ÂTHAONA 47:7 - Mara Bible RV (BSI)

⁷ Zawsi ta a paw Zakaw cha a chhi ta, Phiraoh hmiakô liata paduasa ta, Zakaw ta Phiraoh cha byhnâ awpa ta.

ÂTHAONA 47:7 ပူးပေါင်းရင်းမြစ်များ

ÂTHAONA 14:19

Melkizade ta Abarâ cha byhnâ awpa ta, “Lei nata vâ hneituhpa Khazohpa Chônôchaipa ta, Abarâ cha byhnâ pie mawh sy!

ÂTHAONA 35:27

Zakaw cha Kiriathâbâ kiapâh Mamre khih liata a ypa a paw Aisika kô kei tlô ta. Cha khih cha Hebraw tahpa châ hra ta, Abarahâ nata Aisika zy pahrâna khih a châ.

ÂTHAONA 47:10

Zakaw ta Phiraoh cha byhnâ awpa ta, Phiraoh hmiakô tawhta pua ha ta.

ÂTHAONA 47:8

Phiraoh ta Zakaw hnohta, “Kô khazie na châ haw?” tah ta.

2 SAMUELA 14:22

Zôabâ cha a hmia alei lâ a khupa ta pao ta, a naoh ta, abei cha byhnâ awpa ta. Zôabâ ta, “Hy ei zibeipa abei y, abei ta a chakaotuhpa hiapa hlao a patlohna liana heta, tanoh cha châ chakaotuhpa he na modypa ei châ tahpa ei pahno,” tah ta.

2 SAMUELA 19:39

Zawpi zydua cha Zawdâh haosâ chaka ei ta, abei chhao chaka hra ta. Abei ta Bâzilai cha a pahnâ ta, byhnâ awpa ta. Bâzilai cha a o lâ a lie ha ta.

2 SAMUELA 8:10

Dâvi ta Hadâdeze a dyuh ta a pahnie hapa vâta, a hnatlâna kyh hiahri awpa nata byhnâ awpa awpa ta, a sawchapawpa Zôrâ cha ano lâ tuah ta. Hadâdeze he Tôi a vaw dyuh ngâ thlâh ha tyhpa a châ. Zôrâ cha tâkâ, ngôh nata dawh hmobaohzy vaw phaoh ta.

1 ABEIZY 1:47

Cha dei châ vei, bei chakaotuhpazy a vy ei ta, eima zibeipa Bei Dâvi cha a vaw lykhei ei ta, ‘Na Khazohpa ta Sawlawmaw moh cha nâma moh hlâta pathâhsa via sala, a beidyuchhai cha nâma beidyuchhai hlâta parônahsa via mawh sy,’ ama tah. Abei chhao ta a rakhô liata a bôhpa ta â naoh ei.

1 ABEIZY 8:66

A noh chariena noh ta zawpizy cha papaisa ta, abei cha byhnâ awpa ei ta, Abeipa ta a chakaotuhpa Dâvi nata a phopi Izarei chô liata phana a palâsapa zydua vâta, a ly ngaitapa nata palôh tlâh ngaitapa ta ama o chyu lâ amâ di haw.

2 ABEIZY 4:29

Elaisâh ta Kehâzi hnohta, “Na chai a saih la, ei chôchahrei he na ku ta chaba la, sie teh. Chyhsa nâ tyh khiahta cha, a naoh leipa la, chyhsa ta ama châ naohpa chhao ta, a naoh palie leipa la, ei chôchahrei he hawtipa hmia liata kei pahnieh mah y,” tah ta.

PUASAINA 12:32

Nama reipa hawhna khata, nama mietaku zawzy nata nama viahchao hrizy cha a chhi u la, sie teh u. Kei chhao he byhnâ na awpa teh u!” tah ta.

MATHAI 26:26

Ama nie hai nota, Zisu ta viahchhâ la ta, byhnâ a aw khai nahta, pachhaih ta, pachupazy pie ta, ama hnohta, “La u la, nie teh u, he he ei sapa a châ,” tah ta.

LUKA 22:19

Viahchhâ la ta, alyna bie a rei khai nahta, eichheih ta, ama hnohta pie ta, “He he ei sapa, nama châta piepa a châ, einâ thei thlâh nawpa ei chi ta, he he tao tyh muh vy,” tah ta.

ZAWSUA 14:13

Zawsua ta Kâlebâ cha byhnâ awpa ta, Hebraw cha Zephune sawchapawpa Kâlebâ hnohta a ryuto râh châta pie ta.

ZAWSUA 22:6

Chatanachata Zawsua ta âmo cha byhnâ awpa ta, pasiesa ta, ama poh ozy lâ a di ha ei ta.

1 PITY 2:17

Chyhsa zydua za u la, unawhzy kyhpachâ u la, Khazohpa chi u la, abei cha za teh u.

1 SAMUELA 2:20

Eli ta Elkânâ nata a lapinô cha byhnâ awpa ta, “He chanô ta Abeipa lâ a hlâ hapa vyuhpa ta, ano liana heta Abeipa ta saw hropazy cha pie mawh ei sy,” tah ta. Cha khai tawhta ama o lâ a lie ha ei ta.