22 Cha dei châ vei, nâ cha na unawhzy tovyuh hlâta tovyuh miakha ta hluh viapa ta cha pie na ta, ei zaozi nata ei libaw ta Amawri mo ku tawhta ei lapa râh cha nâ ei cha pie,” tah ta.
Zudâh cha a unawhzy hry liata thatlô chaipa châ ta, ryureituhpa chhao ano tawhta pua ta, châhrasala sawchapaw uhtheipa tovyuh deikua cha Zawsi eih a châ.
“Abeipa Zehôvâh ta hetana heta a tah: He he Izarei chi hrawh hleinopazy châta ama ryuto râh ta na rai awpa râhri pachhaihnazie a châ. Zawsi ta vyuh no a to aw.
“Chatanachôta sidy tho hawhta a sâh ei ta, Ôkâ tho hawhta a chyupa Amawri mo Ama hmiakô liata a pahleipadiapa kha keima ei châ; Chô lâta a thei pahleipadia na ta, Ry lâta a tharizy ei pahleipadia khai haw.
A kho lei viapa sawchapawpa cha sawchapaw uhthei dopa châ ta, ano cha a pahno awpa a châ. A hneipa zydua tawhta tovyuh su thôh su no a pie aw. Ano cha a thatlôna thei hmiatuapa châ ta, sawchapaw uhthei châna tovyuh cha ano eih a châ.
Izarei sawzy ta Izi râh tawhta Zawsi ru ama kaw phaopa kha, Sekhe khihpi liata Zakaw ta Sekhe paw Hamô sawzy liata tâkâ za kha ta a chaleipa su liata pabu ei ta. Cha cha Zawsi pathlazy ryuto râh a châ pâ haw.