ÂTHAONA 48:15 - Mara Bible RV (BSI)

¹⁵ Zawsi cha byhnâ awpa ta, “Nâ pathlatuhpa Abarahâ nata Aisika zy ta A hmiakô liata ama y tyhpa Khazohpa, Ei hroh chhôh zydua ta na vaih ta, Tanoh taihta nâ vaituhpa Khazohpa,

ÂTHAONA 48:15 ပူးပေါင်းရင်းမြစ်များ

ÂTHAONA 17:1

Abarâ cha kô sychaki nata kô chaki a châ nahta, a hnohta Abeipa a vaw luah ta. Abeipa ta Abarâ hnohta, “Kei he Khazohpa Atotaotheipa ei châ. Ei hmiakô liata y la, seina rai hnei leipa ta y mah y.

ÂTHAONA 24:20

A chatliepa ta a tibeih liata ti cha châki liata patlai ta, ti thai awpa ta tikhaoh lâ a râ heih ta, râraoseihpa zydua châta ti thaih lymâ ta.

ÂTHAONA 24:40

Ano ta ei hnohta, ‘A hmiakô liata ei y tyhpa Abeipa ta a vâlyuhchâpa na hnohta tuah aw ta, na siena chhâpa hlao a cha patloh aw. Chatanachata ei sawchapawpa châta ei chiheih nata ei paw pathlazy hry tawhta lapinô na hiapa aw.

ÂTHAONA 27:27

Zakaw ta a paw cha a kei hniapa ta, a pahnâ ta. Aisika ta a chysia roh thei ta, byhnâ awpa ta, “Ei sawchapawpa roh cha, Abeipa byhnâ piepa râh roh a châ.

ÂTHAONA 27:4

Ei thi hlâta byhnâ ei cha awpa thei nawpa ta, ei aoh khopa âhmie pahâhpa na chhopa la, ei nie awpa ta kei lâ vaw cheih mah y,” tah ta.

ÂTHAONA 28:20

Zakaw ta, “Khazohpa cha ei hnohta y sala, ei siena lâpi liana heta na vaih sala, viahchhâ nie awpa nata chysia a tao awpa na piepa ta,

ÂTHAONA 28:22

he alô, lôbô ta ei bôpa he Khazohpa o a châ aw. Chatanachata nâ ta eina piepa chi zydua tawhta su hrawh su kha â kipa ta ei cha pie lymâ aw,” tahpa ta bie a taih ta.

ÂTHAONA 28:3

Khazohpa Atotaotheipa ta byhnâ cha pie sala, phopi hluhpi na vaw châ thei nawpa ta, chi hluhpi cha pathlasa sala, cha papôh mawh sy.

ÂTHAONA 35:3

Thyu sih la, Khazohpa o lâ khy ei suh u. Ei nôpo nota nâ chhy ta, ei siena liata ei hnohta a y lymâpa Khazohpa châta maisâh ei tao aw,” tah ta.

ÂTHAONA 48:16

Hmo pha leipa zydua tawhta nâ chatlaituhpa Vâlyuhchâpa ta, Hawtizy he byhnâ pie sala, Âmo liata ei moh phaoh lymâpa châ mawh sy. Nâ pathlatuhpa Abarahâ nata Aisika zy moh chhao, Phaoh lymâpa châ sala; Alei chô liata thata vaw pôh mawh ei sy,” tah ta.

ÂTHAONA 49:22

“Zawsi cha kre zôh pathei khoh ngaitapa châ ta, Tihnawh kiah liata a pathei khoh ngaitapa a châ; Thokhy khô lâ taihta a chiahzy â zawh.

ÂTHAONA 49:24

Châhrasala Zakaw Khazohpa Thatlôpa ku ta, Vaituhpa Izarei Lôpanô baona ta, A libaw pachyu ta, A bâh thapatlôpa ta a y.

ÂTHAONA 49:28

Cha zydua cha Izarei pho hrawh hleinozy châ ei ta, chazy cha byhnâ a awpa no ei ta ama paw biereipazy a châ. Byhnâ ama to awpa lymâ hawhta byhnâ a awpa ei.

ÂTHAONA 6:9

He he Nôah pathlazy thâtih a châ. Nôah cha chyhsa siapa châ ta, ano chhâ chyhsazy hry liata seina a hnei leipa a châ. Nôah cha Khazohpa nata a kaolâh tyh ei ta.

1 ABEIZY 3:6

Sawlawmaw ta, “Châ chakaotuhpa ei paw Dâvi kha na hmiakô liata ngâchhihna, siana nata palôh dopa phaopa ta a y tyhpa vâta, a chô liata ngiachhiena thata na palâsa. Cha ngiachhiena rônah ngaitapa cha a chô liata palâsa pazao chi ta, a beidyuchhai liata a tyuh awpa sawchapawpa chhao tanoh na pie haw.

