ÂTHAONA 48:9 - Mara Bible RV (BSI)

⁹ Zawsi ta a paw hnohta, “Hezy he Khazohpa ta he liata eina piepa ei sawchapawzy ama châ,” tah ta. Zakaw ta, “Ngiachhiepa ta âmo kha kei lâ a vykhei teh, byhnâ ei awpa aw ei,” tah ta.

ÂTHAONA 48:9 ပူးပေါင်းရင်းမြစ်များ

ÂTHAONA 27:4

Ei thi hlâta byhnâ ei cha awpa thei nawpa ta, ei aoh khopa âhmie pahâhpa na chhopa la, ei nie awpa ta kei lâ vaw cheih mah y,” tah ta.

ÂTHAONA 30:2

Zakaw cha Râkheli chô liata a hiehâh kaw ta, “Kei he chhi thei châ pakhâpatuhpa Khazohpa duahmo liata a duahpa ma ei châ?” tah ta.

ÂTHAONA 33:5

Esaw cha kaw ua ta, chanôzy nata hawtizy hmô ta, “Na hnohta a ypazy he ahyzy ma ama châ?” tah ta. Zakaw ta, “Khazohpa ta a ngiachhiena vâta châ chakaotuhpa hnohta a piepa hawtizy ama châ,” tah ta.

ÂTHAONA 49:28

Cha zydua cha Izarei pho hrawh hleinozy châ ei ta, chazy cha byhnâ a awpa no ei ta ama paw biereipazy a châ. Byhnâ ama to awpa lymâ hawhta byhnâ a awpa ei.

1 THÂTIHZYRONA 25:5

Ama zydua heta abei hrohsopa Hemâ sawchapawzy châ ei ta, Khazohpa ta Hemâ cha sawchapaw pahrawh hleipalih nata sawchanô pathôh pie ta, âmo cha a bietai hawhta Khazohpa a cheihchalo awpazy ama châ.

HLAZY 127:3

Sawzy he Abeipa tawhta eima ryuto châ ei ta, Sathei he a lymâ miah a piepa a châ.

ISAI 8:18

Moh teh u, kei nata Abeipa ta eina piepa sawzy he, Izarei liata ngiana nata pamosanazy châta Zaio Tlâh liata a pahrâpa Pheisaihzy Abeipa ta a hmâpazy eima châ hih.

RYHPACHANEINA 33:1

He byhnâ awnazy he Khazohpa chyhsa Mawsi ta a thi hlâta Izarei sawzy châta byhnâ a awna a châ.

HEBRAI 11:21

Ngiapâna ta Zakaw ta a thi chy ta, Zawsi sawchapawzy byhnâ awpa chyu ta, a chôchahrei pawhmao a hniehpa ta Khazohpa â chhy.

1 SAMUELA 1:20

Hânâ cha saw phaoh ta, a daihti a vaw tlô nahta, sawchapaw sa ta, “Abeipa ei hiapa a châ hih,” tah ta, a moh Samuela bi ta.

1 SAMUELA 1:27

He hawtipa he hiapa ta thlahchhâ na ta, Abeipa ta ano liata ei hiapa cha eina pie haw.