ta, Ano cha ei reithai aw; Nâ pathlatuhpa Khazohpa châ ta, Ei palyupalih aw.

BIESOZY 14:32

Moleipa cha a hmo chhie taopa vâta pao ta, Mosiapa deikua cha thina liata hnabeiseihna a hnei.

ISAI 25:9

Cha noh liata hetana heta ama tah aw: “Moh teh u, he he eima Khazohpa cha châ ta, Miah pachha awpa ta eima hâpa Khazohpa cha a châ hih. He he Abeipa cha châ ta, Ano tlai he eima hâpa a châ hih. A pachhana liata a ly ei sih la, Thaphapa ta y ei suh u.”

ISAI 30:18

Chatahrasala Abeipa cha, Cha ngiachhie awpa ei ta cha hâ thlâh ha ei ta; Nama chô liata zawngiahna palâsa awpa ta, Anosasyh ta â cheihchalo aw. Abeipa cha adona Khazohpa châ ta, Ano a hâtuhpazy cha vânoh ama to aw.

ISAI 33:2

Hy Abeipa, eima cha hâ thlâh haw, Miah ngiachhie mah y. My tato ta eima bâh châ la, Nôpona daihti liata eima pachhana châ mah y.

ISAI 36:8

Tahmâ a vy la, ei zibeipa Asuria bei hnohta sôhkâ pie awpa ta bie a taih teh. Keima lâ tawhta cha, arâ pheisaih sâh no na hnei khiahta cha, arâ sâh no ei cha pie aw.

ISAI 8:17

Chavâta Zakaw pathlazy tawhta a hmia a nyu hapa Abeipa cha hâ aw na ta, ei mokhâh aw.

CHAPHÔHTUNA 3:25

Abeipa cha ano a hâtuhpazy châta pha ta, Ano a tluatuhpa hro châta a pha.

HÔSIA 12:7

Sôhdaohpa ta khopathliahna doleipa hmâh ta, Chyhsa tlybaipa a paphasa kaw.

MIKÂ 7:7

Kei deikua cha Abeipa lâ ei moh aw; Ei pachhana Khazohpa hâ aw na ta, Ei Khazohpa ta einâ thei aw.

MATHAI 1:21

Sawchapaw sa aw ta, a chyhsazy ama moleinazy tawhta a pachha awpa vâta, a moh Zisu na bi aw,” tah ta.

MÂKA 15:43

Arimathai khihpa Zawsi, ryureituh zachhihpa nata Khazohpa khinarâh vaw tlô awpa a hâ hrapa cha a vy ta, a riah a paphapa ta Pilâ lâ a ngia ta, Zisu ri cha hiah ta.

LUKA 1:30

Vâlyuhchâpa ta a hnohta, “Mâri, chi khah y, Khazohpa khokheina na to hih.

LUKA 2:25

Cha daihti liata, chyhsa pakha, a moh Simeôna ama tahpa Zerusale liata y ta. Ano cha chyhsa siapa nata Khazohpa a chipa châ ta, Izarei thlapalôh nawpa daihti a hâpa, Thlahpa Pathaihpa a hneipa chyhsa a châ.

LUKA 2:30

Na pachhana ei mo ta hmô ha ta,

LUKA 23:51

Ano cha Zisu thâtih ama pachiana nata ama hmotaopa a paryhsa leipa kha a châ. Arimathai khihpa Zu chyhsa châ ta, Khazohpa khinarâh vaw tlô awpa a hâpa a châ.

RAWMA 8:19

Hmotaopazy ta Khazohpa sawzy aluahna daihti vâpa ta, ngiatiah leipa ta ama hâ thlâh haw.

RAWMA 8:25

Eima hmô leipa eima hnabei a seih khiahta deikua cha, palôh pasi kawpa ta eima hâ lylia tyh.

KALATIA 5:5

Keimo deikua la, Thlahpa zawhzi ta, ngiapâna vâta siana to awpa hnabeiseihpa ta, a ngiatiah leipa ta eima hâ.

1 THYSALAWNIKA 1:10

vârâh tawhta a Sawchapawpa avyheihna a hâtuhpazy nama châzie miah ama chho. Ano cha Khazohpa ta athihpa hry tawhta a pathyupa Zisu kha châ ta, hiehâhna vaw tlô awpa tawhta miah a pachhatuhpa a châ.