ÂTHAONA 48:17 - Mara Bible RV (BSI)

¹⁷ Zawsi cha a paw ta a chachâh lâ ku ta Epharai luh a chahnaopa a hmô nahta, a palôh châ khao leipa ta, a paw ku cha Epharai luh tawhta Manase luh lâta pasie awpa ta chalo ta.

ÂTHAONA 48:17 ပူးပေါင်းရင်းမြစ်များ

ÂTHAONA 28:8

Esaw ta Kâna zuahzy ta a paw Aisika palôh ama patlâh leizie pahno ta.

ÂTHAONA 38:10

A hmotaopa cha Abeipa mohmô liata molei ngaitapa châ ta, Abeipa ta ano chhao cha a thie ha hra.

ÂTHAONA 48:14

Châhrasala Izarei ta a bâh vâhchapia raruah ta, Manase cha sawchapaw uhtheipa a châ tarawpa ta, a chachâh lâ ku pazawh ta a seihnai viapa Epharai luh chahnao ta, a chavei lâ ku ta Manase luh chahnao ta.

ÂTHAONA 48:18

Zawsi ta a paw hnohta, “Ei pâ, kha hawhta châ vei, Manase he sawchapaw uhtheipa a châ, chavâta na ku chachâh lâ kha ano luh liata pahnieh mah y,” tah ta.

1 ABEIZY 16:25

Ômri cha Abeipa mohmô ta moleina hmo tao ta, ano hlâta a vaw y tuapa zydua hlâta moleina hmozy tao via pachai ta.

1 THÂTIHZYRONA 21:7

Cha hawhta Izarei maluhpi reipa cha Khazohpa a ly leipa ta, chavâta Khazohpa ta Izarei sawzy cha hrie ta.

BIESOZY 24:18

Chataleipatala Abeipa ta hmô aw ta a ly leipa aw ta, A chô liata a pathiiana a lapa pathlei aw na.

MALUHREINA 11:1

Zawpi ta rairuna amâ tyhpazy vâta Abeipa theina liata paphôh ei ta. Cha cha Abeipa ta a thei nahta, a hiehâh ta. Chatanachata Abeipa mei ama hry liata vaw pua ta, ama riehmo chaki liata su thokhazy vaw kâ ta.

MALUHREINA 22:34

Bâlâma ta vâlyuhchâpa hnohta, “Ei vaw molei ha na. Na pakhâ awpa ta lâpi liata nâ vaw duah tahpa ei pahno leipa vâta a châ. Chavâta ei sie awpa he na hmiakô liata hmo pha leipa a châ khiahta cha, tahmâ he ei kua aw,” tah ta.

RAWMA 9:11

hawsaihzy ama pi hlâta, hmo phapa tlyma, hmo chhiepa tlyma ama tao hlâta, hmotaopa vâta châ leipa ta, atlyhna kyh liata Khazohpa hmochhuahpa cha a sie pazao lymâ thei nawpa ta,

ZAWSUA 17:1

Manase cha Zawsi sawchapaw uhtheipa a châpa vâta, hetana heta a tovyuh taopa a châ. Manase sawchapaw uhtheipa cha Mâkhi châ ta, Mâkhi cha Kilia paw a châ. Mâkhi cha pheisaih riahphapa a châpa vâta, Kilia nata Bâsanâ râh cha ano piepa a châ.

1 SAMUELA 16:7

Châhrasala Abeipa ta Samuela hnohta, “A hmisâ tlyma, a pôraoh tlyma moh kha, ano kha khoh va na. Abeipa ta la chyhsapa hmôzie hawhta hmô vei. Chyhsapa ta cha khôtho lâ alânazie moh tyh ta, Abeipa deikua cha palôh tlao a moh tyh,” tah ta.