ÂTHAONA 48:7 - Mara Bible RV (BSI)

⁷ Keima kyh liata cha, Pâdâ tawhta ei vaw sie no kha, Râkheli cha lâpi liata Kâna râh liata na thisai ha ta. Epharâ khih tlô nawpa a hla kaw chy ta, chavâta Râkheli cha Epharâ lâpi liata ei pabu. Epharâ cha Bethlehe a châ,” tah ta.

ÂTHAONA 48:7 ပူးပေါင်းရင်းမြစ်များ

ÂTHAONA 25:20

Aisika cha Pâdâ-Aramia râh liata Aramia chyhsa Bethua sawchanô Rebekâ lapinô ta a hnei nota kô sypalihpa a châ. Rebekâ cha Aramia chyhsa Lâbâ sietanô a châ.

ÂTHAONA 33:18

Zakaw cha Pâdâ Aramia tawhta Kâna râh liata Sekhe khihpi cha â bohpa ta tlô ta, khihpi tlô hlâta liata poh o rai ta.

ÂTHAONA 35:20

A thlâ chô liata Zakaw ta alô bô ta, cha cha Râkheli thlâ lôbô tahpa ta pahnopa a châ. Tanoh taihta cha liata a y.

ÂTHAONA 35:9

Zakaw cha Pâdâ-Aramia tawhta â vy nahta, Khazohpa ta a hnohta a vaw luah heih ta, byhnâ awpa ta.

ÂTHAONA 48:6

Âmo hnôhlâ ta saw na hneipazy deikua cha, nâma eih châ aw ei ta, ama unawhzy moh ta ryuto râh piepa ama châ aw.

MIKÂ 5:2

Nâ, Bethlehe Ephrâthâ y, Zudâh phozy hry liata chyh chaipa châ hra la, Nâma tawhta ei châta Izarei ryureituhpa a vaw pua aw. Ano cha hlâno tawhta a y hapa châ ta, Chhâzaw ta a y kôzawpa a châ.

MATHAI 2:18

“Râmâ liata ao theipa châ ta, Chana nata mâchhiesana ao a châ; Râkheli ta a sawzy chakhei ta, Ama y khao leipa vâta, Thlapalôh thei awpa châ vei,” tahpa ta a reipa kha a vaw tlô hapa a châ.

RUTHI 1:2

Cha chyhsa moh cha Elimele châ ta, a lapinô moh cha Naomi châ ta, a sawchapaw panozy moh cha Mâhlô nata Khilô a châ. Âmo he Zudâh râh Bethlehe khih liata a ypa Epharai chi ama châ. Môabâ râh lâ sie ei ta, cha liata y ei ta.

1 SAMUELA 1:1

Epharai tlâh râh Râmâthaizôphi khih liata chyhsa pakha a moh Elkânâ ama tahpa y ta. Cha chyhsa cha Zerôhâ sawchapawpa châ ta, Zerôhâ cha Elihu sawchapawpa châ ta, Elihu cha Tôhu sawchapawpa châ ta, Tôhu cha Epharai chi Zupha sawchapawpa a châ.

1 SAMUELA 10:2

Tanoh keima tawhta na sie tita, Benzami râh Zezah liata Râkheli thlâ kiah liata chyhsa pano a tyh aw chi ta, âmo ta na hnohta, ‘Alâ na tluapazy kha ama hmô haw. Tahmâ cha na paw ta alâzy pachâ khao leipa ta nâma sai cha pachâ ta, “Ei sawchapawpa kyh cha kheihta ma ei tao aw tly?” a tah ngâ thlâh ha na,’ tahpa ta ama cha chho aw.

1 SAMUELA 16:4

Samuela cha Abeipa reipa hawhta tao ta, Bethlehe lâ cha sie ta. Khihpi machâzy ta a chalyuna chôta ano cha vaw dy ei ta, “Thlalôhna bie a vaw phaohpa na châ ma?” tah ei ta.

1 SAMUELA 17:12

Dâvi cha Zese sawchapawpa châ ta, Zese cha Zudâh râh Bethlehe liata Ephrâthâ chyhsa kha a châ. Zese cha sawchapaw pacharie hnei ta, Sawla â bei daihti liata cha, pawpipa kô uhthei kawpa châ ha ta.