1 THÂTIHZYRONA 5:1

Hezy he Izarei sawchapaw uhtheipa Rubena pathlazy ama châ. Rubena cha sawchapaw uhtheipa châ ta, châhrasala a paw rakhô a papuapaleipa vâta, sawchapaw uhthei châna tovyuh cha Izarei sawchapawpa Zawsi sawchapawzy hnohta piepa châ ha ta, chavâta pathlatuhpazy alaichadaina liata chhao, sawchapaw uhtheipa hawhta a laichadaipa châ khao vei.

HLAZY 16:8

Abeipa cha khâ hmia pasah na ta, Ei ku chachâh lâta a ypa vâta, A chalyu aw va na.

HLAZY 23:1

Abeipa cha nâ vaituhpa châ ta, A phahla aw va na.

HLAZY 37:3

Abeipa cha ngâ la, Hmo pha tao mah y; He râh liata pahrâ la, Ngâchhihna zi lymâ mah y.

PUASAINA 3:16

Sie la, Izarei machâzy awpakhy la, ama hnohta, ‘Zehôvâh, châ pathlatuhpazy Khazohpa, Abarahâ Khazohpa, Aisika Khazohpa nata Zakaw Khazohpa ei hnohta a vaw luah ta, hetana heta a tah: Cha vaw tly ei na ta, Izi râh liata nama chô liata ama hmotaopazy ei hmô haw.

PUASAINA 4:5

Abeipa ta, “Kha hmo kha Abeipa, âmo pathlatuhpazy Khazohpa, Abarahâ Khazohpa, Aisika Khazohpa nata Zakaw Khazohpa cha, na hnohta â vaw luah tlai tahpa ama zo thei nawpa châta a châ,” tah ta.

BIECHHOTUHPA 5:12

Raihriatuhpa cha a nie hluh tlyma, a nie chyh tlyma, a mokuh pahâh kaw ta; hneirôhpa deikua cha, rih biena taihta a niepa chhao ta a mô thei vei.

BIECHHOTUHPA 5:18

Moh teh u, hmo phapa nata a hmiepa ta ei hmôpa cha, chyhsa ta niepa ta doh ta, Khazohpa ta a piepa noh chyhta a hnei chhôh ta, noh ry liata a hriapasana zydua liata alyna a hnei awpa he a châ. Cha cha a tovyuh a châ.

BIECHHOTUHPA 6:7

Chyhsapa hriapasana zydua cha a aoh châta châ ta, châhrasala a aoh lôhrâ tlô beih vei.

ISAI 30:21

Chachâh lâ tlyma, chavei lâ tlyma, namâ heih nahta, nama nahzy ta, “He he lâpi a châ hih, he lâpi he a chhih teh u,” tahpa ta, nama hnôh lâ tawhta bie a vaw puapa nama thei aw.

ISAI 33:16

Cha chyhsa tlai cha su sâhpa liata a pahrâ aw. Â chhaina su cha lôpanô thokhyzy châ aw ta, A nie awpa piepa a châ aw; Ti a do awpa chhao chie aw vei.

ZEREMIAH 8:2

kyh ama pachâpa, ama chakaopa, ama pazipa, ama tluapa nata amâ chhypa noh, thlâpâ nata awhsi zydua hmiakô liata zawpa ama châ aw. Pakhypa châ khao leipa aw ei ta, pabupa châ hra aw veih ei. Ie hawhta alei chô liata pasichhihpa ta ama y aw,” Abeipa ta a tah.

LUKA 1:6

Ama pano ta Khazohpa hmiakô liata chyhsa siapa châ ei ta, Abeipa biepiepa nata bieraopa zydua liata seina hnei leipa ta a zyh lymâpa ama châ.

1 KAWRINI 10:31

Chavâta nama nie tlyma, nama doh tlyma, nama taopa maih Khazohpa rônahna châta tao muh vy.

2 KAWRINI 1:12

He he eimâ palaikhei: Khizaw sona ta châ leipa ta, Khazohpa ngiachhiena vâta, he khizaw liata nata nâmo liata pathaihna nata Khazohpa liata adona ta eima hro tyhpa kha, eima chhie na pha pahnona ta miah a pahnokhei.

RYHPACHANEINA 33:1

He byhnâ awnazy he Khazohpa chyhsa Mawsi ta a thi hlâta Izarei sawzy châta byhnâ a awna a châ.

KAOLAOSÂ 2:6

Chavâta Krista Zisu Abeipa namâ pyh ha tawhta cha, ano liata y u la,

1 THYSALAWNIKA 2:12

A khinarâh nata a rônahna lâta nâmo châ awtuhpa Khazohpa chyhsa tlâh nama châ thei nawpa ta, cha pasyu pi ta, nama tha cha patlô pi ta, bie eima cha pie.

HEBRAI 11:21

Ngiapâna ta Zakaw ta a thi chy ta, Zawsi sawchapawzy byhnâ awpa chyu ta, a chôchahrei pawhmao a hniehpa ta Khazohpa â chhy.