ÂTHAONA 48:4 - Mara Bible RV (BSI)

⁴ ei hnohta, ‘Pachâ teh, chi hluhpi cha pathlasa aw na ta, ei cha papôh aw. Phopi hluhpi ta cha tao aw na ta, na hnôhlâ ta na pathla hnohta, he râh he chhâzaw ryuto châta ei pie aw,’ na tah ta.

ÂTHAONA 48:4 ပူးပေါင်းရင်းမြစ်များ

ÂTHAONA 12:2

“Phopi rônahpa ta cha tao aw na ta, Byhnâ ei cha pie aw; Na moh parônahsa aw na ta, Byhnâ na châ aw.

ÂTHAONA 17:13

Na o liata a pihpa tlyma, na sôh ta na chaleipa tlyma, chopaw tai khai awpa a châ. Chatanachata ei biehrai cha chhâzaw biehrai a châzie nama sapa lia tlai ta ngiapa ta a y aw.

ÂTHAONA 17:6

Na chipathla thata papôhsa aw na ta, nâma tawhta phopizy pua aw ei ta, beizy ama pua aw.

ÂTHAONA 17:8

Tahmâ ta khichhai na châna râh, Kâna râh zydua he, nâ nata na hnôhlâ ta na pathla hnohta chhâzaw ryuto châta cha pie aw ei na ta, kei he ama Khazohpa ei châ aw,” tah ta.

ÂTHAONA 22:17

byhnâ cha awpa tlai aw na ta, avâ liata awhsi zie nata tilaipi kiah liata sadi zie ta na pathlazy papôh aw na ta, na pathlazy ta ama chariahpa khihpizy ama hnei aw.

ÂTHAONA 26:4

Avâ liata awhsi zie ta na pathlazy papôhsa aw na ta, he râh zydua he na pathlazy pie aw ei na ta, na chipathla liata khizaw phopi zydua byhnâ topa ta ama y aw,

ÂTHAONA 28:3

Khazohpa Atotaotheipa ta byhnâ cha pie sala, phopi hluhpi na vaw châ thei nawpa ta, chi hluhpi cha pathlasa sala, cha papôh mawh sy.

ÂTHAONA 32:12

Nâma ta, ‘A phapa ta cha tao tlai aw na ta, na pathlazy cha tilaipi sadi rei tiah leipa tlu ta hluhpa ta ei cha tao aw,’ tah chi ta,” tah ta.

ÂTHAONA 35:11

Chatawhcha Khazohpa ta Zakaw hnohta, “Kei he Khazohpa Atotaotheipa châ na ta, Chi hluhpi pathlapa ta pôh mah y. Phopi nata phopi a pazaopakhypazy Nâma tawhta vaw pua aw ei ta, Na chhôh tawhta beizy ama pua aw.

ÂTHAONA 46:3

Ano ta, “Kei he Khazohpa, na paw Aisika Khazohpa ei châ. Izi râh lâta zu awpa chi khah y. Cha liata phopi rônahpa ta ei cha tao aw.

ÂTHAONA 47:27

Izarei cha Izi râh Kôse liata pahrâ ta. Cha liata ryuzy pachô ei ta, chi hluhpi pathlapa ta thata pôh ei ta.

HLAZY 127:3

Sawzy he Abeipa tawhta eima ryuto châ ei ta, Sathei he a lymâ miah a piepa a châ.

PUASAINA 1:11

Chavâta ama phao thata pahri ta, ama rie pathei awpa ta, raihria hyutuhpazy âmo châta rao ei ta. Pithô nata Râmese khihpizy cha Phiraoh châta Sawvâ khihpi ta padua ei ta.

PUASAINA 1:7

Izarei sawzy cha chi hluhpi pathlapa ta, thata pôh ei ta. Pôh via rili ei ta, ama thatlô ngaita ta, Izi râh cha âmo sai ta bie thlâh ha ei ta.

EZEKIA 37:25

Nâ chakaotuhpa Zakaw hnohta râh ei piepa, châ pathlatuhpazy vaw pahrâ tyhna râh liata ama pahrâ aw. Cha liata âmo nata ama sawzy nata ama samohzy chhâzaw ta pahrâ aw ei ta, nâ chakaotuhpa Dâvi cha chhâzaw ta ama bei a châ aw.

THEIHTHAINA 26:9

Nâmo lâ a vaw heih aw na ta, chi hluhpi cha pathlasapa ta, cha papôh aw ei na ta, nama hnohta ei biehrai ei pa-i aw.

RYHPACHANEINA 32:8

Chônôchaipa ta phopizy ama ryuto râh pie ta, Âdâh pathlazy a pachhaih nona khata, Khazohpa sawchapawzy maluh hawhta, Phopizy châta râhri a pakhâh.